ខេត្តរតនគីរី ៖ ករណីហឹង្សាជិៈម៉ូតូប្រដេញកាប់សម្លាប់គ្នា កាលពីយប់ថ្ងៃទី២៣ ខែកក្កដា ឆ្នាំ២០១៩ បណ្តាលឲ្យកូនប្រុសរបស់លោកស្រីអភិបាលរងស្រុកអូរជុំម្នាក់បានស្លាប់ នៅចំណុចម៉ាត់បឹងកន្សែងស្ថិតនៅភូមិទេសអន្លង់ក្នុងក្រុងបានលុង ខេត្តរតនគិរី។
មន្ត្រីនគរបាលក្រុងបានលុងបានឱ្យដឹងថា ជនរងគ្រោះមានឈ្មោះ អេង រដ្ឋា ភេទប្រុសអាយុ១៧ឆ្នាំ ជនជាតិទំពួនមុខរបរជាសិស្ស រស់នៅភូមិថារងជងឃុំអូរជុំស្រុកអូរជុំ ជាកូនប្រុសរបស់លោកស្រី អភិបាលរងស្រុកអូរជុំម្នាក់។ពាក់ព័ន្ធករណីកាប់សម្លាប់គ្នានេះ គឺផ្តើហេតុមកពីមានមនុស្សពីរក្រុមរួមទាំងជនរងគ្រោះខាងលើនេះផង បានណាត់កាប់ចាក់គ្នារនៅចំនុចម៉ាត់បឹងកន្សែងប៉ែកខាងលិច។
ក្រោយការណាត់កាប់គ្នា ខណៈជនរងគ្រោះពេលកំពុងជិៈម៉តូ០២នាក់មិត្តសំលាញ់ ក៍ត្រូវជនសង្ស័យស្ទាក់កាប់បណ្តាលឱ្យអ្នកបើកម៉ូតូខាងមុខរបួសធ្ងន់ និងបានស្លាប់ពេលបញ្ជូនដល់មន្ទីរពេទ្យបង្អែកខេត្ត។ក្រោយធ្វើសកម្មភាពកាប់សម្លាប់គ្នារួច ជនសង្ស័យដែលសម្លាប់គូភាគីម្ខាងទៀតនេះក៍បានរត់គេចខ្លួនបាត់តែម្តង។
លោក ហួត បូរី អធិការក្រុងបានលុង បានអោយកាសែតដឹងនៅរសៀលថ្ងៃទី ២៤ កក្កដា នេះថា បច្ចុប្បន្នកម្លាំងជំនាញព្រហ្មទណ្ឌខេត្ត និងកម្លាំងអធិការក្រុងកំពុងធ្វើការស្រាវជ្រាវ និងកំណាត់មុខសញ្ញា ដើម្បីចាប់មនុស្សយកមកផ្តាន្ទាទោសតាមច្បាប់៕