បន្ទាយមានជ័យ ៖ ថ្មីៗនេះនៅបន្ទាយមានជ័យមានរឿងចម្លែកមួយប្លែកជាងខេត្តណាទាំងអស់ គឺមានទាំងលោកសង្ឃ ស្រលាញ់ស្រីមិនដូចបំណង ប៉ងសម្លាប់ ត្រូវសមត្ថកិច្ចចាប់ញាត់គុក។ កន្លងទៅអតីតព្រះចៅអធិការវត្តភ្នំបាក់ត្រូវខាងស្រីប្តឹងចោទករណីដេកស៊ីពោត ល្បីដល់ឋានព្រះឥន្ទត្រូវបានមន្ត្រីសង្ឃ បង្ខំអោយចាកសិក្ខាបទ ។
លុះក្រោយមកទៀតលេចរឿង ព្រះចៅអធិការវត្តទួលពង្រ ក្រុងប៉ោយប៉ែត លួចលាក់ទៅលេងល្បែងស្នេហាឆ្លងខេត្តជាមួយស្រីក្មេង នៅទឹកដីបុរីអង្គរខេត្តសៀមរាប រហូតមានកូនង៉ែតអាយុជិតមួយខួបទើបបែកក្រឡពាងប្រហុកត្រូវបានមន្ត្រីសង្ឃបណ្តេញចេញនិងបង្ខំអោយចាកសិក្ខបទជាបន្ទាន់នៅឯខេត្តពោធិសាត់ ។
លុះចំណេរក្រោយមកទៀត ស្រាប់តែលេចមានរឿងបែកធ្លាយ លើព្រះចៅអធិការវត្តពោធិសុវណ្ណសិលារាម(វត្តអណ្តូងថ្មមាស)ស្ថិតក្នុងសង្កាត់ផ្សារកណ្តាល ពាក់ពន្ធ័និងរូបថត ចូលផឹកស៊ីស្រីញីអូនបងក្នុងហាងខារ៉ាអូខេ និងដើរលេងសប្បាយជាមួយហ្វូងស្រីស្អាតនៅតាមបណ្តាខេត្ត ធ្វើអោយមជ្ឈដ្ឋានពលរដ្ឋបាត់ជំនឿលើព្រះពុទ្ធសាសនា ដែលចាត់ទុកជាសានារបស់រដ្ឋ។
អធិករណ៍អនាចារមួយនេះបានធ្វើក្រុមមន្ត្រីសង្ឃក្នុងខេត្តបន្ទាយមានជ័យ កោះប្រជុំហើយបានសម្រេចចេញសង្ឃប្រកាស់ជាផ្លូវការ មិនអនុញាតអោយ ព្រះចៅអធិការវត្តពោធិសុវណ្ណសិលារាម អណ្តូងថ្មមាសឈ្មោះតឿប៊ុន ធឿន មានសិទ្ធិបាននៅជាសង្ឃវិញនោះឡើយហើយ ថែមពីនេះសង្ឃប្រកាស់នោះក៏មិនអនុញាតអោយ បុគ្គលសង្ឃតឿប៊ុនធឿន មានសិទ្ធិរស់នៅក្នងទឹកដីខេត្តបន្ទាយមានជ័យ បានទៀតដែរ ។ ក្នុងករណីណាឈ្មោះតឿ ប៊ុនធឿន ចូលមកទឹកដីខេត្តខាងលើមន្ត្រីសង្ឃនឹងមានវិធានការតាមផ្លូវច្បាប់ជាក់ជាមិនខាន ។
