ភ្នំពេញ ៖ ក្រុមអង្គព្រោកប្រាជ្ញ ដែលមានលោក ខាន់ សុវណ្ណ អតីតមន្ត្រីគយនិងជាថៅកែខារ៉ាអូខេកូប្រា ជាមេក្លោងបានរៀបចំវេទិកា រៃអង្គាសថថវិកាឲ្យបាន ១ លានដុល្លារ ដើម្បីយកទៅលេងល្បែងភ្នាល់ថាតើ លោក សម រង្ស៊ី វិលមកស្រុកវិញនាថ្ងៃទី៩វិច្ឆិកាតាមការសន្យាឬអត់?
លុយ១លានដុល្លារនិងផ្ដល់ជូនលោក សម រង្ស៊ី នៅពេលដែលលោកមកដល់ប្រទេសកម្ពុជា ។ គម្រោងនៃការភ្នាល់របស់អង្គព្រោកប្រាជ្ញទទួលបានការចាប់អារម្មណ៍មុនគេ ពីសម្តេចកនាយករដ្ឋមន្ត្រី ហ៊ុន សែន ។ តាមរយៈឡាយរបសលោកខាន់សុវណ្ណ( Live Show )សម្តេចនាយករដ្ឋមន្ត្រី បានប្រកាសព្រមធ្វើសាក្សីលើការភ្នាល់នេះ។ ប៉ុន្តែទន្ទឹមនឹងធ្វើជាសាក្សីនៃការភ្នាល់នេះ សម្តេចនាយករដ្ឋមន្ត្រី ហ៊ុន សែន បានបញ្ជាក់ពី វិធានការផ្លូវច្បាប់នឹងត្រូវអនុវត្តចំពោះលោក សម រង្ស៉ី។
ទោះជាយ៉ាយ៉ាងណា ការបង្កើតមូលនិធិរៃអង្គាស នឹងដំណើរការភ្នាល់លុះត្រាមានការយល់ព្រមភ្នាល់ពីលោក សម រង្ស៊ី ដែរ។ ពីខាងលោក សម រង្ស៊ី វិញបានលើកឡើងាតមហ្វេសប៊ុកថា លោកមិនចាប់អារម្មណ៍ជាមួយនឹងការភ្នាល់គ្នា ដោយដាក់ប្រាក់១លានដុល្លារនេះឡើយ។ លោកសមរង្ស៊ីបានរិះគន់ចំពោះគំនិតផ្ដួចផ្ដើមក្នុងការភ្នាល់ចំពោះដំណើរវិលវិញរបស់លោកផងដែរ។ លោក សម រង្ស៊ីថា ដំណើរមាតុភូមិនិវត្តន៍របស់លោក ដែលគ្រោងមកដល់កម្ពុជាវិញនៅថ្ងៃទី០៩វិច្ឆិកា ឆ្នាំ២០១៩នេះ នៅតែមានសុពលភាពដដែល ដោយគ្មានការកែប្រែណាមួយឡើយ។
បើតាម លោក ខាន់ សុវណ្ណអង្គព្រោកប្រាជ្ញតែងតែជជែកពីនេះពីនោះគ្រប់បញ្ហាសង្គម និងនយោបាយ។ ហើយអង្គព្រោកប្រាជ្ញមិនចំណុះឲ្យគណបក្សនយោបាយណាមួយឡើយ(ក្រៅតែពីនាយករដ្ឋមន្ត្រី?)។