ភ្នំពេញ ៖ រាជរដ្ឋាភិបាលទទួឡស្គាល់ថាបច្ចុប្បន្ននេះ ជំងឺប៉េស្តជ្រកអាហ្វ្រិក (African Switc Fever) បាននិងកំពុងឆ្លងរាលដាលយ៉ាងឆាប់រហ័ស ពីបណ្តាប្រទេសជិតខាង និងបានបន្តឆ្លងរាតត្បាតមកដល់ខេត្តរតនគីរី ត្បូងឃ្មុំ ស្វាយរៀង តាកែវ និងខេត្តកណ្តាលរបស់កម្ពុជា។
នៅថ្ងៃទី៣១កក្កដាបន្ទាប់ពីបានអំពាវនាំឲ្យប្រជាជននាំគ្នាហូវសាច់ជ្រូកដើម្បីជួយដល់អ្នកចិញ្ចឹមជ្រូកបាន២ថ្ងៃសម្តេចតេជោ ហ៊ុន សែន នាយករដ្ឋមន្ត្រី នៃកម្ពុជាចេញសាចរាចរណែនាំមួយ ស្តីពី “វិធានការទប់ស្កាត់ការនាំចូលជ្រូក សាច់ជ្រូក និង ផលិតផលមានដើមកំណើតពីសត្វជ្រូកគ្រប់ប្រភេទដោយខុសច្បាប់។
កាលពីព្រឹកថ្ងៃទី២៩ ខែកក្កដា ឆ្នាំ២០១៩នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញពិនិត្យការដ្ឋានសាងសង់ពហុកីឡដ្ឋានជាតិ មរតកតេជោ ដែលបាន និងកំពុងដំណើរការសាងសង់នៅ សង្កាត់ព្រែកតាសេក ខណ្ឌជ្រាយចង្វារ រាជធានីភ្នំពេញ។ នៅក្នុងឱកាសនោះផងដែរ សម្តេចតេជោ ក៏បានអំពាវនាវដល់បងប្អូនប្រជាពលរដ្ឋទាំងអស់បន្តទទួលទានសាច់ជ្រូក ដោយសារតែវាមិនឆ្លងទៅមនុស្សឡើយ។ “
ខ្ញុំអំពាវនាវដល់ប្រជាពលរដ្ឋ សូមទទួលទានសាច់ជ្រូក កុំបារម្ភអី ក្រៅពីតំបន់ប៉ះពាល់ ដែលគេបានហាមឃាត់ និងជ្រូកស្លាប់ ដែលគេយកទៅកប់ចោល តំបន់ដទៃទៀតមិនមានផលប៉ះពាល់ទេ។ ខ្ញុំក៏ទទួលទានសាច់ជ្រូករាល់ថ្ងៃដែរ វាអត់មានការឆ្លងពីសត្វមកមនុស្សទេ ប៉ុន្មានអាទិត្យនេះអ្នកលក់សាច់ជ្រូកត្អូញត្អែរខ្លាំងណាស់”៕
ក្នុងសារចរនោះបានបញ្ជាក់ថា ជំងឺប៉េស្តជ្រកអាហ្វ្រិកនេះមិនឆ្លង និងបង្កផលប៉ះពាល់ដល់សុខភាពមនុស្សទេ ប៉ុន្តែជំងឺនេះ បណ្តាលឱ្យជ្រូកឈឺ និងងាប់មានអត្រាខ្ពស់ រហូតដល់១០០ភាគរយ ដែលបង្កការខាតបង់យ៉ាងធ្ងន់ធ្ងរដល់អ្នកចិញ្ចឹមជ្រូក។
មានវិធានការចាំបាច់ចំនួន ៦ចំណុចត្រូវបានដាក់ចេញដើម្បីឲ្យស្ថាប័ន និងអង្គភាពពាក់ព័ន្ធ នាំគ្នាទប់ស្កាត់ការនាំចូលជ្រូក សាច់ជ្រូក និងផលិតផល មានដើមកំណើតពីសត្វជ្រូកគ្រប់ប្រភេទដោយខុសច្បាប់។
