កំពង់ឆ្នាំង ៖ នៅព្រឹកថ្ងៃទី៦សីហានេះ លោក សុខ ឧត្តម នាយកស្ថានីយ៍វិទ្យុរិទ្ធីសែន មិនត្រូវបានតុលាការឃុំខ្លួនដូចការចោទប្រកាន់ និង ទាមទាររបស់មេការឧកញ៉ា សុខ ប៊ុនឡើយក្រោយពីទទួលបានការសាកសួរនិងបំភ្លឺជូនតុលាការ ។
លោក សុខ ឧត្តម នាយកស្ថានីយវិទ្យុរិទ្ធិសែនអមដោយមេធាវីរបស់លោក បាន ចូលបំភ្លឺនៅតុលាការ បណ្ដឹងរបស់មេការ ឧកញ៉ា សុខ ប៊ុន ! នៅអយ្យការអមសាលាដំបូងខេត្តកំពង់ឆ្នាំង បន្ទប់លេខ ៣ ។លោក សុខ ឧត្តម បានដាក់ភស្តុតាងមួយចំនួន ដែលជាឯកសារផ្លូវច្បាប់ ក្នុងសំណុំរឿងព្រហ្មទណ្ឌលេខ ១៨០ ជូនទៅព្រះរាជអាជ្ញាខេត្ត រួមទាំងខ្សែអាត់សំឡេង ដែលបញ្ជាក់បង្ហាញអំពីភាពមិនប្រក្រតីមួយចំនួនរបស់មេការលោកឧកញ៉ា សុខ ប៊ុន ដែលបានប្រព្រឹត្តកន្លងមក។
ទន្ទឹមនឹងការចូលខ្លួនបំភ្លឺ ពីនាយកស្ថានីយវិទ្យុសែន ផងដែរ មានក្រុមអ្នកសារព័ត៌មាន ប្រមាណជា ២៥ អង្គភាព បានឋិតនៅខាងក្រៅរបស់សាលាដំបូងខេត្តកំពង់ឆ្នាំង ដើម្បីធ្វើការតាមដានទៅលើករណីចូលបំភ្លឺរបស់លោកសុខ ឧត្តម ។
បណ្ដាអ្នកសារព័ត៌មាន ២៥ អង្គភាពនិងសាម៉ីខ្លួនបានថ្លែងអំណរគុណយ៉ាងជ្រាលជ្រៅ ចំពោះលោកយូ ទិត្យវឌ្ឍានៈ ព្រះរាជអាជ្ញាខេត្ត និងលោក ឡុង ស៊ីថា ព្រះរាជអាជ្ញារង ដែលបានផ្ដល់យុត្តិធម៌ទៅលើអ្នកសារព័ត៌មាន។
សូមបញ្ជាក់ថា លោក លន់ ឡន ដែលជាមេការ ឧកញ៉ា សុខ ប៊ុន បានប្តឹងនាយកស្ថានីយវិទ្យុរិទ្ធិសែន ទៅកាន់ព្រះរាជអាជ្ញា ដោយបានចោទប្រកាន់ ថាលោកសុខឧត្តមធ្វើការញុះញង់ប្រជាពលរដ្ឋឲ្យមកតវ៉ាជាមួយក្រុមហ៊ុនធ្វើឲ្យខូចឈ្មោះបាត់បង់កិត្តិយស ហើយមេការរបស់ឧកញ៉ាបានប្តឹងទាមទារឲ្យតុលាការនូវបីចំណុច:១-មួយសុំប្ដឹងទាមទារប្រាក់ចំនួន ៥ម៉ឺនដុល្លារ.២-សុំប្ដឹងទាមទារឃាត់ខ្លួន ឃុំខ្លួនតាមផ្លូវច្បាប់។.៣-សុំផ្ដន្ទាទោសតាមផ្លូវច្បាប់ដីការកោះ របស់អយ្យការអមសាលាដំបូងខេត្តកំពង់ឆ្នាំងសំណុំរឿងព្រហ្មទណ្ឌ ១៨០ ចុះថ្ងៃទី ៣ ខែមេសា ឆ្នាំ ២០១៩លោក ឡុង ស៊ីថា ព្រះរាជអាជ្ញារងខេត្ត។
