ពោធិ៍សាត់ ៖ មន្ត្រីរៀបចំសំណង់និងសុរិយោដី៣រូប ត្រូវបានអង្គភាពប្រឆាំងអំពើពុករលួយដឹកនាំរបស់លោកទេសរដ្ឋមន្ត្រី ឱម យ៉ិនទៀង ប្រធានអង្គភាពប្រឆាំងអំពើពុករលួយផ្ទាល់តែម្តង ចុះឃាត់ខ្លួន កាលពីវេលាម៉ោងប្រមាណ៩និង៣៥នាទីព្រឹក ថ្ងៃទី២៧ ខែកក្កដា ឆ្នាំ២០១៩ នៅទីរួមខេត្តពោធិ៍សាត់ពាក់ពន្ធ័បទល្មើសល្មើសស៊ីសំណូកសូកប៉ាន់។
មន្ត្រីទាំង៣រូបនេះ ទី១. មានឈ្មោះ លៀម ប៊ុនរឿន តួនាទីប្រធានមន្ទីរសុរិយោដីខេត្តពោធិ៍សាត់ ទី២.ឈ្មោះ ជាង វុទ្ធី អនុប្រធានមន្ទីរសុរិយោដី ទទួលការងារសំណង់ និងទី៣. មានឈ្មោះឈ្មោះ តែ ប៊ុនថេង មន្ត្រីសុរិយោដីខេត្ត ទទួលបន្ទុកច្រក។
មុនពេលកើតហេតុ គេឃើញលោកឱម យ៉ិនទៀង បានដឹកនាំមន្ត្រីចូលក្នុងភោជនីយដ្ឋានមហាលាប ដើម្បីឃាត់ខ្លួនលោកលៀម ប៊ុនរឿន និងលោកជាង វុទ្ធី ខណៈដែលអ្នកទាំង២ និងម្ចាស់ដីជួបគ្នាដើម្បីប្រគល់លុយ។ ចំណែកលោកតែ ប៊ុនថេង ត្រូវបានឃាត់ខ្លួនក្នុងអង្គភាពតែម្តង។មានសេចក្តីរាយការណ៍ថារឿងនេះវាផ្តើមចេញពី លោក លៀម ប៊ុនរឿន ប្រធានមន្ទីរ រៀបចំ ដែនដីនគរូបណីយកម្ម និង សំណង់ខេត្តពោធិសាត់ ហ៊ានទារតម្លៃនៃការសុំច្បាប់សាងសង់អគារក្នុងតម្លៃ៤ម៉ឺនដុល្លារអាមេរិក។ បើហ៊ានតវ៉ាទារឡើងដល់១០ម៉ឺនដុល្លារ ។
