បន្ទាយមានជ័យ ៖ សង្ឃចេកនាមកក្កដាសុភណ្ឌ័បានសម្រេចចិត្តចាកសិក្ខាបទពីព្រះសង្ឃដោយក្លាហានតាមសំណើរមន្ត្រីសង្ឃរាជធានីដោយសារលោកដឹងកំហុសខ្លួនឯងរឿងរំលោភវិន័យព្រះពុទ្ធសាសនា។ដោយឡែកប្រជាពលរដ្ឋខ្មែរប្រុសស្រីនៅខេត្តបន្ទាយមានជ័យពិសេសក្រុងប៉ោយ៉ែតដែលកាន់លទ្ធិពុទ្ធសាសនាមានព្រួយបារម្ភពីការធ្លាក់ចុះការគោរពបូជា សាសនាព្រះពុទ្ធដោយសារតែ មន្ត្រីសង្ឃខេត្តបន្ទាយមនាជ័យមិនមានវិធានការចំពោះ ព្រះចៅអធិការវត្តពោធិសុវណ្ណសិលារាម(អណ្តូងថ្មមាស)ស្ថិតនៅភូមិអណ្តូងថ្មសង្កាត់ផ្សារកណ្តាលក្រុងប៉ោយប៉ែតដែលដាច់អាបត្តិ។
អ្នកភូមិលើកឡើងថា៖ ពួកគាត់ពិតជាអស់ជំនឿលើមន្ត្រីសង្ឃគ្រាក់ៗ នៅក្រុងប៉ោយប៉ែត និងខេត្តបន្ទាយមានជ័យនេះខ្លាំងណាស់ ព្រោះថាមន្ត្រីសង្ឃទាំងនោះ គ្មានចេតនាដោះស្រាយអធិករណ៏ដែលបង្កឡើងដោយចៅអធិការវត្តពោធិសុវណ្ណសិលារាម អណ្តូងថ្មមាសនោះទេ ។ពោលគឺមន្ត្រីសង្ឃបែជា សម្ងំមិនហ៊ានអនុវត្តន៍លើបុគ្គលដែលប្រព្រឹត្តខុសធម៌វិន័យនោះផងទេ ។
សូមបញ្ជាក់ថា ចៅអធិការវត្តពោធិសុវណ្ណសិលារាម អណ្តូងថ្មមាស បានតឺនុយស៊ីវិលលួចចេញពីវត្តដើរផឹកស៊ីចូលហាងខារ៉ាអូខេ និងតាមកម្មវិធីប្រគុំតន្ត្រីផ្សេងៗអោបស្រី។ ប៉ុន្តែមន្ទីរធម្មការនិងសាសនាខេត្តបន្ទាយមានជ័យបែរជាធើមិនដឹងមិនឭទៅវិញ?។ ប្រការនេះធ្វើអោយពលរដ្ឋមានការសង្ស័យ អំពីអំពើពុករលួយកើតមាននៅក្នុងស្ថាបន័សាសនានេះផងដែរ ។
ប្រភពបានអោយដឹងមកថា៖ អតិតព្រះចៅអធិការវត្តទួលពង្រ ក្រុងប៉ោយប៉ែតឈ្មោះ ញ៉ែមសឿន និងចៅអធិការវត្តពោធិសុវណ្ណសិលារាម អណ្តូងថ្មមាសតែងនាំគ្នាស្កាត់ទៅរកស្រីដោយចេញពីវត្តលួចក្លែងភេទជាក្រហសត្ថ ស្លៀកពាក់ខោអាវ គ្រឿងអលង្កាសុទ្ធតែចិញ្ចៀនពេជ្រធំៗ ខ្សែកនាឡិកា បើកឡានទៅទឹកដីខេត្តសៀមរាបក្រេបចន្ទ័ទឹកឃ្មុំ ជាមួយស្រីស្នេហ៏ញឹកញាប់រហូតធ្វើអោយស្រីស្នេហ៏របស់ព្រះចៅអធិការវត្តទួលពង្រ(ចាស់)បានពរផ្ទៃសំរាលកូននិងធ្វើពិធីខូបកំណើតជូនកូនទៀតផង បញ្ហានេះក៏ស្ងាត់ៗដែរ ។
ចំណែកព្រះចៅអធិការវត្តពោធិសុវណ្ណសិលារាម អណ្តូងថ្មមាស វិញក៏មិនណយប៉ុន្មានដែរ បុគ្គលរូបនេះបានប្រើប្រាស់តៃកុងឡានញឹកញាប់ ខ្លួនឯងដើរតួជាមន្ត្រីធំដើម្បីងាយស្រួលញ៉ែស្រីក្មេងៗ មិនអោយចាញ់អ្នកស្រុកនៅដីក្រុងដោយគេចាយលុយបច្ចយ័ពុទ្ធបរិស័ទ្ធដូចមិនស្តាយសោះ? ។
