ខេត្តរតនគិរី ៖ សកម្មភាពដឹកបទល្មើសឈើប្រណីតនៅក្នុងខេត្តរតនគិរី នៅតែបន្តដឹកជញ្ជូនយ៉ាងរលូនទាំងយប់ទាំងថ្ងៃ ចេញពីក្រុងបានលុងឆ្ពោះទៅច្រកព្រំដែនអូរយ៉ាដាវ . ដោយឆ្លងកាត់សមត្ថកិច្ចជំនាញជាច្រើនស្ឋាប័ណ្ណដែលយាមបណ្តាក់គ្នាតាមដងផ្លូវដូចខ្យង(បើកភ្លើងខៀវ)ពុំមានការទប់ស្កាត់ទោះបីរាជរដ្ឋាភិបាលចេញបទបញ្ជាយ៉ាងតឹងរឹងក្នុងការទប់ស្កាត់បទល្មើសព្រៃឈើយ៉ាងណាក៏ដោយ ការដឹកជញ្ជូនរបស់ក្រុមឈ្មួញនៅតែបន្តជាហូរហែរយ៉ាងអាណាធិបតេយ្យ ជាក់ស្តែងកាលពីថ្ងៃអាទិត្យទី ០៧ខែសីហាឆ្នាំ២០១៦ រថយន្តមាក់ធុនត្រាពីរគ្រឿង (ពណ៌ស) បិទសញ្ញាសំគាល់លេខ(16)កន្ទុយរថយន្ត ដែលត្រូវបានគេស្គាល់របស់លោកវ៉ែន ។
តាមប្រភពប្រជាពលរដ្ឋដែលនៅទីនោះបានអោយថា ឈ្មួញឈ្មោះវ៉ែន មានរថយន្តទំនើបៗម៉ាក់ធុនត្រាចំនួនបួនគ្រឿងពីរគ្រឿងបិទសញ្ញាលេខ(16 ពណ៏ស)ហើយពីរគ្រឿងទៀត ពណ៏ត្រាវ ហើយរថយន្តទាំងបួនគ្រឿងនេះដឹកជញ្ជូនទាំងយប់ទាំងថ្ងៃ មិនរំខានដល់មន្ត្រីជំនាញពាក់ព័ន្ធនោះឡើយ ។ ការដែលលោកវ៉ែនដឹកជញ្ជូនឈើតាមអំពើចិត្តនោះ ក៏ព្រោះតែលោកវ៉ែនបានផ្តល់ផលប្រយោជន៍ដល់សមត្ថកិច្ចពុករលួយជាប្រចាំនៅងំបន់នោះ ៕