ភ្នំពេញ៖ លោកអ៊ងរីព្រះរាជអាជ្ញារងតុលាការខេត្តកោះកុងត្រូវបានលោក អង្គ វង្សវឌ្ឍានារដ្ឋមន្ត្រីក្រសួងយុត្តិធមិ ដកឲ្យមកបម្រើការនៅក្រសួងវិញ ក្រោយ ពីបែករឿងភរិយាតាមទាន់ ពេលដេកជាមួយសាហាយ នៅផ្ទះសំណាក់ស្រែនាង ស្ថិតក្នុងសង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ កាលពី វេលាម៉ោង១១និង៥០នាទី ថ្ងៃទី១៨ ខែកក្កដា ឆ្នាំ២០១៩។
លោក អ៊ង រី ព្រះរាជអាជ្ញារងនៃអយ្យការអមសាលាដំបូងខេត្តកោះកុង ត្រូវបានរដ្ឋមន្ត្រីក្រសួងយុត្តិធម៌ លោក អង្គ វង្ស វឌ្ឍានា ចេញលិខិតបង្គាប់ការលេខ០១២កយ.បក/ ១៩ ចុះថ្ងៃទី២៤ ខែកក្កដា ឆ្នាំ២០១៩ បង្គាប់មកលោក អ៊ង រី ព្រះរាជអាជ្ញារងនៃអយ្យការអមសាលាដំបូងខេត្តកោះកុង ចាត់ឲ្យមកបម្រើការងារនៅក្រសួងយុត្តិធម៌ជាបណ្តោះអាសន្ន ។ សាមីខ្លួនត្រូវមានវត្តមាននៅក្រសួងយុត្តិធម៌រៀងរាល់ម៉ោងធ្វើការ ។
គេនិយាយថាលោកអ៊ងរីបានធ្វើជា ព្រះរាជអាជ្ញារងគឺដោយប្រពន្ធមានលុយជួយតែពេលមានលុយបែជាបែកគំនិតមានស្រីហើយលោក អ៊ង រី រហូតដល់ប្តឹងលែងលះភរិយា ក្នុងហេតុផលថា រស់នៅមិនចុះសម្រុងនឹងគ្នាទៀត?ចឹងហើយបានពេលតាមទាន់ស្រីជាភរិយាបានសុំឲ្យនាយករដ្ឋមន្ត្រីដកចោល! ។
ពាក់ព័ន្ធនឹងបញ្ហាលោក អ៊ង រី ដែលក្រសួងចេញលិខិតបង្គាប់ការឲ្យមកបម្រើការនៅក្រសួង យុត្តិធម៌ មជ្ឈដ្ឋានមហាជន អ្នកច្បាប់ បានរំឭកផងដែរថា ចុះករណីលោក ជា ពេជ្រ ព្រះរាជអាជ្ញានៃអយ្យការអមសាលាដំបួងខេត្តរតនគិរី លួចផិតក្បត់មានភរិយាថ្មី ជាមួយនិងបណ្តឹង របស់ភរិយាស្របច្បាប់ ដាក់ទៅក្រសួងយុត្តិធម៌ ក៏ដូចជាសូមការអន្តរាគមន៍ពីសម្តេចតេជោ និងសម្តេចកិត្តិព្រឹទ្ធបណ្ឌិត ក៏ដូចជាស្ថាប័នដទៃទៀតម៉េច ក៏ពុំទាន់ឃើញរដ្ឋមន្ត្រីក្រសួងយុត្តិធម៌ មានចំណាត់ការក្នុងរឿងនេះផង?។
សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជាបានមានប្រសាសន៍ផងដែរថា មន្ត្រីដែលមានភរិយាច្រើន ត្រូវបានដកតំណែង ក្រោយពីលោក ថៃ នរៈសត្យា រដ្ឋលេខាធិការ និងជាអ្នកនាំពាក្យក្រសួងវប្បធម៌ និងវិចិត្រសិល្បះដែលបានលែងលះប្រពន្ធ១០ឆ្នាំហើយមានប្រពន្ធក្រោយក្មេង ត្រូវបានព្រះមហាក្សត្រ ចេញព្រះរាជក្រឹត្យត្រាស់បង្គាប់បញ្ចប់តួនាទីក្រោយពីអតីតប្រពន្ធមុនឡាំប៉ារករឿងថាយកក្មួយឯង៕
