ខេត្តរតនៈគិរី ៖ ឃ្លិបវិដេអូមួយបង្ហាញថាលោកនាយប៉ុស្ដិ៍ច្រករបៀងភូមិភិ ឃុំសេសាន ស្រុកអូរយ៉ាដាវយកលុយ ស្ត្រីជនជាតិវៀតណាមម្នាក់ចំនួន៤០០០ដុល្លារអាមេរិកជាថ្នូរនិងការរកស៊ីឈើឆ្លងដែន!។
ស្ត្រីជាជនជាតិវៀតណាមម្នាក់សុំមិនបញ្ចេញឈឈ្មោះបានឲ្យដឹងថា កាលពីអំឡុង ខែមីនា ឆ្នាំ២០១៩ ថៅកែទិញ ឈើនៅប្រទេវៀតណាមបានយកប្រាក់កក់ចំនួន៤០០០ដុល្លារ មកឲ្យគាត់ដើម្បីទិញឈើដឹកចេញតាមច្រករបៀង ភូមិភិ ឃុំសេសាន ស្រុកអូរយ៉ាដាវ។ ក៏ប៉ុន្តែស្ត្រីរូបនេះ គាត់មិននៅ ហើយគាត់ក៏ទូរស័ព្ទឲ្យថៅកែវៀតណាមនោះ យកប្រាក់មកផ្ញើទុកនៅលោក សេក ឌុល ជានាយប៉ុស្ដិ៍នគរបាលការពារព្រំដែនគោក ច្រករបៀងភូមិភិទុកសិន ពីព្រោះប្រាក់នេះ គង់តែបង់ឲ្យលោកមេប៉ុស្ដិ៍ ក្នុងការបើកច្រកឲ្យពួកគាត់ដឹកឈើចេញដដែលទេ។
ស្ត្រីជនជាតិវៀតណាមនោះបាននិយាយ ថា លោក ឌុល នាយប៉ុស្ដិ៍ យកប្រាក់៤០០០ដុល្លារនោះ ទៅចែកឲ្យមេវរៈ ចំនួន ២៥០០ដុល្លារ នៅសល់១៥០០ដុល្លារ លោ ឌុល នាយប៉ុស្តិ៍ យក៧០០ដុល្លារ ហើយចែកឲ្យរងប៉ុស្ដិ៍ លោក ធី និងលោក រ៉ន ម្នាក់៤០០ដុល្លារ។ ដោយមើលទៅសភាពការណ៍មិនល្អ ស្ត្រីជនជាតិវៀតណាម មិនបានធ្វើសកម្មភាពដឹកឈើ គាត់ក៏ទារយកប្រាក់ពីលោកនាយប៉ុស្ដិ៍វិញ។ រហូតដល់ថ្ងៃទី១៤ ថ្ងៃទី១៥ ខែសីហា ឆ្នាំ២០១៩ កន្លងទៅនេះ ទើបស្ត្រីវៀតណាមរូបនេះ ឲ្យដឹងទៀតថា ប្រាក់ ៤០០០ដុល្លារនោះ លោក ឌុល បានសង៧០០ដុល្លា លោក ធី ក៏សង៤០០ដុល្លារ ចំណែកគាត់ហើយ?។ នៅតែលោក រ៉ន ៤០០ដុល្លា និងខាងវរៈ បានសង១០០០ដុល្លា នៅសល់១៥០០ដុល្លាទៀត សរុបនៅសល់១៩០០ដុល្លារទៀត។
ស្ត្រីវៀតណាមបន្តទៀតថា លោក ឌុល បានឲ្យគាត់ទៅទារលុយអ្នកដែលនៅមិនទាន់សងគ្រប់។ ស្ត្រីវៀតណាមថា ឲ្យគាត់ទៅយកពីអ្នកណា ? បើគាត់មិនស្គាល់គេផង ហើយ លុយនេះ គឺគាត់ឲ្យទៅលោក ឌុល ជាមេប៉ុស្ដិ៍ ដូច្នេះលោក ឌុល ត្រូវប្រមូលយកមកឲ្យគាត់វិញ។
ជុំវិញករណីខាងលើនេះ លោក សេក ឌុល នាយប៉ុស្ដិ៍ ច្រករបៀងភូមិភិប្រាប់កាសែតថា លោកបានយកប្រាក់ ៤០០០ដុល្លារមែន តែជាប្រាក់គេផ្ញើ ហើយលោកបានសងទៅម្ចាស់គេវិញហើយ នៅជំពាក់តែ៤០០ដុល្លារទៀតតែប៉ុណ្ណោះ តែមានការចុះផ្សាយយ៉ាងណា លោកនឹងប្ដឹងបកទៅអ្នកសារព័ត៌មានវិញ?!។តើករណីយ៍ចឹងៗមានទោសដែរអត់?មានតែខាឆអង្គភាពប្រឆាំងអំពើពុករលួយទេដែលបកស្រាយបាន៕
