ភ្នំពេញ៖ នៅម៉ោង៨:៣០នាទី ថ្ងៃទី២ ខែសីហា ឆ្នាំ២០១៩ នៅក្នុងការដ្ឋានសំណង់អូឡាំព្យា ដែលមានទីតាំងផ្លូវ២១៧ ភូមិ៧សង្កាត់វាលវង់ ខណ្ឌ៧មករា មានករណីអគ្គិភ័យមួយ កើតឡើងនៅចំណុចជាន់ក្រោមដី (សំណង់ស្ថិតត្រង់ទល់មុខវត្តព្រះពុទ្ធ)។ក្រឡាបន្ទប់ដែលឆេះ មានបណ្តោយប្រវែង20ម៉ែត្រ និងទទឹងប្រវែង20ម៉ែត្រ បណ្តាលឲ្យសម្ភារខូចខាតគ្រឿងសំណង់មួយចំនួន។
ករណីឆេះនេះស្នងការដ្ឋាននគរបាលរាជធានីភ្នំពេញ នៅរសៀលថ្ងៃទី២ខែសីហាថាបណ្តាលមកពីឆ្លងចរន្តអគ្គិសនី។ករណីគ្រោះថ្នាក់អគ្គិភ័យនេះ មិនបង្កឲ្យមានរងរបួស ឬស្លាប់ឡើយ។នគរបាល បាន ប្រើប្រាស់រថយន្តពន្លត់អគ្គិភ័យចំនួន៣២គ្រឿង ដឹកទឹកម្រមាណជាង១០០ជើង ចំនួន៣៨៤០០០ម៉ែត្រគូប។
លោកឧត្តមសេនីយ៍ទោ នេត វន្ថា ប្រធាននាយកដ្ឋានបង្ការ និងពន្លត់អគ្គិភ័យ និងលោក មាន ចាន់យ៉ាដា អភិបាលរងរាជធានីភ្នំពេញ និងអ្នកគ្រប់គ្រងផ្សារទំនើប The Olympia Mall បានឲ្យដឹងថា តាមការសន្និដ្ឋានជំហានដំបូង មូលហេតុដែលនាំឲ្យមានគ្រោះអគ្គិភ័យនេះ គឺផ្ដើមចេញពីជាងផ្សារដែក ក្នុងឃ្លាំងស្ដុកសម្ភារ ហើយខ្ទាតកម្ទេចភ្លើងទៅប៉ះជាមួយកេសស្នោ និងខ្សែភ្លើងនៅក្បែរនោះ ទើបបង្កជាអគ្គិភ័យតែម្ដង។
