ខេត្តប៉ៃលិន ៖ បុរសម្នាក់ បានលង់ទឹកស្លាប់ ខណៈពេលផឹកស្រាស្រវឹង ហើយចុះទឹកអូរដើម្បីរាវខ្យង ដែលមានចំងាយពីផ្ទះ៦០ម៉ែត្រ ត្រួវបានបងប្អួនសាច់ញ្ញាតិ ចុះស្រង់ដើម្បីសង្គ្រោះជីវិត តែហួសពេលទៅហើយ ។ ហេតុការណ៍ខាងលើនេះ បានកើតឡើងកាលពីវេលាម៉ោង ១០និង៥២នាទីព្រឹកថ្ងៃទី០៥ ខែសីហា ឆ្នាំ២០១៦ ស្ថិតត្រង់ចំណុចក្នុងវត្តសាលាក្រៅចាស់ ក្នុងភូមិទួលខ្ពស់ ឃុំស្ទឹងត្រង់ ស្រុកសាលាក្រៅ ខេត្តប៉ៃលិន ។
ជនរងគ្រោះឈ្មោះ វ៉ែន គឿន ភេទប្រុស អាយុ៥៦ឆ្នាំ ជាកសិករ និងមានប្រពន្ធឈ្មោះ ធីម ហេង អាយុ៥៤ឆ្នាំ ជាកសិករ ព្រមទាំងមាកូន៥នាក់ ក្នុងនោះប្រុស៣ ,ស្រី២ មានទីលំនៅក្នុងភូមិវាល ឃុំសាលាក្រៅ ស្រុកសាលាក្រៅ ខេត្តប៉ៃលិន ។
លោក គង់ ណន អធិការរងស្រុកសាលាក្រៅ បានឲ្យអ្នកយកព័ត៌មានយើងដឹងថា៖មុនពេលកើតហេតុ គេឃើញជនរងគ្រោះ បានផឹកស្រាហើយស្រវឹង ក៏ដើរទៅមាត់អូរបម្រុងចុះរាវខ្យង តែដោយសារស្រវឹងខ្លាំងពេក ក៏បានលង់ទឹកស្លាប់តែម្តង ។ ស្របពេលនោះក្រុមគ្រួសារ បានមកឃើញក៏នាំគ្នាចុះស្រង់ជនរងគ្រោះមកលើគោក ដើម្បីសង្គ្រោះជីវិត តែអ្វីៗបានហួសពេលអស់ទៅហើយ ។ លោកអធិការរង បានបន្តទៀតថា៖ ជនរងគ្រោះឈ្មោះ វ៉ែន គឿន ភេទប្រុស អាយុ៥៦ឆ្នាំ ជាកសិករ មានទីលំនៅក្នុងភូមិវាល ឃុំសាលាក្រៅ ស្រុកសាលាក្រៅ ខេត្តប៉ៃលិន ,មានប្រពន្ធឈ្មោះ ធីម ហេង អាយុ៥៤ឆ្នាំ ជាកសិករ ព្រមទាំងមាកូន៥នាក់ ក្នុងនោះប្រុស៣ ,ស្រី២ ។
ក្រោយពេលកើតហេតុសមត្ថកិច្ចជំនាញធ្វើកោសល្យវិច័យ បានចុះមកពិនិត្យ រួចសន្និដ្ឋានថា ជនរងគ្រោះពិតជាស្លាប់ដោយសារលង់ទឹកប្រាកដមែន ។ បច្ចុប្បន្នសពជនរងគ្រោះត្រួវបានសមត្ថកិច្ច ប្រគល់ឲ្យក្រុមគ្រសារយកទៅធ្វើបុណ្យតាមប្រពៃណី ៕
អត្ថបទ ទូច សុខន
