ម៉ាឡេស៊ី៖ ម្ទេសដែលនាំចូលពីប្រទេសវៀតណាមត្រូវបានក្រុមជំនាញប្រទេសម៉ាឡេស៊ីបានរកឃើញ «សារធាតុគីមីលើសកម្រិត» ដែលធ្វើឲ្យប្រទេសម៉ាឡេដាក់ចេញបំរ៉ាមនាំចូល រហូតដល់ចុងឆ្នាំ២០១៩ ម។ នេះបើតាមសារព័ត៌មាន New Straits Times នៅរសៀលថ្ងៃពុធ ទី៣១ ខែកក្កដា ឆ្នាំ២០១៩។
លោក ស៊ី ត្សេត្ស៊ីន (Sim Tze Tzin)ឧបនាយករដ្ឋមន្ត្រីកសិកម្ម និងកសិ-ឧស្សាហកម្មម៉ាឡេស៊ី បានឲ្យកាសែតដឹងថា ការសម្រេចចិត្តដូចខាងលើនេះ គឺដោយសារតែម្ទេសក្រហមនាំចូលពីប្រទេសវៀតណាម ត្រូវបានគេរកឃើញថា មានផ្ទុកសារធាតុគីមីលើសកម្រិតដែលអនុញ្ញាត។ ប៉ុន្តែទន្ទឹមគ្នា លោក Sim បានសង្កត់ដែរថា ខាងរដ្ឋាភិបាលម៉ាឡេស៊ីនឹងលុបចោលបម្រាមនេះទៅវិញ បើសិនវៀតណាមបំពេញតាម លក្ខខណ្ឌដូចជា មានលិខិតបញ្ជាក់ពីគុណភាពម្ទេស ទៅតាមបទដ្ឋានស្ដង់ដារជាដើម។
ម៉ាឡេស៊ីបាននាំចូលមេ្ទសពីវៀតណាមជាផ្លូវការកាលពីឆ្នាំ២០១៦។ម៉ាឡេស៊ី កូរ៉េខាងត្បូង និងចិនគឺជាប្រទេសធំៗចំនួនបីដែលទិញម្ទេសពីវៀតណាម។មិនដឹងថាជំនាញការខ្មែរយើងដឹងរឿងហ្នឹងដែរឬអត់នោះទេក្រៅពីជ្រូកមានជម្ងឺប៉េស្តអាហ្វ្រិកនោះ៕
