ភ្នំពេញ៖ កាលពីថ្ងៃទី១៦ ខែកក្កដា ឆ្នាំ២០១៩សមត្ថកិច្ចចម្រុះបានចុះចាប់ខ្លួនលោក ឌីម សួនណាតម្ចាស់ ក្រុមហ៊ុន Enaritaដែលគេស្គាល់ថាជា អ្នកជំនួញដីឡូតិ៍ដ៏ល្បីម្នាក់ ពីបទឆបោកនិងចេញសែកស្អុយរាប់រយលានដុល្លារ។ ប្រភពរបស់ជនរងគ្រោះនៃការបោកប្រាស់នេះបានឱ្យដឹងថា លោក ឌីម សួនណាត ដែលជាអគ្គនាយកក្រុមហ៊ុនអចលនាទ្រព្យ Enarita បានភូតភរនិងឆរបោកជាច្រើនលើក ហើយបានចេញសែកសងលុយប៉ុន្តែគ្មានលុយដល់ជនរងគ្រោះជាច្រើននាក់ដែលមានទឹកប្រាក់សរុបយ៉ាងច្រើនសន្ធឹកប្រមាណ២០០ជិត៣០០លានដុល្លារ។
សមត្ថកិច្ចបានបញ្ចូនអ្នកបោកកម្រឹតខ្ពស់នេះទៅនាយកដ្ឋានព្រហ្មទណ្ឌក្រសួងមហាផ្ទៃត្រៀមឡើងតុលាការ ។ក្រុមហ៊ុននេះតែងតែផ្សព្វផ្សាយប្រកាសលក់ដីនៅក្នុងតំបន់ទេសចរណ៍ ដើម្បីផ្ដល់ឱកាសអោយអតិថិជនមានលទ្ធភាពទិញដីទុកធ្វើផ្ទះលម្ហែកាយដោយប្រើវិធីប្រូម៉ូហ្សិនទិញដីបញ្ចុះតម្លៃ និងបន្ថែមរង្វាន់ផ្សេងៗ ដូចជាទូរស័ព្ទ និងរង្វាន់ផ្សេងៗ ដែលធ្វើឲ្យសន្ទុះកេរ្តិ៍របស់លោក ឌីម សួនណាត បានល្បីឈ្មោះយ៉ាងខ្លាំង ។
មូលហេតុចាញ់បោកបើតាមសំដីជនរងគ្រោះជាច្រើននាក់បានឲ្យដឹងថា គាត់បានវិនិយោគ ជាមួយ លោក ឌីម សួនណាត ដែលជាអគ្គនាយកក្រុមហ៊ុន ENARITA development Co.,LTD ដោយទទួលបានការប្រាក់ខ្ពស់រហូតដល់ម្ភៃភាករយដែលក្នុងកុងត្រានោះមានធានាសែក និងស្នាមផ្តិតមេដៃរបស់ លោកឌីម សួនណាត់ ផ្ទាល់ដែលជាហេតុធ្វើអោយគាត់ទុកចិត្ត។រហូតមកដល់ថ្ងៃទី១៣ ខែឧសភា ឆ្នាំ២០១៩ ក៏មានការដកប្រាក់តាមសែកមិនបាន ហើយលោកឌីម សួនណាត បានលួងលោមដល់ជនរងគ្រោះថា ធនាគារជាតិធ្វើការបង្កក់លុយគាត់ ហើយធ្វើការស៉ើបអង្កេតដោយសារចរន្តលុយច្រើនពេក ហើយបង្គាប់ជនរងគ្រោះអោយទៅដកនៅក្រុមហ៊ុនលោកផ្ទាល់វិញ។
លោកបានពន្យារពេលរហូតដល់ថ្ងៃទី៥ ខែកក្កដា ឆ្នាំ២០១៩ ហើយនៅតែមិនឃើញក៏មានពាក្យបណ្តឹងរបស់ជនរងគ្រោះចូលទៅក្រសួងមហាផ្ទៃ ប្តឹងពីបទល្មើសជាក់ស្តែងទៅលោក ឌីម សួនណាត ហើយធ្វើការស៉ើបអង្កេតជាក់ស្តែង។របាយការណ៍ បង្ហាញថា លោកឌីម សួនណាត មិនត្រូវធនាគារណាបង្កក់លុយលោកឡើយគឺ លោកមានចេតនា បិទគណនេយ្យធនាគារខ្លួនឯង និងធ្វើការពន្យាពេលរាល់កិច្ចសន្យារបស់ជនរងគ្រោះ។ដល់ថ្ងៃទី១២ ខែកក្កដា ឆ្នាំដដែល ដីការកោះហៅបានចេញ ។ ថ្ងៃទី១៦ ពេលរសៀល ក៏បានធ្វើការឃាត់ខ្លួន លោកឌីម សួតណាត។
មុនចាប់ខ្លួនថៅកែដីនេះម្ចាស់ហ្វេសប៊ុកឈ្មោះ Kavin ដែលត្រូវគេស្គាល់ថាជាតារាសម្ដែងមួយរូបនៅក្នុងវិស័យ សិល្បៈមុននេះ បានប្រកាសទម្លាយជាសាធារណៈនៅលើបណ្ដាញសង្គមហ្វេសប៊ុករបស់ខ្លួនដោយសូមជួយស៊ែរ (Share) រកមុខបុគ្គល ឌឹ ម សួនណាត ឲ្យចូលខ្លួនមកដោះស្រាយផងដែរ ។គេមិនទាន់ដឹងសាវតាជាតិលោកលោក ឌីម សួនណាតម្ចាស់ ក្រុមហ៊ុន Enaritaចេញពីប្រភណានោះនៅឡើយទេ!៕
