ខេត្តមណ្ឌលគិរី ៖ លោក សាក់ សារុនមេបញ្ជាការ កង អាវុធហត្ថស្រុកកែវសីមា ដែលជាប្អូនប្រុសបង្កើត របស់លោកឧត្តមសេនីយ៍ត្រី សាក់ សារ៉ាង មេបញ្ជាការអាវុធហត្ថខេត្ត កំពង់ឆ្នាំង ត្រូវឃាត់ ខ្លួនទាក់ទងបទល្មើសព្រៃឈើ។
សមត្ថកិច្ចកងរាជអាវុធហត្ថ ខេត្តមណ្ឌលគិរី បានថ្លែងអោយដឹងថា៖ការ ឃាត់ខ្លួនលោក សាក់ សារុន មេបញ្ជាការអាវុធហត្ថស្រុកកែវ សីមាបាន បានធ្វើឡើងនៅបញ្ជាការដ្ឋានកងរាជអាវុធហត្ថស្រុកកែវសីមានេះតែម្តងផ្ទាល់ ដែលកន្លែងគាត់ធ្វើការ នៅវេលាថ្ងៃត្រង់ថ្ងៃទី ២៧ ខែកក្កដា ឆ្នាំ ២០១៩នេះ ។
សូមបញ្ជាក់ថា៖ ចៅក្រមស៊ើបសួរសាលាដំបូងខេត្តមណ្ឌលគិរី លោក ទៀង សុថា កាលពីថ្ងៃទី១៧ ខែកក្កដា ឆ្នាំ២០១៩កន្លងទៅ បានចេញដីកាបង្គាប់ឲ្យចូលខ្លួន ដោយតម្រូវឲ្យជនត្រូវចោទ សាក់ សារុន មេបញ្ជាការកងរាជអាវុធហត្ថស្រុកកែវសីមា ចូល ខ្លួនឆ្លើយបំភ្លឺមុខតុលាការខេត្តមណ្ឌលគិរីនៅថ្ងៃទី ២០ ខែ សីហា ឆ្នាំ២០១៩ ពាក់ព័ន្ធបទល្មើស ប្រមូល និងដឹកជញ្ជូនផលអនុផលព្រៃឈើ ដោយគ្មានលិខិតអនុញ្ញាតពីរដ្ឋបាលព្រៃឈើ ប្រព្រឹត្តថ្ងៃទី៣០ ខែកក្កដា ឆ្នាំ២០១៥ នៅចំណុចភូមិចក់ចារ ឃុំស្រែព្រះ ស្រុកកែវសីមា ខេត្តមណ្ឌលគិរី ។
នៅក្នុងដីកាបង្គាប់អោយចូលខ្លួនដោយបញ្ជាកថា៖ “យើង ទៀងសុថា ចៅក្រមស៊ើបសួរសាលាដំបូងខេត្តមណ្ឌលគិរី បានឃើញសំណុំរឿងព្រហ្មទណ្ឌលេខ ២៣១ ចុះថ្ងៃទី១៨ ខែសីហា ឆ្នាំ២០១៥ របស់អយ្យការអមសាលាដំបូងខេត្តមណ្ឌលគិរី ។ បានឃើញសំណុំរៀងស៊ើបសួរលេខ ១៣២ ចុះថ្ងៃទី១៨ ខែមិថុនា ឆ្នាំ២០១៧ របស់សាលាដំបូងខេត្តមណ្ឌលគិរី ។បានឃើញដីកាសន្និដ្ឋានបញ្ជូនរឿងឱ្យស៊ើបសួរលេខ ១៣២ ចុះថ្ងៃទី២៨ ខែមិថុនា ឆ្នាំ២០១៧ របស់អយ្យការអមសាលាដំបូងខេត្តមណ្ឌលគិរី ដែលផ្ដើមចោទប្រកាន់លើ ៖ ឈ្មោះ សាក់ សារុន ភេទប្រុស អាយុ៥៦ឆ្នាំ ជនជាតិខ្មែរ មុខរបរមេបញ្ជាការកងរាជអាវុធហត្ថស្រុកកែវសីមា ខេត្តមណ្ឌលគិរី ទីកន្លែងកំណើតភូមិហាន់ជ័យ ឃុំហាន់ជ័យ ស្រុកឆ្លូង ខេត្តក្រចេះ ទីលំនៅបច្ចុប្បន្នភូមិក្បាលស្នូលឃុំស្នួល ស្រុកស្នួល ខេត្តក្រចេះ ។
ជននេះត្រូវបានដាក់ឱ្យស្ថិតនៅក្រោមការពិនិត្យពីបទ { “ប្រមូល និងដឹកជញ្ជូនផល អនុផលព្រៃឈើដោយគ្មានលិខិតអនុញ្ញាតពីរដ្ឋបាលព្រៃឈើ ប្រព្រឹត្តនៅភូមិចក់ចារ ឃុំស្រែព្រះ ស្រុកកែវសីមា ខេត្តមណ្ឌលគិរី កាលពីថ្ងៃទី៣០ ខែកក្កដា ឆ្នាំ២០១៥ តាមបញ្ញត្តិមាត្រា ៩៦ កថាខណ្ឌ១ ចំណុច២ និងមាត្រា៩៨ កថាខណ្ឌ២ ចំណុច១ នៃច្បាប់ស្តីពីព្រៃឈើ ។
ហេតុដូច្នេះ សម្រេច ១-បង្គាប់មកជនដែលមានឈ្មោះ សាក់ សារុន ភេទប្រុស អាយុ៥៦ឆ្នាំ ឱ្យចូលមកកាន់ សាលាដំបូងខេត្តមណ្ឌលគិរី នៅថ្ងៃទី ២០ ខែ សីហា ឆ្នាំ ២០១៩ វេលាម៉ោង ៩ និង ០០ នាទីព្រឹក ដើម្បីសាកសួរ ពីដំណើររឿង ៖ “ប្រមូល និងដឹកជញ្ជូនផល អនុផលព្រៃឈើដោយគ្មានលិខិតអនុញ្ញាតពីរដ្ឋបាលព្រៃឈើ ប្រព្រឹត្តនៅភូមិចក់ចារ ឃុំស្រែព្រះ ស្រុកកែវសីមា ខេត្តមណ្ឌលគិរី កាលពីថ្ងៃទី៣០ ខែកក្កដា ឆ្នាំ២០១៥ ។ ២. ករណីសាមីខ្លួនមិនព្រមចូលមកបង្ហាញខ្លួនតាមកាលកំណត់ខាងលើទេ យើងនឹងចេញដីកាបង្គាប់ឱ្យនាំខ្លួន ។
លោកឧត្តមសេនីយ៍ត្រី អេង ហ៊ី បានបដិសេធប្រាប់កាសែតថា «រហូតមកដល់ពេលនេះ ពុំទាន់មានការឃាត់ខ្លួនលោក សាក់ សារុន នោះទេ ដោយលោកបញ្ជាក់ថា នឹងចូលទៅបំភ្លឺតាមការកំណត់ របស់តុលាការ នាថ្ងៃទី២០ ខែសីហា ហើយនៅពេលនេះ លោកកំពុងបម្រើការងារធម្មតា ហើយរឿងនេះធ្លាប់បានកើតឡើងតាំងពីឆ្នាំ២០១៥មកម្ល៉េះ ដែលនៅពេលនោះ លោកក៏បានបកស្រាយផងដែរ»។បើចឹងមែនហេតុអីបានជាមកដលពេលនេះបានទើបកោះហៅទៀត?ឬផ្អើលធើព្រោះខ្លាចជាប់រឿងស៊ីលុយគេពីមុន?៕