ពាក់ពន្ធ័បញ្ហានេះ មន្ត្រីធម្មការនិងសាសនាម្នាក់នៅខេត្តបន្ទាយមានជ័យសុំមិនបញ្ចេញឈ្មោះ បានអោយដឹងមកថា៖ បើយោងតាមរូបភាពជាក់ស្តែង ដែលបែកធ្លាយក្នុងសង្គមហ្វេសប៊ុកនោះ វាពិតជាគ្រប់គ្រាន់ណាស់ទៅហើយដើម្បីដាក់បន្ទុកលើ ជនប្រព្រឹតនោះ ប៉ុន្តែមិនដឹងយ៉ាងម៉េចបានជា ថ្នាក់ដឹកនាំសង្ខនិងមន្ទីរមិនព្រមចាត់ការ តាមព្រះវិន័យសង្ឃដូច្នេះ ? ។
ចំណែកមន្ត្រីសង្ឃមួយអង្គទៀតនៅឯក្រុងប៉ោយប៉ែតក៏បានមានថេរដីការថាបើថ្នាក់ដឹកនាំសង្ឃនៅតែអោបក្រសោប អ្នកប្រព្រឹតខុសវិន័យ អោយគង់នៅបានក្នុងព្រះពុទ្ធសាសនាតទៅទៀតនោះ ព្រះតេជគុណថា៖តម្លៃពិតនៃព្រះពុទ្ធជាម្ចាស់អាចនឹងងាយសាបសូន្យលឿន ដោយសារតែគ្មានសច្ចធម៌នៅក្នុងខ្លួនរបស់ក្រុមមន្ត្រីសង្ឃខេត្តបន្ទាយមានជ័យ ។
ប្រភពដដែលថា កន្លងទៅ បុគ្គលសង្ឃឈ្មោះ តឿ ប៊ុនធឿន ត្រូវបានគណ:កម្មការអាចារ្យ វត្តពោធិសុវណ្ណសិលារាម អណ្តូងថ្មមាស បានដកប្រាក់ចំនួន២០០០០$ បច្ច័យកសាងវត្ត និងរថយន្តម៉ាកហៃឡិនឌ័រពណ៌ស១គ្រឿងទៅបុគ្គល តឿ ប៊ុនធឿន ក្រោយរឿងអាស្រូវបែកធ្លាយដើម្បីឲ្យចាកចេញពីវត្តអោយផុត ប៉ុន្តែពេលចាយលុយជិតអស់បែជាលេចមុខមកនៅក្នុងវត្តសារជាថ្មី បង្កការភ្ញាក់ផ្អើលដល់មហាជនផងទាំងពួង ។
ប្រជាពុទ្ធបរិសទ្ធ័ និងអ្នកលេងបណ្តាញសង្គមហ្វេសប៊ុក បានកោតសសេីរ ចំពោះអតិតភិក្ខុសង្ឃព្រះនាម កក្កដា សោភណ្ឌ ដែលមុះមុតក្លាហានហ៊ានស៊ីហ៊ានសង នូវរាល់កំហុសឆ្គងរបស់ខ្លួនដែលបានប្រព្រឹតប្រាស់ចាកធម៌វិនយ័ បើទោសទណ្ឌនោះ មិនដល់ថ្នាក់បរាជិកផង ប៉ុន្តែអតីតសង្ឃអង្គនោះ សុខចិត្តទទួលកំហួសហើយសុំលាចាកសិក្ខាបទ ភេទជាសង្ឃតែម្តងកាលពីថ្ងៃទី២១ក្កដា២០១៩កន្លងទៅនេះ ។
ប្រជាពលរដ្ឋ ទទួចដល់សម្តេចព្រះសង្ឃរាជមន្ត្រីសង្ឃគ្រប់ឋានានុក្រមនៃព្រះរាជាណាចក្រកម្ពុជា មេត្តាពិនិត្យមើល ក្រុមសង្ឃក្លែងកាយនាពេលរាត្រីនៅឯក្រុងប៉ោយប៉ែតនេះផង បើពុំនោះទេ ព្រះពុទ្ធសាសនានៃយើងមុខជារងនូវការរិះគន់ពីមជ្ឈដ្ឋានពលរដ្ឋ នឹងបាត់បង់តម្លៃដោយសារតែ មានចោរថង់យាមពួនសម្ងំលាក់ខ្លួនក្នុងពុទ្ធសាសនាដូចករណីនេះជាមិនខាន ៕
