ខណៈនេះក្រុមការងារចុះពង្រឹងមូលដ្ឋាន ឃុំរការ និងឃុំអន្លង់វិល ស្រុកសង្កែ ខេត្តបាត់ដំបង ដឹងនាំដោយឧត្តមសេនីយ៍ឯក រុន រ័ត្នវាសនា ប្រធាននាយកដ្ឋាននគរបាលចរាចរណ៍ និងសណ្ដាប់ធ្នាប់សាធារណៈ បាននិងកំពុងដំណើរការយ៉ាងសស្រាក់សស្រាំគួរជាទីសាទរ។
នៅរៀងរាល់ចុងសប្តាហ៍ ក្រុមការងារខាងលើតែងតែចុះទៅដល់មូលដ្ឋានទាំងប្រធាន អនុប្រធាននាយកដ្ឋាន អមដោយក្រុមមន្ត្រីក្រោមឳវាត បានចុះទៅជួយដោយផ្ទាល់ជាមួយប្រជាពលរដ្ឋ ដើម្បីដឹងពីសុខទុក្ខ និងស្ដាប់សំណូមពររាល់បញ្ហាចោទចំពោះមុខដល់ជីវភាពប្រចាំថ្ងៃរបស់ពួកគាត់។
លោក វរសេនីយ៍ឯក ស៊ុយ វុឌ្ឍី អនុប្រធាននាយកដ្ឋាន ទទួលផែនផែនរដ្ឋបាលបុគ្គលិក បានឲ្យដឹងថា៖ អនុវត្តតាមគោការណ៍ណែនាំដ៏ខ្ពង់ខ្ពស់ របស់លោក ឧត្តមសេនីយ៍ឯក រុន រ័ត្នវាសនា ក្រុមការងារបានយកចិត្តទុកដាក់លើការចុះជាប់កៀកជាមួយប្រជាពលរដ្ឋ សំដៅបង្កើនភាពជិតស្និទ្ធរវាងរាស្ត្រ និងមន្ត្រីឲ្យកាន់តែមានសាមគ្គីភាពទ្វេរឡើង។
ឈរលើស្មារតី ភាតរៈភាពរវាងរាស្ត្រ និងអាជ្ញាធរ លោកឧត្តមសេនីយ៍ទោ ទា ឡុង លោកឧត្តមសេនីយ៍ ហេង ចន្ថា លោកវរសេនីយ៍ឯក ស៊ុយ វុឌ្ឍី បានខិតខំយកចិត្តទុកដាក់ជាអទិភាពលើការងារចុះពង្រឹងមូលដ្ឋានឃុំ រកា និងឃុំអន្លង់វិល ឲ្យមានភាពជោគជ័យស្របតាមគោលការណ៍របស់ថ្នាក់ដឹងនាំ។
គួរបញ្ជាក់់ផងដែរថា ឧត្តមសេនីយ៍ឯក មានគោលដៅជាអាទិភាព ឲ្យប្រជាពលរដ្ឋ ទូទាំងប្រទេសធ្វើយ៉ាងណាត្រូវយល់ដឹង និងចូលរួមគោរពច្បាប់ចរាចរណ៍ឲ្យបានគ្រប់គ្នា ដែលប្រការនេះវាជាចំណែកមួយយ៉ាងសំខាន់ក្នុងការថែរក្សាការពារធនធានមនុស្ស និងទ្រព្យសម្បត្តិកុំឲ្យមានការបាត់បង់បន្តទៀតដោយសារតែគ្រោះថ្នាក់ចរាចរណ៍ជារៀងរាល់ថ្ងៃ ដែលបញ្ហាប្រឈមសម្រាប់កម្ពុជាយើងនាពេលបច្ចុប្បន្ននេះផងដែរ៕
