ខេត្តសៀមរាប ៖ បែករឿងពុករលួយក្នុងការបើកឲ្យសង់ស្ថានីបញ្ចូលហ្គាសរថយន្តនៅតាមផ្លូវលោកតាណឺយ ទល់មុខអតីតមន្ទីរពេទ្យនាគទេព ក្នុងភូមិបន្ទាយចាស់ សង្កាត់ស្លក្រាមក្រុងសៀមរាប ដែលបានផ្ទុះកាលពីវេលាម៉ោង១និង១៥នាទីរសៀល ថ្ងៃទី១៤ ខែសីហា ឆ្នាំ២០១៩បណ្តាលឲ្យមនុស្សចំនួន១៣នាក់រងរបួសគឺគ្មានច្បាប់អនុញ្ញាត។
អ្នករងរបួសចំនួន១៣នាក់នាក់ ស្រីចំនួន០៣នាក់ ក្នុងនោះរបួសធ្ងន់ចំនួន០៦ នាក់ ហើយក្នុងចំមណោមអ្នករងរបួសចំនួន១៣នាក់នេះ មានជនជាតិបរទេស ចំនួន០២នាក់។ម្ចាស់ហាងបញ្ចូលហ្គាសរថយន្តមានឈ្មោះ ឈុក ឈុនលី ភេទប្រុស អាយុ៤៨ឆ្នាំ មុខរបរលក់ហ្គាស មានទីលំនៅបច្ចុប្បន្ន នៅភូមិគោកស្រុក ឃុំពួកស្រុកពួក ខេត្តសៀមរាប ហើយបានជួលផ្ទះកន្លែងហេតុ បើកហាងបញ្ចូលហ្គាសរថយន្តបានបិទសាប៊ូបាត់ហើយ។
តែអ្វីដែលគួរឲ្យហួសចិត្តគឺក្រសួងរ៉ែនិងឋាមពលនៅថ្ងៃទី១៥សីហានេះប្រកាសថាស្ថានីយ៍នេះសង់អត់ច្បាប់?។ បើចឹងមែនតើអ្នកណាទទួលខុសត្រូវរឿងអសមត្តភាពឬករណីឃុបឃឹតគ្នាពុករលួយឃុបឃឹតគ្នាអនុញ្ញាតឲ្យសាងសង់ស្ថានីយ៍បញ្ចូលហ្គាសដែលជាសមត្តកិច្ចត្រួតពិនិត្យរបស់មន្ទីរជំនាញនិងអាជ្ញាធរដែនដីចឹង?។ដើម្បីអនុវត្តន៍អភិក្រមទី៥របស់នាយករដ្ឋមន្ត្រីគេត្រុវស្រាវជ្រាវរកមុខមន្ត្រីពុករលួយដែលយកលុយពីថៅកែស្ថានីយ៍បញ្ចូលហ្គាសមួយនេះ។
ករណីយ៍ជនរងគ្រោះសមត្ថកិច្ចបានឱ្យដឹងថា លោក ទៀ សីហា អភិបាលខេត្តសៀមរាបបានជួសម្របសម្រួលបញ្ជូនទៅព្យាបាលរបួស ទាំងនៅមន្ទីរពេទ្យរដ្ឋ និង ពេទ្យឯកជន រួចបានបញ្ជូនបន្តទៅព្យាបាលនៅប្រទេសថៃ ចំនួន០៧នាក់(នគរបាលម្នាក់) ក្នុងនោះជនជាតិបរទេសចំនួនម្នាក់បញ្ជូនទៅព្យាបាលនៅរាជធានីភ្នំពេញ និងជនបរទេសម្នាក់ទៀតកំពុងសម្រាកព្យាបាលជំងឺនៅមន្ទីរពេទ្យខេត្ត, ចំនួន០៤នាក់សំរាកនៅពេទ្យឯកជនក្នុងខេត្ត និងសុំសម្រាកព្យាបាលជំងឺនៅផ្ទះម្នាក់ ៕
