បន្ទាយមានជ័យ៖ ពលរដ្ឋខ្មែរនៅក្រុងប៉ោយប៉ែត បានសម្តែងក្តីបារម្ភចំពោះសន្តិសុខយ៉ាងខ្លាំងខណៈដែលពួកជនជាតិចិន បុកសំរុកចូលមករស់នៅច្រើនទៅៗហើយពួកនេះមិនបានញើតច្បាប់ខ្មែរជាម្ចាស់ប្រទេសនោះ ។
ជាក់ស្ដែងកាលពីយប់ថ្ងៃទី០៤ ខែសីហា ឆ្នាំ២០១៩ម្សិលមិញ ក្រុមជនជាតិចិន១ក្រុមបានបើករថយន្ត បុកអ្នករត់ម៉ូតូកង់បី នៅកែងនាគទិព្វ ស្ថិតក្នុងភូមិក្បាលស្ពាន២សង្កាត់និងក្រុងប៉ោយប៉ែត កាលពីម៉ោង១១និង២៥នាទី ។ ក្រោយកើតហេតុក្រុមជនជាតិចិន បានចុះពីរថយន្តហើយហៅគូកនមកតាមវាយលើ អ្នករត់ម៉ូតូកង់បីនោះធ្វើឲ្យបុរសរងគ្រោះបានរត់ទៅពឹងសន្តិសុខនាគទិព្វឲ្យជួយហើយត្រូវបានក្រុមជនជាតិចិននោះតាមរករឿងថែមទាំងស្រែកជេរប្រមាថមកពលរដ្ឋកម្ពុជាយើងទៀតផង ។
ពលរដ្ឋនៅកន្លែងកើតហេតុបានឲ្យដឹងថាពួកគាត់ពិតជាព្រួយបារម្ភចំពោះសុវត្ថិភាពកូនចៅរបស់គាត់យ៉ាងខ្លាំង ព្រោះក្រុមជនជាតិចិនទាំងនោះសុទ្ធតែមានសែស្រឡាយអ្នកមានអំណាចនៅពីក្រោយខ្នងទើបពួកវាមិនញញើតម្ចាស់ផ្ទះបែបនេះ ។ ពលរដ្ឋដែលបន្តថា ក្រោយហេតុការណ៍បានស្ងប់ស្ងាត់ មេការជនជាតិចិនបានមកហើយសួរថា ចង់បានលុយប៉ុន្មាន? ម្ចាស់ម៉ូតូកង់បីបានប្រាប់ថា ម៉ូតូខ្ញុំបើធ្វើអស់តែ៦០០០បាតប្រាក់ថៃទេ ភ្លាមនោះមេការចិនបានដកលុយឲ្យជនរងគ្រោះគ្រប់ចំនួន រួចចូលទៅក្នុងផ្ទះអស់ ។ បន្ទាប់មកទើបពលរដ្ឋបានឃើញសមត្ថកិច្ចមកដល់ហើយសួរថា កើតអីគេៗៗ ? ។
សូមបញ្ជាក់ថា៖បើតាមប្រជាពលរដ្ឋនិយាយថាក្រុមជនជាតិចិនដែលមករស់នៅកម្ពុជាសព្វថ្ងៃមកដណ្តើមមុខរបរគ្រប់ប្រភេទពីប្រជាពលរដ្ឋខ្មែរ ក្នុងនោះរាប់តាំងពីជាងកាត់សក់ ជាងធ្វើស្លាកយីហោ លក់កាហ្វេ គុយទាវ ជាងសំណង់ និងលក់ដូរទូរស័ព្ទដៃ ជាដើម។ល។ ក្រុមជនជាតិចិនភាគច្រើនគ្មានលិខិតឬប័ណ្ណការងារស្អីនោះទេតែ ពួកអាំងមានសមត្ថកិច្ចកាងធ្វើជាខ្នងបង្អែក និងសម្របសម្រួលឲ្យសព្វបែបយ៉ាង ។ អ្នកតាមដានសង្គម បានលើកឡើងថា បើមន្ត្រីកម្ពុជានៅតែអនុវត្តន៏ច្បាប់អន្តោប្រវេសន៏បែបធូរលុងបែបនេះទៀតនោះ ជនបរទេសមុខជាបានចិត្តនិងមាក់ងាយខ្មែរជាម្ចាស់ប្រទេសជាមិនខាន ។លើសពីនេះប្រាក់ចំណូលជាតិនឹងបាត់បង់មិនស្ទើនោះទេ ក្នុង១ខែៗ ដោយសារមានមន្ត្រីពុករលួយកេងប្រវ័ញ្ចដូចនេះ៕
