សៀមរាប ៖ អ្នកគ្រូ ជាសម្ភស្ស នាយិការសាលាបឋមសិក្សា វត្តព្រះឥន្ទកោសីយ៏ ភូមិទ្រាំងសង្កាត់ស្លក្រាមក្រុងសៀមរាបខេត្តសៀមរាប ឲ្យដឹងថា សាលារៀនមួយខ្នងមានប្រាំបន្ទប់ដែលសម្ដេចអគ្គមហាសេនាតេជោ ហ៊ុនសែន បានសាងសង់នៅឆ្នាំ ២០០៦ មកដល់ពេលនេះ២៣ឆ្នាំហើយ ។ បច្ចុប្បន្ន តួសាលាមានប្រេះស្រាំប្រកង់ផ្ទោងដំបូលធ្លុះធ្លាយដាច់ធ្លាក់ចុះជាបន្តបន្ទាប់ ដោយដុំៗ។
ពួកអ្នកគ្រូលោកគ្រូមានការព្រួយបារម្ភខ្លាំងណាស់ ខ្លាចគ្រោះថ្នាក់ដល់សិស្ស។តាមមរយៈ ឯកឩត្ដមនាយឧត្តមសេនីយ៍ គន់ គីម ទទួលបន្ទុកគ្រោះមហន្ថរាយអ្នកគ្រូសុំមេត្តា ជួយជំរាបជូន សូមសម្ដេចជ្រាបផង។
អ្នកគ្រូ ផង សុផល ឲ្យដឹងថា ពេលមានភ្លៀងមកពួកគាត់មិនហ៊ានឲ្យកូនក្មេងនៅក្នងសាលាទេដោយមានការបារម្ភខ្លាចសាលាបាក់សង្កត់ ។ ពេលខ្យល់ខ្លាំងមកក៏មិនឲ្យកូនសិស្សនៅក្នុងសាលាទេខ្លាចគ្រោះថ្នាក់ដោយចៃដន្យ។ដូច្នេះអ្នកគ្រូទាំង៣៣នាក់ ក៏ដូចឪពុកម្ដាយ ក្មេងៗទាំងអស់ សូមសម្ដេចនាយករដ្ឋមន្ត្រី ជួយធ្វើសាលារៀននេះសារជាថ្មី ដើម្បីឲ្យកូនក្មេងបានរៀនស្រួល ក៏ដូចជាទីពេញចិត្តដល់អ្នកគ្រូលោកគ្រូ នឹងប្រជាពលរដ្ឋទូទៅទាំងអស់ក្នុងខេត្តសៀមរាប ។
លោកខាវសតចៅសង្កាត់ស្លក្រាម ឲ្យដឹងថា ៖ រូបលោកយកចិត្តទុកដាក់ជាមួយសាលារៀនណាស់ នឹងមានសេចក្ដីខ្វាយខ្វល់ខ្លាំងដែរ តែមិនដឹងចូលច្រកណាបានទៅដល់សម្ដេច? ។
លោក សយ ទិត្យស្យាវង្ស ប្រធានមន្ទីអប់រំខេត្តឲ្យដឹងតាមទូរស័ព្ទថា សាលាចាស់ទ្រុតទ្រមខ្លាំងពិតមែន ពេលនេះកំពុង រកច្រកចូលជួបសម្ដេចពីព្រោះសាលារបស់សម្ដេចមានតែសម្ដេចទេដែលធ្វើសាលារៀននេះបាន! ៕
