បន្ទាយមានជ័យ៖ លោកភឹម ណាងត្រូវបានគេស្គាល់ថាជា នាយប៉ុស្តិ៍លេខ១០នគរបាលការពារព្រំដែនគោកវរៈសេនាតូចថ្មើជើងលេខ៨៩១ ឈរជើងនៅចំណុចអូរព្រំដែនកម្ពុជាថៃស្ថិតក្នុងភូមិស្ទឹងបត់សង្កាត់ផ្សារកណ្តាល ក្រុងប៉ោយប៉ែត ក្រោមការគ្រប់គ្រងរបស់លោកហាំ វណ្ណ:មេបញ្ជាការវរលេខ៨៩១ ដែលជាមេបញ្ជាការចាស់វស្សាជាងគេនៅកម្ពុជារងកាចោទថាឃុំខ្លួននិងប្រើហឹង្សាលើប្រជាពលរដ្ឋោដយខុសច្បាប់ ។
ជនរងគ្រោះឈ្មោះម៉ានសាឡោះ ហៅរ៉ា ភេទប្រុសមានអាយុ៣៨ឆ្នាំខ្មែរឥស្លាម រស់នៅភូមិស្ទឹងបត់ បានអោយដឹងថា៖ កាលពីយប់ថ្ងៃទី០៩ខែសីហាឆ្នាំ២០១៩វេលាម៉ោង១និង១០នាទី គាត់បានចេញពីផ្ទះក្រោយពីឭសម្លេងសត្វឆ្កែព្រុះខ្លាំង ដោយកាន់ពឹលនៅនិងដៃ។តែ ភ្លាមនោះស្រាប់តែបានជួបជាមួយលោកនាយរងប៉ុស្តិ៏លេខ១០ឈ្មោះភឹម ណាងបានមក ធើ្វសកម្មភាពចាប់ឃាត់ខ្លួនគាត់ ។
លោកមេប៉ុស្តិរូបនេះបានយកកាំភ្លើងមកភ្ជង់លើរូបគាត់ ហើយឃាត់ខ្លួនទុកនៅនឹងកន្លែងតាំងពីម៉ោង១រហូតដល់ម៉ោង៤ព្រឹកទើបដោះលែងវិញ ដោយមិនបានបញ្ជាក់ពីមូលហេតុអ្វីនោះទេ ។ បុរសជាជនជាតិខ្មែរឥស្លាម រូបនោះបានអះអាងថា លោកភឹម ណាង និងគូកន ពិតជាបានប្រើហិង្សាមកលើរាងកាយគាត់មែន។ គាត់ថា កាលពីថ្ងៃទី៩ខែសីហាឆ្នាំ២០១៩គាត់បានដាក់ពាក្យបណ្តឹង លោកមេប៉ុស្តិឈ្មោះភឹម ណាង រូបនោះហើយនៅអធិការដ្ឋានក្រុងប៉ោយប៉ែត ដោយទារសំណងចំនួន៥លានរៀល និងបានស្នើសុំអោយលោកមេបញ្ជាការវរលេខ៨៩១ ធ្វើការផ្លាស់ប្តូរសមាសភាព លោកមេប៉ុស្តិរូបនេះចេញជាបន្ទាន់ ព្រោះថា មេប៉ុស្តិនេះតែងបង្កបញ្ហាអោយពលរដ្ឋមិនសប្បាយចិត្តជាច្រើនលើកច្រើនសារមកហើយ ។
ចំពោះការចោទប្រកាន់ របស់ជនរងគ្រោះឈ្មោះ ម៉ាន សាឡោះ លោកនាយប៉ុស្តិលេខ១០វរៈនគរបាល៨៩១ ឈ្មោះភឹម ណាង នៅថ្ងៃទី១០នេះបានទទួលស្គាល់ថា លោកពិតជាបានឃាត់ខ្លួនពលរដ្ឋឈ្មោះម៉ានសាឡោះហៅរ៉ានោះមែនកាលពីយប់ថ្ងៃទី៩ខែសីហានោះ ដោយលោកនិងកម្លាំងរបស់លោក ដាក់ការសង្ស័យលើ ឈ្មោះ ម៉ានសាឡោះ រូបនោះថាជាអ្នកនាំចូលម៉ូតូគេចពន្ធពីប្រទេសថៃ តាមច្រករបៀងរ៉បស្ពានថ្មី ស្ទឹងបត់?។ តែលោកមេប៉ុស្តិបន្តថា លោកគ្មានវត្ថុតាងដើម្បីដាក់បន្ទុកលើជនសង្ស័យទេ ទើបដោះលែងវិញ រយៈពេលជាង៣ម៉ោង ។ នៅពេលសួរថា តើកន្លងទៅលោកធ្លាប់បង្ក្រាបបានបទល្មើស ម៉ូតូគេចពន្ធបាននៅប៉ុស្តិ របស់ខ្លួនដែរទេ ? លោកថាមិនដែលមានបទល្មើសចេញទេ?! ។ តែករណីឃាត់ខ្លួនបុរសខាងលើគឺជាការសង្ស័យ ដែលលោកគិតដោយខ្លួនឯងទេ?! ។
ពាក់ពន្ធ័បញ្ហានេះ លោកហាំ វណ្ណ:មេបញ្ជាការនគរបាលការពារព្រំដែនគោកវរសេនាតូច៨៩១ នៅព្រឹកខែសីហានេះមិនអាចសុំអោយលោកប្រតិកម្មលើបញ្ហាមេប៉ុស្តិឈ្មោះភឹម ណាងរំលោភសិទ្ធប្រជាពលរដ្ឋ នោះបានយ៉ាងណានៅឡើយ ព្រោះទូរសព្ទមិនចូល ។ តែយ៉ាងណា លោកមេប៉ុស្តិនិងគូកនផ្សេងទៀត ត្រូវបានលោកឧត្តមសេនីយ៏ត្រី សិដ្ឋ ឡោះ ស្នងការរងទទួលផែនព្រហ្មទណ្ឌកម្រិតស្រាលនៃស្នងការដ្ឋានខេត្តបន្ទាយមានជ័យបានកោះហៅ ទៅសួរនាំហើយដែរជុំវិញករណី ឃាត់ខ្លួនពលរដ្ឋទាំងយប់ដោយគ្មានភស្តុតាងនិងដីការពីតុលាការនោះ ។
គេមិនទាន់ដឹងនៅឡើយទេថាតើ ថ្នាក់លើនៅស្នងការដ្ឋាននគរបាលខេត្តបន្ទាយមានជ័យនៅបន្តទុកលោកមេប៉ុស្តិលេខ១០នេះអោយនៅបន្តធ្វើការគម្រាមប្រជាពលរដ្ឋទទៀតឬយ៉ាងណា នោះទេ? ព្រោះគេថា លោកនាយប៉ុស្តិរូបនេះគាត់សម្បូរមន្តអគមន៍បន្ទន់ចិត្តលោកធំច្រើនបង្គួរដែរ ។ ចំណែកអ្នករងគ្រោះនិងពលរដ្ឋមូលដ្ឋានផង កំពុងតែរងចាំអ៊ុតដំណឹងចុងក្រោយថាតើរឿងរំលោភសិទ្ធប្រជាពលរដ្ឋចឹងនឹងវិវឌ្ឍន៏ទៅជាបែបណាវិញ ? ៕
