ភ្នំពេញ ៖ លោក មិន ឱមារ្ស ចាងហ្វាងទស្សនាវដ្តីទូក អូរប័រ និងជាម្ចាស់យានដ្ឋានជួសជុលទូក អូរប័រ កប៉ាល់ទឹក ត្រូវបានតុលាការ កាត់ទោសកំបាំងមុខយ៉ាងអយុត្តិធម៌កាលពីថ្ងៃទី ២៨ កក្កដា ២០១៩ កន្លងទៅនេះ ក្នុងពេលដែលធ្វើសវនាការលោកនៅភ្នំពេញសោះ!។
លោក មិន ឱមារ្ស ចាងហ្វាងទស្សនាវដ្តី ទូក អូប័រ និងជាម្ចាស់យាន ដ្ឋានជួសជុល ទូក អូប័រ ជលយាន្តគ្រប់ប្រភេទ មានអាស័យដ្ឋានស្ថិតនៅតាមបណ្តោយផ្លូវជាតិលេ៥ ត្រង់ចំណុចផ្ទះ បណ្តែតទឹក ភូមិសាមគ្គី សង្កាត់ឬស្សីកែវ ខណ្ឌឬស្សីកែវ រាជធានីភ្នំពេញ បានអោយភ្នាក់ងារ សហការី ដឹងថា លោក ត្រូវបានតុលាការចេញសាលក្រមកាត់ទោសកំមុខ បញ្ជូនមក អោយលោកយ៉ាងអយុត្តិធម៌ ។
យោងតាមឯការ ដែលការិយាល័យនិពន្ធ គេហទំព័រ សហការី ទទួលបាន គឺ លិខិត អោយដំណឹងពីសាលក្រមកំបាំងមុខ របស់សាដំបូងរាជធានី ភ្នំពេញ សាលក្រមព្រហ្មទណ្ឌលេខ ១៣៦០ ” ង១ ” ចុះថ្ងៃទី ០៨ ខែ ឧសភា ឆ្នាំ២០១៩ របស់លោក ថា សាម្មឌី ក្រឡាបញ្ជី សាលាដំបូងរាជធានីភ្នំពេញ ប្រាប់មកពិរុទ្ធជនឈ្មោះ មិន ឱមារ្ស ភេទ ប្រុស កើតឆ្នាំ១៩៦៣ ជនជាតិខ្មែរ ទីលំនៅផ្ទះលេខ ៤៦៤ ច ផ្លូវជាតិលេខ ៥ ភូមិសាមគ្គី សង្កាត់-ខណ្ឌ ឬស្សីកែវ រាជធានីភ្នំពេញ អោយដឹងថាសាលក្រមកំបាំងមុខលេខ ១៣៦០ ” ង១ ‘ ចុះថ្ងៃទី ០៨ ខែឧសភា ឆ្នាំ២០១៩ របស់សាលាដំបូងរាជធានីភ្នំពេញ បានសម្រេចសេចក្តីដូចខាង ក្រោម :
១- ផ្តន្ទាទោសជនជាប់ចោទឈ្មោះ មិន ឱមារ្ស ភេទ ប្រុស កើតឆ្នាំ ១៩៦៣ ជនជាតិខ្មែរដាក់ពន្ធនាគារកំណត់រយ:ពេល ០១ ( មួយ ) ឆ្នាំ និង ពិន័យជាប្រាក់ចំនួន២,០០០,០០០រៀល ( ពីរលានរៀលគត់ ) បង់ចូលថវិការដ្ឋ ពីបទ : រំលោភលើទំនុកចិត្តប្រព្រឹត្តនៅចំណុចរាជធានីភ្នំពេញ កាលពីថ្ងៃទី ១៨ ខែ ឧសភា ឆ្នាំ២០១៦ បទល្មើសព្រហ្មទណ្ឌដែលមានចែង និង អោយផ្តន្ទាទោសតាមបញ្ញត្តិមាត្រ ៣៩១ និង មាត្រា៣៩៣នៃក្រមពហ្មទណ្ឌ ។
២- អោយឈ្មោះ មិន ឱមារ្ស សងប្រាក់ដរុបចំនួន ៣.៧៩០$ ( បីពាន់ប្រាំពីររយកៅសិបដុល្លារអាមេរិក ) អោយទៅដើមបណ្តឹងរដ្ឋប្បវេណីឈ្មោះ យូ ស៊ុនណាឆុង ។
៣- អោយឈ្មោះ មិន ឱមារ្ស សងសំណងជួសជុលការខូច ខាត និងជម្ងឺចិត្តសរុបជាប្រាក់ចំនួន ១០,០០០,០០០៛ ( ដប់លានរៀលគត់) អោយទៅដើមបណ្តឹងរដ្ឋប្បវេណីឈ្មោះ យូ ស៊ុនណាឆុង ។ការទាមទារលើសពីនេះបដិសេធចោល ។ ៤- ចេញដីកាបង្គាប់អោយចាប់ខ្លួន និង ឃុំខ្លួន ជនជាប់ចោទឈ្មោះ មិន ឱមារ្ដ ដែលមានសាវតាជាតិដូចខាង លើ តាមមត្រា៣៥៣ នៃក្រមនីតិវិធីព្រហ្មទណ្ឌ ។
