កំពង់ស្ពឺ ៖ អង្គភាពប្រឆាំងអំពើពុករលួយ ដឹកនាំដោយឯក ឧត្តមទេសរដ្ឋមន្ត្រី ឱម យិនទៀង ប្រធានអង្គភាពប្រឆាំងអំពើ ពុករលួយ កាលពីព្រឹកថ្ងៃទី ២៧ កក្កដា ២០១៩ បានចុះចាប់ខ្លួនលោក លៀម ប៊ុនរឿន ប្រធានមន្ទីររៀប ចំដែនដី និង សំណង់ ខេត្តពោធិសាត់ និង មន្ត្រីក្រោមឱវាទ ២ នាក់ទៀត នៅក្នុងទឹកដី ខេត្តពោធិសាត់ តាមពាក្យបណ្តឹងរបស់ជនរងគ្រោះ ដែលជាពត៍មានមួយសម្រាប់ពញាក់ស្មារតីមន្ត្រីជំនាញសុរិយោដីដែលថ្លើមធំប្រព្រឹត្តអំពើរពុករលួយ ក្នុងជំនាញនៃការរៀបចំឯកសារដីធ្លី ផងដែរ ? ។
ជាក់ករណីចឹងនៅ ឯ ខេត្តកំពង់ស្ពឺណេះវិញ បន្ទាប់ពីមានការបង្ហោះ ព័ត៌មាន ១ ក្រោមចំណងជើងថា ” លោក វី សំណាង អភិបាលខេត្តកំពង់ស្ពឺ គ្រប់ទឹក ១ គម្រោង នៃការវិនិយោគ របស់ក្រុមហ៊ុន ចេហ្គ្រេន អ៊ិនវេសមិន ឯ.ក ! ? មកមាន” ប្រភពពី ប្រ ជាពលរដ្ឋរស់នៅក្នុងស្រុកសំរោងទង(សុំមិនបញ្ចេញឈ្មោះ ) ដែលបានដឹងរឿងការ ចុះទិញដីវាស់វែងលើកគំរោងវិយោគរបស់ក្រុមហ៊ុនខាងលើ បានថប្រាប់តាមទូរស័ព្ទអោយដឹងថា៖ ក្រុមមន្ត្រី ជំនាញពាក់ព័ន្ធ និង អាជ្ញាធរដែនដីគ្រប់លំដាប់ថ្នាក់មានការភ្ញាក់ផ្អើល និងដេញដោលសួរនាំគ្នា រកមុខអ្នកផ្តល់ព័ត៌មាន អំពីករណីបែកធ្លាយរឿង អាស្រូវពុករលួយមានលក្ខណ:ជា ប្រព័ន្ធនេះដល់អ្នកកាសែត ? ។
ករណីនេះ បញ្ហាគន្លឹះ នៃការរៀបចំឯកសារដីធ្លី លក់ ទិញ រវាងប្រជាពលរដ្ឋ និង ក្រុមហ៊ុន ក្នុងរង្វង់ផ្ទៃដីចំនួន២០៥ហិកតា នៅក្នុងខេត្តកំពង់ស្ពឺ ដើម្បីអោយភាគីខាងក្រុមហ៊ុនមានជំនឿទុកចិត្តបាន គឺអាស្រ័យលើមន្ត្រីជំនាញសូរិយោដី ដែលមាន លោក តាប់ ម៉ាឡៃ ប្រធានមន្ទីររៀបចំដែនដី និង សំណង់ខេត្ត កំពង់ស្ពឺ ជាអ្នកចាត់ចែងទើបអាចទៅរួច ? ។ ការ បែកធ្លាយរឿងមិនប្រក្រតី នៃគំរោងការវិនិយោគរបស់ក្រុមហ៊ុន ដ៏ធំដែលហ៊ានចំណាយទុនរហូតដល់៥០០លានដុល្លារអារិក ដើម្បីបង្កើតមណ្ឌលទេសចរណ៍បែបធម្មជាតិ នៅក្នុងខេត្តកំពង់ស្ពឺនេះ ក៏ជាតំរ៉ុយ មួយ សំរាប់អង្គភាពប្រឆាំងអំពើពុក រលួយចាប់អារម្មណ៍ និង យកចិត្តទុកដាក់ ចាត់វិធានការ ស៊ើបអង្កេតផងដែរ ។
ការិយាល័យនិពន្ធយើងខ្ញុំ ពុំអាចស្វែងរកការសុំបំភ្លឺ ពីលោក រាប់ ម៉ាឡៃ ប្រធានមន្ទីររៀបចំដែនដី និង សំណង់ ខេត្តកំពង់ស្ពឺ បានទេព្រោះពុំមានលេខទូរស័ព្ទទាក់ទង ។
យោងតាមប្រភពព័ត៌មានក្រៅផ្លូវការមួយគួរអោយទុកចិត្ត បានអោយដឹងនៅព្រឹកថ្ងៃទី ២៧ កក្កដា ២០១៩ នេះថា ផ្ទៃដីនៅក្នុងភូមិសាស្ត្រខេត្តកំពង់ស្ពឺចំនួន២០៥ហិកតា ក្នុងនោះមានផ្ទៃដីមេទឹកប្រមាណជាង៥០ហិកតា ស្ថិតនៅក្នុងឃុំ មហាសាំង ស្រុកភ្នំស្រួច និង ឃុំកាហែង ស្រុកសំរោងទង ខេត្តកំពង់ស្ពឺ ត្រូវបានអាជ្ញាធរ និងជំនាញពាក់ព័ន្ធ រួមនិងប្រជាពលរដ្ឋមួយចំនួនតូច