ខេត្តព្រះសីហនុ ៖ ជនរងគ្រោះត្រូវបានគេឃើញដេកស្លាប់នៅនិងមុខឡានឡិចស៊ីស ពណ៍ខ្មៅពាក់ស្លាកលេខ ភ្នំពេញ 2AB -8029 កាលពីព្រឹកថ្ងៃទី២១ ខែកក្កដា ឆ្នាំ២០១៩ នៅចំណុចភូមិ៤ ឃុំអូរត្រេះ ស្រុកស្ទឹងហាវ ខេត្តព្រះសីហនុ។ តាមរយៈសមត្ថកិច្ចជំនាញខាងធ្វើកោសល្យវិច្ច័យស្នងការនគរបាលខេត្តព្រះសីហនុអាងថា៖ ជាអំពើធ្វើអត្តឃាតសម្លាប់ខ្លួនឯង និងមានជម្ងឺប្រចាំកាយផងដោយយោងតាមលិខិតមួយសន្លឹកសសេរថាលាហើយ។
ម្ចាស់អាខោនឈ្មោះ (Ratha Chhean) បានសសេរក្នុងហ្វេសប៊ុកខ្លួនថា៖ ពៅទៅរហូតហើយ។ តែអ្វីដែលខ្ញុំនិងក្រុមគ្រួសារនៅតែមិនអាចទទួលយកបាននូវពត៌មានដែលចុះផ្សាយថា៖ ពៅធ្វើអត្តឃាត!?! តើជាអត្តឃាត ឫ ជាឃាតកម្ម!?!។យើងខ្ញុំនៅតែសំណូមយ៉ាងទទូចសូមឲ្យអាជ្ញាធរមានសមត្ថកិច្ចពាក់ពន្ធ័បន្តស្រាវជ្រាវរកការពិតដើម្បីឲ្យវិញាក្ខន្ធប្អូនប្រុសបានទៅកាន់សុគតិភពផងចុះ ដោយក្តីអនុគ្រោះ។
សូមបញ្ជាក់ថា៖ គ្រោះថ្នាក់ខាងលើស្ថានភាពសាកសពនៅកន្លែងកើតហេតុ គឺមានស្នាមគ្រាប់កាំភ្លើងត្រង់ក្បាល ស្ទើរតែខ្សោះឈាម ស្លេកស្លាំង និងដៃឆ្វេងកាន់កាំភ្លើង និងដៃម្ខាងទៀតអោបទ្រូង មើលទៅមិនសមជាអំពើធ្វើអត្តឃាតទេ?។ អាចជាអំពើឃាតកម្មច្រើនជាង ព្រោះថាបើជនរងគ្រោះបាញ់សម្លាប់ខ្លួនឯង មិនមែនសាកសព មកដេកស្លាប់ដោយរូបភាពរបៀបស្រួលចឹងទេ គឺកាំភ្លើងត្រូវធ្លាក់របូតពីដៃបាត់ហើយ។
សពច្បាស់ជាស្លាប់ក្នុងថ្លុកឈាម ដៃជើងអាចទាញរួញ ដោយអំណាចត្រដរខ្យល់មុនស្លាប់។ ប៉ុន្តែការសន្និដ្ឋានរបស់សមត្ថកិច្ចជំនាញហាក់មិនស៊ីចង្វាក់និងទិដ្ឋភាពជាក់ស្តែងនៃស្ថានភាពស្លាប់នៅកន្លែងកើតហេតុសោះ? ។ នេះជាបញ្ហាដែលគ្រួសាសពក៏ដូចជាមហាជនឆ្ងល់?៕