ខេត្តរតនគីរី ៖ កន្លងមកនៅខេត្តរតនៈគីរីអាណាចក្រគ្រប់គ្រងដោយលោកថងសាវុនមានឈ្មួញឈើជាច្រើនដែលបណ្តាញសារពត៍មានលើកឈ្មោះមកបង្ហាញមានដូចជាម្សៀហូជីវ៉ៃម្សៀណុបណាក់ហៅណាក់ក្បាលធំម្សៀនីកាចាញជាដើម។ តែអាឡូវក្រោយពីយុទ្ធនាការបង្ក្រាបបទល្មើសព្រៃឈើ របស់ឯកឧត្តម នាយឧត្តមសៅ សុខា បានធ្វើ សកម្មភាពយ៉ាងក្តៅគគុកចាប់ពីថ្ងៃទី១០ក្កដាមក និងឈានដល់ការចាប់មនុស្សមានគោរម្យងាជាឧកញ៉ាដែលនៅបន្តប្រព្រឹត្តបទល្មើសព្រៃឈើក្នុងខេត្តមណ្ឌលគីរីវាលេចចេញឈ្មោះឈ្មួញធំម្នាក់ទៀតដែលសព្វថ្ងៃត្រូវបានគេរាយការណ៍ថាបិទសាប៊ូរត់ចោលស្រុកបាត់ហើយ ។
ប្រភពព័ត៌មាន ពីបុគ្គលម្នាក់ដែល ធ្លាប់ធ្វើជាមេការក្នុងការដោះស្រាយបញ្ហាសមត្ថកិច្ច ដែល មិនបញ្ចេញអត្តសញ្ញាណបានឲ្យដឹងថា តាមការពិតថៅកែដ៏ធំនៅពីក្រោយខ្នង នៃការកាប់បំផ្លាញព្រៃឈើ ក្នុងខេត្តរតនគីរី គឺលោក មាន ហុង ជាថៅកែធំ និងជាអ្នកទម្លាក់លុយរាប់លានដុល្លា ឲ្យពួកគេធ្វើសកម្មភាព ជួលឲ្យកម្មករកាប់អាឈើក្នុងខេត្តរតនគីរី ដែលមានលោក ហ៊ូវ ជីវ៉ៃ ជាអ្នកមើលការខុសត្រូវ ។
ប្រភពដដែលបានបញ្ជាក់ថា លោក មាន ហុង ជាជនជាតិវៀតណាមកាន់កាតខ្មែរត្រូវបានគេរាយការណ៍ថាជាអ្នកបានទម្លាក់លុយក្នុងមួយខែៗ រាប់លានដុល្លាដើម្បីបំផ្លាញព្រៃឈើរបស់ខ្មែរ នៅស្រុកតាវែង និងស្រុក អណ្តូងមាស ខេត្តរតនគីរី ដែលមានសេនាដៃឆ្វេង និងដៃស្តាំ ឈ្មោះ នី កាចាញ និងលោក ហ៊ូវ ជីវ៉ៃ ជាអ្នករត់ ការបិទអ្នកសារព័ត៌មានទូទាំងប្រទេស ក្នុងនោះលោក ហ៊ូវ ជីវ៉ៃ បានទទួលលុយពីលោក មាន ហុង ក្នុងមួយខែ ១០ម៉ឺនដុល្លាដើម្បីប្រើការ និងធានាមិនឲ្យបែកធ្លាយព័ត៌មាន!(ស៊ិក) ។
ប្រជាសហគមន៍ព្រៃឈើ នៃខេត្តរតនគីរី បានសំណូមពរ ឲ្យឯកឧត្តម នាយឧត្តមសៅ សុខា មេបញ្ជាការរងកងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស ប្រធានគណៈកម្មាធិការ បង្ក្រាបបទល្មើស ដែលប្រកាសដាក់ជិវិតក្នុងប្រតិបត្តិការបង្ក្រាបបទល្មសើព្រៃឈើ ជួយចាត់វិធានការតាមចាប់ មេក្លោងឈ្មោះ មាន ហុង ជាថៅកែធំ នៅពីក្រោយការកាប់បំផ្លាញព្រៃឈើ នៅខេត្តរតនគីរីនេះផង។ងាយទេ លោក មាន ហុង ហៅហុង មាន ធ្លាប់មានប្រពន្ឋជាជនជាតិខ្មែរ និងបានធ្វើអត្តសញ្ញាណប័ណ្ណសញ្ញាតិខ្មែរ ឈ្មោះ លោក មាន ហុង កើតនៅថ្ងៃទី១០ ខែមេសា ឆ្នាំ ១៩៨០ អាសយដ្ឋាន ភូមិជើងធ្លុក ឃុំតាំងក្រាំង ស្រុកបាធាយ ខេត្តកំពង់ចាម ។
