កំពង់ឆ្នាំង ៖ ការិយាល័យផលិតកម្មនិងបសុព្យាបាលខេត្តកំពង់ឆ្នាំងចុះត្រួតពិនិត្យ ផ្សព្វផ្សាយនិងបាញ់ថ្នាំសម្លាប់មេរោគជូនប្រជាពលរដ្ឋដែលចិញ្ចឹមសត្វជ្រូកនិងគោ ។ ការចុះបាញ់ថ្នាំសម្លាប់មេរោគនិងធ្វើការផ្សព្វផ្សាយដល់បងប្អូនប្រជាពលរដ្ឋនេះធ្វើកាលពីព្រឹកថ្ងៃទី២៤ ខែកក្កដា ឆ្នាំ២០១៩ នៅភូមិគោកស្តៅ ឃុំទឹកហូតស្រុករលាប្អៀ ខេត្តកំពង់ឆ្នាំង ។
សកម្មភាពរបស់កំលាំងការិយាល័យផលិតកម្ម នឹងបសុព្យាបាល ខេត្តបានយកចិត្តទុកដាក់និងមានការព្រួយ បារម្ភយ៉ាងខ្លាំង ហើយក៏បានសហការណ៍ជាមួយអាជ្ញាធរភូមិដឹកនាំដោយលោក ហ៊ុន លី បានចុះធ្វើការត្រួតពិនិត្យផ្សព្វផ្សាយអប់រំ និងបាញ់ថ្នាំសម្លាប់មេរោគសត្វជ្រូក និងគោបានចំនួន១២៥ទ្រុងនិងក្រោលជូនប្រជាពលរដ្ឋរស់នៅ និងធ្វើយ៉ាងណាអោយប្រជាពលរដ្ឋបានយល់ច្បាស់និងធ្វើការថែរក្សាអនាម័យទីកន្លែងចិញ្ចឹមអោយបានស្អាត ដើម្បីជៀសវៀងកើតមានជម្ងឺរាតត្បាតដែលធ្វើអោយខាតបង់ថវិការផងដែរ ។
លោក ហ៊ុន លី ក៏បាន ផ្ដាំផ្ញើរដល់បងប្អូនប្រជាពលរដ្ឋទាំងអស់សូមចូលរួមសំអាតអនាម័យកន្លែងចិញ្ចឹមតាមទ្រង់ក្រោលរបស់បងប្អូនអោយបានស្អាត ដើម្បីជៀសវាងការឆ្លងពីសត្វមួយទៅសត្វមួយ ដើម្បីទប់ស្កាត់ការឆ្លងរាលដាលនៃជំងឺប៉េស្តជ្រូកអាហ្វ្រិករបស់ប្រជាពលរដ្ឌនឹងបាញ់ថ្នាំសំលាប់មេរោគនៅក្នុងបរិវេណភូមិរបស់ពួកគាត់។
បន្ទាប់ពីបានបាញ់ថ្នាំសំលាប់មេរោគរួចមក ក្រុមការងាររបស់ក៏បានផ្សព្វផ្សាយដល់ប្រជាពលរដ្ឌអោយពួកគាត់យកចិត្តទុក្ខដាក់លើការថែទាំនឹងផ្ដល់ចំណីព្រមទាំងបានធ្វើការណែនាំដល់ម្ចាស់សត្វជ្រូក គោទាំងអស់សូមអោយពួកគាត់មានការប្រុងប្រយ័ត្នខ្ពស់លើការឆ្លងរាលដាលជំងឺប៉េស្តជ្រូកអាហ្វ្រិកដែលជាជំងឺកាចសាហាវគ្មានថ្នាំព្យាបាល ។
សូមបញ្ជាក់ផងដែរថា:កន្លងមកលោក ហ៊ុន លី បានអោយដឹងថា ជម្ងឺប៉េសជ្រូកអាហ្វ្រិចខេត្តកំពង់ឆ្នាំងមិនទាន់កើតមានជំងឺប្រភេទនេះនៅឡើយទេ ប៉ុន្តែជំងឺខាងលេីនេះបានរាតត្បាតឆ្លងដល់ខេត្តចំនួន៥ក្នុងប្រទេសកម្ពុជាហេីយ ដោយឆ្លងមកដល់ខេត្ត ១,រតនះគីរី ២,ត្បូងឃ្មុំ ៣,ស្វាយរៀង ៤,តាកែវ និងទី៥,ខេត្តកណ្តាលផងដែរ ៕