ខេត្តព្រះសីហនុ ៖ ពលរដ្ឋច្រើននាក់បាននាំគ្នាតវ៉ាដោយហឹង្សា រុះរើរបាំង(រោងកុងត្រូល)ដែលក្រុមហ៊ុនចិនដាក់បិទនៅតាមផ្លូវចូលទៅកាន់ឆ្នេរកោះសំពោចក្នុងឃុំរាមស្រុកព្រៃនប់ទីកន្លែងដែលក្រុមហ៊ុនចិនទទួលសិទ្ធិវិនិយោគនៅតំបន់កាលពីរសៀលថ្ងៃទី១៧កក្កដា២០១៩។
អាជ្ញាធរនិងសមត្ថកិច្ចចម្រុះបានចុះអន្តរាគមន៍និងទប់ស្កាត់ការពារមិនអោយមានអំពើហឹង្សាធ្ងន់ធ្ងរបន្ថែមទៀត ប៉ះពាល់ដល់ផ្លូវច្បាប់ និងបានបន្តការដោះស្រាយតាមនិតិវិធី។ក្នុងហេតុការណ៍នេះមានសេចក្តីរាយការណ៍ថា មានបុរសជនជាតិចិនម្នាក់បានរងរបួស។ឯពលរដ្ឋមួយចំនួនត្រូវបានសមត្ថកិច្ចឃាត់ខ្លួនជាបណ្តោះអាសន្នដើម្បីសាកសួរមកដល់ពេលនេះមិនទាន់ត្រុវបានដោះលែងវិញនៅឡើយ។
ប្រភពពីមន្ត្រីមូលដ្ឋានឃុំរាមស្រុកព្រៃនប់ប្រាប់ថា មូលហេតុពលរដ្ឋផ្ទុះការតវ៉ាឈានដល់រុះរើរបាំងកុងត្រូលនេះ ដោយសារតែគាត់ខឹងជាមួយខាងក្រុមហ៊ុនចិនដែលដាក់របាំងកុងត្រូលបង្កផលពិបាកដល់ពលរដ្ឋដែលមានលំនៅដ្ឋានប៉ែកខាងក្នុង ពេលចេញចូលផ្ទះម្តងៗ។ ចំពោះពលរដ្ឋពាក់ព័ន្ធចំនួន៤រូបដែលសមត្ថកិច្ចឃាត់ខ្លួនបណ្តោះអាសន្នក្រោយផ្ទុះហឹង្សានេះរួមមាន៖
១.ឈ្មោះ រឿង វិស័យ ភេទប្រុស អាយុ៤៤ឆ្នាំមុខរបរកម្មករសំណង់ មានទីលំនៅភូមិកណ្តាលទួល ឃុំដើមចារ ស្រុកកំពង់ត្រាច ខេត្តកំពត។២.ឈ្មោះ ហ៊ុយ យ៉េត ភេទប្រុស អាយុ២៥ឆ្នាំ មុខរបរជាងភ្លើង មានទីលំនៅភូមិថ្មធំ ឃុំរាម ស្រុកព្រៃនប់ ខេត្តព្រះសីហនុ។
៣.ឈ្មោះ កែវ សឹង ភេទប្រុស អាយុ៦៣ឆ្នាំ មុខរបរធ្វើស្រែ មានទំនៅភូមិថ្មធំ ឃុំរាម ស្រុកព្រៃនប់ ខេត្តព្រះសីហនុ ។៤.ឈ្មោះ ឈឹម គឹមយូន ភេទ ប្រុស អាយុ៣០ឆ្នាំមុខរបរលក់ដូរ មានទីលំនៅភូមិស្មាច់ដែង ឃុំរាម ស្រុកព្រៃនប់ ស្រុកព្រៃនប់ ខេត្តព្រះសីហនុ។
អាជ្ញាធរខេត្តព្រះសីហនុដឹកនាំដោយលោកគួចចំរើន អត់ទាន់ឮនិយាយថាម៉េចនៅឡើយទេមកដល់ពេលនេះ?តែប្រជាពលរដ្ឋបាននិងកំពុងស្វែងការអន្តរាគមន៍ដោះលែងគ្នាគាត់វិញ ៕
