ស្ទឹងត្រែង ៖ រូបភាពវិឌីអូស្តែងៗ៣០វិនាទីថតដោយបងប្អូនប្រជាពលរដ្ឋជាប់យោធាពីរនាក់បានធ្លាក់ចូលទឹកពេលជិះម៉ូតូឆ្លងស្ពានអូរមួយកន្លែងនោះបានស្លាប់បាត់ហើយ!។នេះបើតាមប្រភពពីហ្វេប៊ុក ។
ហេតុការណ៍ដ៏រន្ធត់នោះកើតឡើងនៅចំណុចស្ពានអូរម៉ាភូមិសាស្ត្រអូរអាឡៃក្បែរព្រំដែនកម្ពុជាឡាវស្ថិតក្នុងស្រុកសៀមប៉ាងខេត្តស្ទឹងត្រែងនៅវេលាម៉ោង ៨ព្រឹក ថ្ងៃទី ២៤ ខែ កក្តដា ឆ្នាំ ២០១៩។
ប្រភពព័ត៍មានបានអោយដឹងថា យោធាពីរនាក់ន៉មានឈ្មោះសុខវណ្ណឌីមានស្រុកកំណើតនៅភូមិបីឃុំមួយសង្កាត់មិត្តភាពខេត្តព្រះសីហនុនិងឈ្មោះភីនីដាលិមានស្រុកកំណើតនៅភូមិពោធិ៍ឃុំភ្នំក្នុងស្រុកអង្គរជ័យខេត្តកំពត។អ្នកទាំងពីរបម្រើការងារនៅអង្គភាពកងអនុសេនាធំទី៣វរសេនាតូចកាំភ្លើងធំយោធភូមិភាគទី១(ប្រចាំការនៅភូមិសាស្ត្រអូរអាឡៃខេត្តស្ទឹងត្រែង) ។
នៅថ្ងៃកើតហេតុទាហានពីរនាក់ខាងលើបានធ្វើដំណើរឆ្លងកាត់នៅចំណុច ស្ពានអូរម៉ា ក្នុងភូមិសាស្ត្រ អូរអាឡៃព្រំដែនកម្ពុជាឡាវ។នៅចំណុចកើតហេតុប្រជាពលរដ្ឋកំពុងឈរថតវិដេអូរនិងបានហាមមិនអោយមានអ្នកដំណើរជិះម៉ូតូឆ្លងកាត់ដោយសារតែមេឃធ្លាក់ភ្លៀងហើយទឹកជន់ហូរច្រោះដីបាក់ស្ពានឆ្លង។ ដោយឡែកទាហ៊ានពីរនាក់នោះមានម្នាក់ឈឺហើយបានឌុបគ្នាទៅរកពេទ្យ។
លុះដល់កន្លែងកើតហេតុមានប្រជាពលរដ្ឋស្រែកអោយឈប់ម៉ូតូដែរតែទាហានពីរនាក់នោះមិនឮគេស្រែកក៏ឆ្លងកាត់ស្ពានអូរបាក់ធ្លាក់ចូលទឹកកំពុងហូរខ្លាំងតែម្តង។ រហូតមកដល់ពេលនេះនៅថ្ងៃទី២៥ខែកក្កដាឆ្នាំ២០១៩នេះ ទាហានពីរនាក់ដែលបាត់ខ្លួននោះបានបាត់បង់ជីវិតទៅហើយ! ។