ភ្នំពេញ៖ នៅថ្ងៃទី២៦ ខែសីហា ឆ្នាំ២០១៩សមត្តកិច្ចនគរបាល បានយកលិខិតជូនដំណឹងរបស់តុលាការរាជធានីភ្នំពេញចេញដោយ លោក កូយ សៅ ចៅក្រមស៊ើបសួរចុះថ្ងៃទី១៦សីហា ទៅបិទនៅផ្ទះរបស់ លោក សម រង្ស៉ី នាសង្កាត់ចាក់អង្រែលើ ខណ្ឌមានជ័យ រាជធានីភ្នំពេញ ដើម្បីបញ្ជាក់អំពីការបញ្ចប់នីតិវិធីស៊ើបសួរ ហើយបញ្ជូនសំណុំរឿងទៅជំនុំជម្រះ ពាក់ព័ន្ធនឹងករណីប្រមាថ និងញុះញង់ឱ្យប្រព្រឹត្តបទឧក្រិដ្ឋជាអាទិ៍។
មន្ត្រីតុលាការ ឲ្យដឹងថា ក្នុងសំណុំរឿងនេះ លោក សម រង្ស៉ី ត្រូវបានចោទប្រកាន់ចំនួន២បទល្មើស រួមមាន បទប្រមាថ និងបទញុះញង់ឲ្យប្រព្រិតបទឧក្រិដ្ឋជាអាទិ៍ តាមបញ្ញត្តិមាត្រា ៤៩៥ និង៥០២ នៃក្រមព្រហ្មទណ្ឌ។ ជនត្រូវចោទបានប្រព្រឹត្តបទល្មើសក្នុងកំឡុងខែមេសា ដល់ តុលា ឆ្នាំ២០១៨។ ជនត្រូវចោទមាន៤នាក់ ក្នុងនោះមាន លោក សម រង្ស៊ី , លោក គង់ ម៉ាស់ លោក ហូ វ៉ាន់ និងកាក់ កុម្ភារ ។ក្រៅពីសំណុំរឿងខាងលើលោក សម រង្ស៉ីដែលប្រកាសថាចូលស្រុកវិញថ្ងៃ៩វិច្ឆិកានៅ មានសំណុំរឿងមួយចំនួនទៀតរបស់ កំពុងស្ថិតនៅដំណាក់កាលស៊ើបសួរនៅឡើយទេ។
លោក គង់ ម៉ាស់ អតីតសកម្មជនក្រុមប្រឆាំង រស់នៅភូមិខ្លាលោតឃុំកំពង់ត្រាច ស្រុករមាសហែក ខេត្តស្វាយរៀង ត្រូវបានសមត្ថកិច្ចចាប់ខ្លួន នៅថ្ងៃទី១៦ ខែមករា ឆ្នាំ២០១៩ ហើយត្រូវបានតុលាការឃុំខ្លួននៅពន្ធនាគារព្រៃស កាលពីថ្ងៃទី១៩ ខែមករា ឆ្នាំ២០១៩ ។ឯ ជនត្រូវចោទ៣នាក់ទៀត លោក សម រង្ស៊ី , លោក ហូ វ៉ាន់ និងកាក់ កុម្ភារ កំពុងគេចខ្លួននៅក្រៅប្រទេសឡើយដែលគេសង្ឃឹមថានឹងមកស្រុកខ្មែរថ្ងៃ៩វិច្ឆិកាខាងមុខ។សមត្ថកិច្ចឲ្យដឹងថា៖ក្រោយការចាប់ខ្លួនអតីតសកម្មជនក្រុមប្រឆាំងនេះសមត្ថកិច្ចបានរកឃើញមានឯកសារសំខាន់ៗជាច្រើនដែលទាក់ទងនឹងផែនការប៉ុនប៉ងផ្តួលរំលំរាជរដ្ឋាភិបាលតាមបញ្ជារបស់បុគ្គល សម រង្សី!៕
