ភ្នំពេញ ៖ លោក អះម៉ាត់ យះយ៉ា អតីតរដ្ឋលេខាធិការក្រសួងសង្គមកិច្ចដែលជាគូសត្រូវលោកឧកញ៉ាឧស្ម្មន័ហាសាន់រដ្ឋមន្ត្រីទទួលបន្ទុកបេសកកម្មពីសេស
ត្រូវបាននគរបាលចាប់គ្រៀកដាក់ឡាន យកទៅដាក់គុកភ្លាមៗនាវេលាថ្ងៃត្រង់ទី១៣ ខែសីហា ពេល ចូលរួមស្តាប់សវនាការចំពោះក្មួយរបស់គាត់។
លោក កូយ សៅ ប្រធានក្រុមប្រឹក្សាជំនុំជម្រះសាលាដំបូងរាជធានីភ្នំពេញ បានប្រកាសសាលក្រមផ្តន្ទាទោសលោក អះម៉ាត់ យ៉ះយ៉ា អតីតរដ្ឋលេខាធិការក្រសួងសង្គមកិច្ចនិងក្មួយប្រុសឈ្មោះ អ៊ីស្មាអែលពិន ឧស្មាន ដាក់ពន្ធនាគារម្នាក់១៥ឆ្នាំ ពីបទការនាំចេញដោយមិនស្របច្បាប់សម្រាប់ការឆ្លងដែន តាមមាត្រា១១ ច្បាប់ស្តីពីការបង្ក្រាបអំពើជួញដូរមនុស្សនិងការធ្វើអាជីវកម្មផ្លូវភេទ ប្រព្រឹត្តនៅចំណុចរាជធានីភ្នំពេញ កាលពីឆ្នាំ២០០៤ដល់ឆ្នាំ២០១៧ ។
លោក អះម៉ាត់ យ៉ះយ៉ា និង ក្មួយប្រុស ត្រូវបានចោទប្រកាន់ថា ពាក់ព័ន្ធនឹងការបញ្ជូនស្ត្រីដោយខុសច្បាប់ទៅធ្វើការនៅប្រទេស អារ៉ាប៊ីសាអ៊ូឌីតកាលពីឆ្នាំ២០០៤ ដល់ឆ្នាំ២០១៧ តើបានវិលមកស្រុកវិញ ។ ជនរងគ្រោះត្រូវបានគេបង្ខាំងឲ្យធ្វើការគ្មានប្រាក់ខែ។ កន្លងមក លោក អះម៉ាត់ យ៉ះយ៉ា បដិសេធថានោះគឺជារឿងដែលគេប្រឌិតឡើងដើម្បីចាប់ខ្លួនលោកប៉ុណ្ណោះ! ៕
