ព្រះសីហនុ៖ នគរបាលនៃអគ្គនាយកដ្ឋានអន្ដោប្រវេសន៍ ក្រសួងមហាផ្ទៃប្រចាំកំពង់ផែខេត្តព្រះសីហនុដែលគេឃើញដេកស្លាប់មុខឡានឡិចស៊ីសឱបកាំភ្លើងខ្លី នៅលើផ្លូវបេតុង ត្រង់ចំណុច កន្លែងពុះដីឡូត៍ ស្ថិតនៅក្រុម៤ ភូមិ៤ ឃុំអូរត្រេះ ស្រុកស្ទឹងហាវ ខេត្តព្រះសីហនុរកឃើញហើយថាបាញ់ខ្លួនឯង។
នេះបើតាមការបញ្ជាក់ពីលោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ ប្រាប់បណ្តាញផ្សព្វផ្សាយនៅរសៀលថ្ងៃទី២១ ខែកក្កដា ឆ្នាំ២០១៩។លោកឧត្តមសេនីយ៍ស្នងការ បានអះអាងថា ឆ្លងតាមការស្រាវជ្រាវ និងការធ្វើកោសល្យវិច្ឆ័យពីសមត្ថកិច្ចជំនាញ បានបង្ហាញថា មន្ដ្រីនគរបាលដែលប្រទះឃើញដេកស្លាប់នោះ បានធ្វើអត្ដឃាតដោយខ្លួនឯង ក៏ព្រោះតែជនរងគ្រោះមានជំងឺស្ដ្រេះ និងមួយទៀត មានជំងឺប្រចាំការដែលព្យាបាលមិនជា ដោយមិត្តរួមការងារតែងតែលឺជនរងគ្រោះថ្អួញថ្អែរថា ឈឺក្បាល។
លោកឧត្តមសេនីយ៍ជួនណារិន បានបញ្ជាក់ថាជនរងគ្រោះប្រើកាំភ្លើងម៉ាក TAURUS ។រូបគេទម្លាប់ប្រើដៃឆ្វែង ស៊ីចង្វាក់នឹងស្នាមរបួសត្រង់ចំណុចសៀតថ្កាខាងឆ្វេងធ្លាយទៅម្ខាងទៀត ដែលបណ្តាលឲ្យជនរងគ្រោះស្លាប់។ក្រៅពីនេះ សមត្ថកិច្ចក៏បានរកឃើញមានលិខិតបណ្ដាំ នៅក្នុងរថយន្ដដោយមានសរសេរអក្សរថា «លាហើយ» ដែលអក្សរនេះប្រធានអង្គភាពរបស់ជនរងគ្រោះ និងមិត្ដរួមការងារ ទទួលស្គាល់ថា នេះគឺជាអក្សររបស់ជនរងគ្រោះយ៉ាងពិតប្រាកដ។
បើចឹងមែនគេមិនដឹងថាតើហេតុអីបានជាជនរងគ្រោះចេញមកបាញ់សម្លាប់ខ្លួននៅក្រៅឡានចឹងនោះទេ។ទោះជាយ៉ាងណាលោកជួនណារិនមិនពញ្ជាក់ថាតើជនរងគ្រោះសម្លាប់ខ្លួនដោយឈរឬដេកឬលុតជង្គង់នោះឡើយ?។
សូមរំលឹកថា ជនរងគ្រោះឈ្មោះ ហេង សៅគីរី មានឋានន្ដរស័ក្ដិ ថ្នាក់វរសេនីយ៍ត្រី តួនាទីនាយផ្នែកសេនាធិការ នាយកដ្ឋានច្រកទ្វារទី២ បានបាញ់សម្លាប់ខ្លួនឯង នេះត្រូវបានប្រជាពលរដ្ឋប្រទះឃើញដេកស្លាប់ នៅមុខរថយន្ដដោយក្នុងដៃមានឱបលកាំភ្លើងខ្លី០១ដើមដែលមិនទំនងថាសម្លាប់ខ្លួនឯងចឹងនោះឡើយ ៕
