ខេត្តព្រះសីហនុ ៖ បន្ទាប់ពី រលំបាក់ស្រុតអគារ៧ជាន់ធ្វើអោយមានមនុស្សស្លាប់ជាង២០នាក់របួសមួយចំភ្លូសមកអភិបាលខេត្តព្រះសីហនុថ្មី ត្រូវបានគេមើលឃើញថាបាននិងកមពុងបោសសំអាតកាកសំណល់ដែលនៅសេសសល់បង្កឡើងដោយរដ្ឋបាលចាស់!?។
ជាក់ស្តែងអ្វីដែលគួឲ្យហួសចិត្តក្រុមការងារបច្ចេកទេស របស់ក្រសួងរៀបចំដែនដីនគរូបនីយកម្ម និងសំណង់ បានរកឃើញបញ្ហាប្រឈមមួយចំនួន ក្នុងការត្រួតពិនិត្យគុណភាពសំណង់ជាង ៥០០កន្លែងនៅខេត្តព្រះសីហនុ។ ក្នុងនោះបានរកឃើញការដ្ឋាន ១៤កន្លែងគ្មានស្ដង់ដារសាងសង់ តម្រូវឱ្យរុះរើសំណង់ចេញ និង ៧០ការដ្ឋានផ្សេងទៀតត្រូវធ្វើការត្រួតពិនិត្យគុណភាពពីក្រុមហ៊ុនឯកជន ដើម្បីបញ្ជាក់ពីគុណភាពសំណង់ ដើម្បីបញ្ចៀសកុំឱ្យមានការខុសឆ្គងបន្តទៀត ។
ថ្ងៃទី២៦ ខែសីហា ឆ្នាំ២០១៩ នៅសាលាខេត្តព្រះសីហនុ លោក ឡៅ ទិព្វសីហា រដ្ឋលេខាធិការក្រសួងដែនដីនគរូបនីយកម្ម និងសំណង់ ជាប្រធានគណៈកម្មការត្រួតពិនិត្យគុណភាពសំណង់ខេត្តព្រះសីហនុ និងលោក គួច ចំរើន អភិបាល នៃគណៈអភិបាលខេត្តព្រះសីហនុ ជួបប្រជុំជាមួយយអ្នកម៉ៅការសំណង់ អ្នកលក់សម្ភារៈសំណង់ និងក្រុមហ៊ុនក្រឡុកបេតុងក្នុងខេត្តព្រះសីហនុ ។
ក្នុងកិច្ចប្រជុំផ្សព្វផ្សាយ ស្តីពីវិធានការចំពោះក្រុមហ៊ុនប្រកបអាជីវកម្មសំណង់ ដែលមិនអនុវត្តន៍តាមកាតព្វកិច្ច និងលក្ខខណ្ឌតម្រូវ លោក គួច ចំរើន អភិបាលខេត្តព្រះសីហនុណែនាំថា ក្នុងខេត្តព្រះសីហនុ ការដ្ឋានសមណង់នានាត្រូវមានច្បាប់អនុញ្ញាតសាងសង់គ្រប់ការដ្ឋាន ។ ក្រុមហ៊ុនសាងសង់ត្រូវបានចុះបញ្ជីនៅក្រសួងដែនដីនគរូបនីយកម្ម និងសំណង់ ។
ក្នុងកិច្ចប្រជុំនោះអ្វីដែលចាប់អារម្មណ៍សមត្តកិច្ចក៏ដូចជាអាជ្ញាធរមិនបានទទួលស្គាល់ពីចំណូចខ្សោយរបស់ខ្លួនក្នុងការគ្រប់គ្រង់ទេបើទោះជាក្រុមការងារបានរកឃើញនូវចំណុចខ្វះខាត ត្រូវរុះរើសំណង់ចេញ ក៏ដោយ។អង្គប្រជុំបានចោទប្រកាន់ថាទាំងនេះជាកំហុសឆ្គងរបស់អ្នកម៉ៅការសាងសង់ ការសាងសង់ខ្វះបច្ចេកទេស គុណភាព នាំឱ្យមានហានិភ័យខ្ពស់ ។លោកអភិបាលខេត្តបាន តម្រូវឱ្យ អ្នកម៉ៅការ ត្រូវចុះបញ្ជីនៅក្រសួងដែនដីនគរូបនីយកម្ម និងសំណង់ ។
រាល់ម្ចាស់ការដ្ឋានណាដែលមិនបានសហការ តាមការអញ្ជើញរបស់រដ្ឋបាលខេត្តក្នុងការចូលរួមកិច្ចប្រជុំ ស្តីពីការផ្សព្វផ្សាយ អំពីវិធានការចំពោះក្រុមហ៊ុនប្រកបអាជីវកម្មសំណង់ដែលមិនអនុវត្តន៍តាមកាតព្វកិច្ច និងលក្ខខណ្ឌតម្រូវ ដោយបទដ្ឋានបច្ចេកទេសសំណង់ នឹងចុះទៅផ្អាកការដ្ឋានទាំងនោះ ជាបណ្តោះអាសន្ន ។
លោក ឡៅ ទិព្វសីហា ប្រធានគណៈកម្មការត្រួតពិនិត្យគុណភាពសំណង់ខេត្តព្រះសីហនុ បានធ្វើការបទបង្ហាញថា វិធានការនានាចំពោះក្រុមហ៊ុនប្រកបអាជីវកម្មវិស័យសំណង់ដែលមិនអនុវត្តន៍តាមកាតព្វកិច្ច និងលក្ខខណ្ឌតម្រូវដោយបទដ្ឋានបច្ចេកទេសសំណង់ ទទួលខុសត្រូវក្នុងកិច្ចសន្យា និងក្រៅកិច្ចសន្យា ចំពោះការខូចខាតបង្កឡើងដោយសំណង់ ។ ត្រូវទទួលខុសត្រូវលើគំនូរប្លង់ សោភ័ណភាព ជ្រើសរើសសម្ភារ ការជ្រើសរើសបច្ចេកវិទ្យា ។
ត្រូវត្រួតពិនិត្យការដ្ឋានឱ្យបានហ្មត់ចត់ ចៀសវាងការធ្វេសប្រហែសបង្កគ្រោះថ្នាក់ជាយថាហេតុ។ ពិសេសត្រូវអនុវត្តន៍នូវវិធានការចំនួន៤ ក្នុងនោះ ទី១-កាតព្វកិច្ច និងលក្ខខណ្ឌចម្បងៗដែលក្រុមហ៊ុនប្រកបអាជីវកម្ម សិក្សាគម្រោងប្លង់ ត្រូវគោរព និងអនុវត្តន៍ ។ ទី២-កាតព្វកិច្ច និងលក្ខខណ្ឌចម្បងដែលក្រុមហ៊ុនប្រកបការងារសាងសង់ និងក្រុមជាងសំណង់ ត្រូវគោរព និងអនុវត្តន៍ ។ ទី៣-ម្ចាស់សំណង់ទទួលខុសត្រូវចាត់ចែង ។ ទី៤-វិធានការអនុវត្តន៍តាមនីតិវិធីច្បាប់ចំពោះម្ចាស់សំណង់ ៕