សាលក្រមនេះជំនុំ ជម្រះជាសាធារណ:នៅថ្ងៃទី ២៣ ខែ មេសា ឆ្នាំ ២០១៩ កំបាំងមុខជនជាប់ចោទឈ្មោះ មិន ឱមារ្ស និងចាត់ទុកចំពោះមុខដើមបណ្តឹងរដ្ឋប្បវេណីឈ្មោះ យូ ស៊ុនណាឆុង និងមេធាវីការពារសិទ្ធិអោយដើមបណ្តឹងរដ្ឋប្បវេណី និង ប្រកាសជាសាធាណ:នៅថ្ងៃទី ០៨ ខែឧសភា ឆ្នាំ ២០១៩ កំបាំងមុខជនជាប់ចោទឈ្មោះ មិន ឱមារ្ដ និងចាត់ទុកចំពោះ មុខដើមបណ្តឹងរដ្ឋប្បវេណី ឈ្មោះ យូ ស៊ុនណាឆុុង និងមេធាវី ការពារសិទ្ធិអោយដើមបណ្តឹងរដ្ឋប្បវេណី ។បើកសិទ្ធិប្តឹងទាស់ និង ប្តឹងឧទ្ធរណ៍តាមកំណត់ច្បាប់ ។
ទាក់ទិននឹងករណី តុលាការ ចេញសាលក្រមកំបាំងមុខ ដែលចុះហត្ថលេខាដោយលោក ចៅក្រមជំនុំជម្រះឈ្មោះ ហន សុខេមរិន និងក្រឡាបញ្ជីលោក ថា សាម្មឌី នេះ ត្រូវបាន លោក មិន ឱមារ្ស ប្រាប់ភ្នាក់ងារយើងថា គឺជារឿងអយុត្តិធម៌ខ្លាំងណាស់សំរាប់រូបលោក ។ លោកឱមារ្ស បញ្ជាក់ថា ករណៅ ក្តីក្តាំក្នុងតុលាការរាជធានីភ្នំពេញរវាងលោក និងភាគី ដើមបណ្តឹង ឈ្មោះ យូ ស៊ុនណាឆុង នេះគឺរូបលោកបានចូល ទៅបំភ្លឺតាមនិតិវិធីរបស់តុលាការជាបន្តបន្ទាប់គ្រប់ដំណាក់កាល នៃការកោះហៅរបស់តុលាការ ប៉ុន្តែចំពោះ ដំណាក់កាល នៃបើកអង្គសវនាការជំនុំជម្រះ កាលពីថ្ងៃទី២៣ ខែ មេសា ឆ្នាំ ២០១៩ គឺតុលាការមិនបានផ្តល់ដំណឹង ឬ បញ្ជូន ដីកាអោយដល់ដៃរូបលោកបានដឹងនោះទេ ។
ចំណុច នេះគឺវាអយុត្តិធម៌សំរាប់រូបលោក ហើយកាន់តែធ្ងន់ធ្ងរជាងនេះ ទៀតនោះ គឺលោកក្រឡាបញ្ជី បានសរសេរក្នុងសាលក្រម ដាក់ថាលោក ជាពិរុទ្ធជន ( ជនជាប់ទោស ) ដែលករណីនេះ លោក មិន ឱមារ្ស មិនអាចទទួលយកបានទេ ។ លោក មិន ឱមារ្ស ក៏បានដាក់ពាក្យបណ្តឹង ប្តឹងទៅសាលាឧទ្ធរណ៍ និង បានដាក់ពាក្យបណ្តឹងទៅសាលាដំបូងរាជធានីភ្នំពេញ ប្តឹង បកទៅលើលោក យូ ស៊ុនណាឆុង វិញផងដែរ ពីបទ : ” បរិហារបង្ខូចកេរ្តិ៍ ឈ្មោះ និងក្បត់ពាក្យសន្យា នៅជំពាក់ទឹកតែលក់កាប៉ាល់៤៦ម៉ែត្រ គុណ៧.៤ម៉ែត្រ ដោយសន្យាអោយប្រាក់ចំនួន ៣០០០$ ( បីពាន់ដុល្លារ ឧកញ៉ា ឡុង ហ៊ួរ ប្រធានក្រុមហ៊ុន LHR បានទិញ ) បរិហារបង្ខូចចោទចោរស្មើនិងអ្នកទោស ។ សូមមើលឯកសារខាងក្រោមនេះ ៕
