ក្រចេះ៖ ឯកឧត្តម លឹម ស៊ីដេនីន រដ្ឋលេខាធិការ ក្រសួងសាធារណការ និងដឹកជញ្ជួននិយាយឲ្យដឹងថា កំណាត់ផ្លួវជាតិលេខ៧ ពីខេត្តក្រចេះ ទៅខេត្តស្ទឹងត្រែង មានប្រវែង ១៩០គីឡូម៉ែត្រគ្រោង និងជួសជុលស្តារឡើងវិញក្នុងពេលឆាប់ៗខាងមុខ ក្រោមជំនួយឥតសំណងពីប្រទេសចិនក្នុងទឹកប្រាក់ប្រមាណជា ១១០ដុល្លាសហរដ្ឋអាមេរិក ។
ការថ្លែងបញ្ជាក់ប្រាប់របស់ឯកឧត្តម លឹម ស៊ីដេនីន ធ្វើឡើងក្នុងពេលដែលលោក កំពុងដឹកនាំក្រុមការងារបច្ចេកទេសរបស់ក្រសួងសាធារណការ និងដឹកជញ្ជួនកម្ពុជា សហការជាមួយក្រុមហ៊ុនរបស់ប្រទេសចិន ចុះត្រួតពិនិត្យពីស្ថានភាពកំណាត់ផ្លូវជាតិលេខ៧ក្រចេះ/ស្ទឹងត្រែង កាលពីថ្ងៃទី៤ ខែសីហា ឆ្នាំ២០១៦ ។
កំណាត់ផ្លូវជាតិលេខ៧ ពីក្រចេះទៅកាន់ខេត្តស្ទឹងត្រែ ត្រូវកសាងរួចរាល់តាំងពីឆ្នាំ២០០៤ ប៉ុន្តែត្រូវបានខួចខាតវិញ ដោយសារតែសឹក្សា ពីលក្ខណះបច្ចេកទេសមិនបានគ្រប់ជ្រុង ជ្រោយរបស់ក្រុមហ៊ុនចិននាពេលនោះ និងការដឹកជញ្ជួនប្រើប្រាសផ្លូវមិនត្រឹមត្រូវផ្ទុកលើសទម្ងន់ ដែលជាហេតុបង្ករឲ្យកំណាត់ផ្លូវជាតិនេះទទួលរងការខួចខាត់ជាច្រើនអន្លើៗ។
ឯកឧត្តម លឹម ស៊ីដេនីន បានឲ្យដឹងថា សាធារណរដ្ឋប្រជាមានិតចិន បានផ្តល់ជំនួយឥតសំណងមកដល់កម្ពុជាក្នុងទឹកប្រាក់ប្រមាណ ១១០លានដុល្លា ដើម្បីស្តារនិងជួសជុលកំណាត់ផ្លូវជាតិលេខ៧នេះឡើងវិញ ចាប់ពីចំនុចខ្លាស្ទុះ ក្នុងខេត្តក្រចេះ ដល់ចំនុចត្រពាំងគ្រាល ក្នុងខេត្តស្ទឹងត្រែង ក្នុងប្រវែងផ្លូវប្រមាណ ១៩០គីឡូម៉ែត្រ ។
ចំណែក ក្រុមបច្ចេកទេសក្រសួងសាធារណការ និងដឹកជញ្ជួនរបស់កម្ពុជា ជាមួយនិងក្រុមបច្ចេកទេសរបស់ភាគីចិន ដែលបានចុះមកត្រួតពិនិត្យនៅពេលនេះ គឺដើម្បីសិក្សាពីគុណភាពនៃគ្រឹសផ្លូវចាស់ដែលមានស្រាប់ ថាតើគ្រឹសផ្លូវអាចប្រើប្រាស់ក្នុងរយះពេល១៥ឆ្នាំទៀតឬយ៉ាងណា? ហើយគំរោងនេះ នឹងចាប់ផ្តើមលើទី១ ក្នុងប្រវែងផ្លូវជាង ៩០គីឡូម៉ែត្រជាមុនសិន ដោយភាគីចិននិងកម្ពុជាយល់ព្រមអនុវត្តន៏នៅក្នុងខែវិច្ឆិកា ឆ្នាំ២០១៦ខាងមុខ ៕
ដោយ កិះ ខន
