ខេត្តរតន:គីរី ៖ កាលពីវេលាម៉ោង ៥:២០ នាទីព្រឹកថ្ងៃទី ០៤ ខែសីហា ឆ្នាំ២០១៦នេះ មានប្រជាពលរដ្ឋយើងបានផ្ដល់ពត៌មានមកដល់ បញ្ញវន្តខ្មែរយើងថា មន្ត្រីថ្លឹងឡាន នៅចំណុចភូមិ០១ ឃុំត្រពាំងក្រហម ស្រុកកូនមុំ ខេត្តរតនៈគីរី មាកករណីហួសចិត្តមួយខណៈជញ្ជីងថ្លឹងរថយន្តនៅទីនោះ អត់មានភ្នែកផង ក៏មន្ត្រីនៅទីនេះអាចថ្លឹងបានដែរ ។
ប្រជាពលរដ្ឋដដែលរូបនេះបានលើកឡើងថា នេះពួកគាត់មិនមែនថ្លឹង ឡានដើម្បីចង់ដឹងថាលើសទម្ងន់ឬអត់នោះទេ គឺថ្លឹងដើម្បីលុយតែម្ដង គឺក្នុងឡានដឹកទំនិញមួយគឿង ត្រូវបង់ទៅឱ្យថ្លៃថ្លឹងពី ៥ទៅ៦ម៉ឺនរៀល ខ្លះ១០ម៉ឺនក៏មាន ពិសេសគឺឡានដឹកដំឡូង ឆ្លងកាត់មួយយប់ៗ ពី១០០ទៅ២០០ឡានយីឌុប បើក្នុងមួយគ្រឿងត្រូវបង់លុយ៥ទៅ៦ម៉ឺន ចុះដល់ទៅ១០០ទៅ២០០គ្រឿង តើពួកគាត់ប្រមូលបានប៉ុន្មានទៅក្នុងមួយថ្ងៃៗ ហើយថា តើលុយនោះគេយកទៅណា? តើគេដាក់ជញ្ជីងថ្លឹងនេះដើម្បីអ្វី បើឡានលើសទម្ងន់ឬមិនលើសពួកគាត់មិនទាំងដឹងផងហ្នឹង ទង្វើនេះវាហាក់បីដូចអាកហត់ឈាមពលរដ្ឋដែលខិតខំរកស៉ីមួយថ្ងៃៗ គ្មានបានសល់អីទេចាំតែយកមកបង់ឱ្យពួកមន្ត្រីអស់ហ្នឹងទៅបានហើយ ឯណាទៅពាក្យថា”មន្ត្រីរាជការ គឺជាអ្នកបំរើរាស្ត្រ ” ?
បើដូចអ្វីដែលពលរដ្ឋអ្នករកស៉ីឆ្លងកាត់នៅទីនោះលើកឡើងនោះមែន នេះមិនមែនមន្ត្រីបំរើរាស្ត្រទេ គឺវាទៅជាមន្ត្រីធ្វើស្រែលើខ្នងរាស្ត្រទៅវិញទេ ឬព្រោះតែដូច្នេះឬទើបបានជាពួកមន្ត្រីទាំងនោះមានៗណាស់ ជិះសុទ្ធតែឡានទំនើបៗ រីឯអ្នកខំរកស៉ីហូរញើសហូរឈាមនៅតែក្រ មិនមានដូចពួកមន្ត្រីអស់នោះសោះ៕
