ភ្នំពេញ ៖ មហាជនបានសម្តែងការភ្ញាក់ភ្ញាក់ផ្អើលនៅពេលបានឃើញសង្ឃសង្ឃនាម កក្កដា សុភ័ណ្ឌ រងរបួសហើយត្រូវបានគេផ្សាយ ត្រូវចោរប្លន់សម្លាប់ នាល្ងាចថ្ងៃទី២០ កក្កដា ឆ្នាំ២០១៩នេះ។
តែបន្ទាប់ពីការបង្ហោះបែបនេះ អ្នកប្រើប្រាស់បណ្តាញសង្គមហ្វេសបុកជាច្រើន បាននិយាយថាវសា គ្រាន់តែជាការសម្តែងប៉ុណ្ណោះ ដែលធ្វើឲ្យមានការខកអារម្មណ៍ពីមហាជនដោយសារតែមានបុគ្គលស្រៀកស្បង់តែបែជាប្រព្រឹត្តទង្វើធ្វើឲ្យអាប់អោនសាសនា ។
ទោះបីយ៉ាងណា ព័ត៌មានដែលទទួលបាននៅថ្ងៃទី២១ ខែកក្កដា ឆ្នាំ២០១៩ គឺព្រះតេជគុណ កក្កដា សុភ័ណ្ឌ ដែលគង់នៅកុដិលេខ២៥ វត្តសារាវ័ន្តតេជោ ខណ្ឌដូនពេញ រាជធានីភ្នំពេញ គឺត្រូវបានមន្ត្រីសង្ឃ សាលាអនុគណខណ្ឌដូនពេញ និមន្តមកដោះស្រាយ តាមធម៌វិន័យរួចរាល់ជាស្ថាពរហើយ តេជគុណ កក្កដា សុភ័ណ្ឌ បានទទួលនូវកំហុសឆ្គងនូវទង្វើដែលបានធ្វើ ហើយក៏បាន លាចាកសិក្ខាបទរួចរាល់ តាមកិច្ចព្រមព្រៀងរបស់សាមីខ្លួន ចំពោះព្រះភក្ត្រព្រះមន្ត្រីសង្ឃ។
សូមបញ្ជាក់ដែរថាកន្លងមក សង្ឃនាម កក្កដា សុភ័ណ្ឌត្រូវបានមហាជននិយមលេងហ្វេសប៊ុក ឲ្យឈ្មោះក្រៅថា «សង្ឃប៉េដេ ឬសង្ឃចរិតស្រី»។ អារឿងចារឹកចេកមិនបញ្ហាទេតែសង្ឃអង្គនេះបាន ថតបង្ហោះ ក្នុងបណ្តាញសង្គមហ្វេសប៊ុកផ្ទាល់ខ្លួន ដោយបង្ហាញពីសម្ភារៈនិយម រួមទាំងរបស់ប្រែនជាច្រើន ដែលមានតម្លៃថ្លៃ ហើយថតរូប ដូចជាការបង្ហាញម៉ូតចឹង។ទទួលស្គាល់ថាសង្ឃអង្គនេះ បានចូលរួមជួយថវិកាទៅជនអនាថា ជនទីទ័លក្រ ព្រមទាំងក្មេងក្រីក្រជាច្រើន។ តែផ្ទុយទៅវិញ រូបថតរបស់សង្ឃនេះ ត្រូវបានមហាជនរិះគន់កាន់តែខ្លាំងថា ការប្រើរូបភាព សប្បុរសធម៌បែបនេះ ដើម្បីធ្វើជំនួញផ្ទាល់ខ្លួនទៅវិញនោះទេ ។ តែសកម្មភាពខ្លះវាធ្វើឲ្យខូចតម្លៃព្រះពុទ្ធសាសនាទៅវិញទេ៕