ចាប់តាំងពីថ្នាក់មូលដ្ឋាន រហូត ដល់ថ្នាក់ខេត្តបានឃុបឃិតគ្នាជាលក្ខណ:ប្រព័ន្ធ ក្រោមរូប ភាពកន្ទេលធំបន្លំដេក ដោយមានប្រជាពលរដ្ឋជាម្ចាស់ដីស្រែ ខ្លះជាលក់ អោយក្រុមហ៊ុនខាងលើធ្វើការអភិវឌ្ឍន៍ ក្រោមលេសវិនិយោគ ធ្វើជារីសត ឬមណ្ឌលកំសាន្តទេសចរណ៍ ធម្មជាតិ សួនកំសាន្ត សួនទឹក សួនកសិកម្ម សួនកុមារ សួន សត្វ រមនីយដ្ឋាន និងសណ្ឋាគារ ដែលក្នុងគំរោងវិយោគនេះ ក្រុមហ៊ុនចូហ្គ្រេន អ៊ិនវេសមិនឯ.ក នឹងត្រូវចំណាយទុនចំនួន ៥០០លានដុល្លារអាមេរិក លើផ្ទៃដីចំនួន២០៥ហិកតានេះ ។
ប៉ុន្តែបច្ចុប្បន្នក្រុមហ៊ុនកំពុងដំណើការចុះទិញដី និងសិក្សាលើកគំរោងវិយោគដើម្បីស្នើសុំអាជ្ញាប័ណ្ណពី CDC ដើម្បី ទទួលបានសិទ្ធិវិនិយោគពីរាជរដ្ឋាភិបាលកម្ពុជា ជាផ្លូវការ ។ ប្រភពបានបន្តថា : កត្តានេះហើយបានតំរូវអោយភាគីក្រុម ហ៊ុនចុះ ឡូប៊ី(បញ្ចុះបញ្ចូល) ជាមួយប្រជាពលរដ្ឋ និងស្វែងរកការគាំទ្រពី អាជ្ញាធរខេត្តកំពង់ស្ពឺធ្វើយ៉ាងណាកុំអោយកើតមានបញ្ហា ទំនាស់រវាងប្រជាពលរដ្ឋ និង ក្រុមហ៊ុន កើតឡើងក្នុងរង្វង់ផ្ទៃដីខាងលើនេះ ដែលនាំអោយរាំងស្ទះដល់ការស្នើសុំច្បាប់អនុញ្ញាតិវិនិយោគ ពីរាជរដ្ឋាភិបាលកម្ពុជា ។
បើតាមការ ទម្លាយអោយដឹងពី មន្ត្រីនៅក្នុងមូលដ្ឋាននៃការវិយោគខាង លើបានទូរស័ព្ទប្រាប់អោយដឹងថា : ក្នុងរង្វង់់ផ្ទៃដី២០៥ហិកតា នេះក្នុងនោះក៏មានផ្ទៃដីប្រមាណជាង៥០ហិកតាជាផ្ទៃដីមេទឹកស្ថិតក្នុងឃុំ កាហែង ស្រុកសំរោងទង ជាដីរបស់រដ្ឋបំរើការស្រោចស្រប់លើវិស័យកសិកម្មរបស់កសិករធ្វើស្រែជារៀង រាល់ឆ្នាំផងដែរ ដែលត្រូវបានអាជ្ញាធរមូលដ្ឋាន និង ជំនាញគ្រប់លំដាប់ថ្នាក់ឃុបឃិតគ្នាជាលក្ខណ:ប្រព័ន្ធ លក់អោយក្រុមហ៊ុនដើម្បីបែងចែកផលប្រយោជន៍គ្នាទៅតាមឋានានុក្រម របៀបទន្សោងគោព្រៃ ធំ ស៊ីតាមធំ តូចស៊ីតាមតូច ។
ដោយ ឡែកតាមប្រភពព៏ត៌មាន ពីអ្នកជិតដិតជាមួយថៅកែក្រុមហ៊ុន ដែលបានចុះទិញដីពីប្រជាពលរដ្ឋនៅតំបន់នោះ បានលួចទម្លាយព័ត៌មាន ប្រាប់អ្នកកាសែតអោយដឹងថា : ក្នុងចំនួនទឹកប្រាក់ចំណាយ ក្នុងគំរោងវិនិយោគចំនួន ៥០០ លានដុល្លារអាមេរិកនោះ ទឹកប្រាក់ចំនួនខ្ទង់១លានដុល្លារអាមេរិក ត្រូវចំណាយអោយទៅលើអាជ្ញាធរខេត្តកំពង់ស្ពឺ ជាអ្នកបោះមេ ក្នុងការចាត់ចែងសំរបសំរួលនិតិវិធី ដើម្បីអាចអោយក្រុមហ៊ុនបានដំណើរការដោយរលូន ។
ទាក់ទិននឹងព័ត៌មានបែកធ្លាយខាងលើនេះ ការិយាល័យ សហការីយើងខ្ញុំបានព្យាយាមទាក់ទងតាមទូរស័ព្ទ សុំការបំភ្លឺពីលោក វី សំណាង អភិបាលខេត្តកំពង់ស្ពឺ ដែរ តែពុំទទួលបានលទ្ធផលទេ ព្រោះប្រព័ន្ធទូរស័ព្ទឆ្លើយតបថា មិនអាចទាក់ទងបានទេនៅពេលនេះ? ។ ការិយា ល័យយើងស្វាគមន៍ជានិច្ច រាល់ការស្រាយបំភ្លឺពីគ្រប់ភាគីពាក់ ព័ន្ធ ៕