តែ ផ្ទុយទៅវិញស្រាប់តែថ្មីៗនេះ បុគ្គលឈ្មោះ តឿ ប៊ុនធឿន បែរជាផ្គើននិងសង្ឃប្រកាសនោះ ហើយលួចលាក់ខ្លួនគង់នៅវត្តពោធិសុវណ្ណសិលារាម នេះអាដែល?! ចំណែកមន្ត្រីគ្រប់ឋានានុក្រមបែរជានាំគ្នាសម្ងំធ្វើមិនដឹងដូចអត់មានរឿងអីកើតឡើងទៅវិញ ។ ជាក់ស្តែងកាលពីម្សិលថ្ងៃទី១៥ព្រះមេគុណខេត្តខេត្តបន្ទាយមានជ័យ ព្រះអង្គបានមានព្រះសង្ឃថេរដីការថា បញ្ហាគឺព្រះអង្គមិនទាន់ដឹងនៅឡើយទេ ?។ព្រះអង្គថែមទាំងបង្ហើបបន្តថា បើបុគ្គលតឿប៊ុនធឿន មកគង់នៅវត្តដើមវិញគួរណាស់តែមាន ព្រះអនុគុណក្រុងប៉ោយប៉ែតផ្តល់ដំណឹងថ្វាយព្រះអង្គអោយដឹងដែរ បញ្ហាស្ងាត់ៗបែបនេះគឺមិនសូវស្រួលទេ។ ព្រះអង្គថាព្រះអង្គនឹងចាត់មន្ត្រីសង្ឃអោយធ្វើរឿងនេះនៅថ្ងៃស្អែក ។
ពាក់ពន្ធ័និងរូបថតបែកធ្លាយខាងលើ ថ្មីៗនេះបរិសទ្ធ័នៅខេត្តសៀមរាប ជាពិសេសអ្នកធ្វើការ ក្នុងហាងផឹកស៊ីដែលតែងតែបានឃើញវត្តិមាន បុគ្គលតឿ ប៊ុនធឿន និងញ៉ែមសឿន ជិះរថយន្ត ម្តងម៉ាកហៃឡិនឌ័រពណ៌ស និងម្តងជិះរថយន្តម៉ាកឡិចស៊ិស ៣៣០ និងម្តងជិះរថន្ត ឡិចស៊ិសស៤៧០ ទៅចូលផឹកស៊ីញឹកញ៉ាប់ រហូតបរិសទ្ធិទាំងនោះ ស្មានថា ក្រុមសង្ឃក្លែងក្លាយនោះ ជាពាណិជ្ជករ រកស៊ីជួញឈើទៀតផង ។
ប្រភពថា៖ ក្រុមសង្ឃដោះស្បង់ស្លៀកខោទាំងនោះបានទិញដីធ្លីនៅខេត្តសៀមរាបម្នាក់ៗ១ឡូតិឬ២ឡូតិថែមទៀត។ ប្រភពដដែលបានបង្ហើបថា ក្រុមសង្ឃខាងលើតែងចូលដល់ហាងពេលជិតព្រលប់ៗហើយពួកគេស្លៀកពាក់ហឺហារ និងពាក់មួកមិនដែលដោះនោះទេ។ អ្នកខ្លះស្មានថា ពួកគេជាជនមកពីក្រៅប្រទេសទៀតផង ?។
ចំណែកប្រជាពុទ្ធបរិសទ្ធ័នៅក្រុងប៉ោយប៉ែតបានលើកឡើងថា៖បើសង្ឃបួសហើយមានស្រីក្មេងបែបនេះ ពួកគាត់មិនអាចគោរពវន្ទាបានទេ ព្រោះចិត្តសទ្ធារបស់ពួកគាត់មិនជ្រះថ្លាឡើយ។ ពួកគាត់លើកឡើងទៀតថា៖សូម្បីតែឧបាសក់ ដែលមានងារជាអភិបាលខេត្តលួច មានស្រីក្រៅផ្ទះលាក់និងប្រពន្ធកូនហើយបានបែកធ្លាយរឿងអាសោចកេរ្តិ៍ ត្រូវបានសម្តេចតេជោហ៊ុនសែននាយករដ្ឋមន្ត្រី នៃព្រះរាជាណាចក្រកម្ពុជា ដកហូតទួនាទីបញ្ចប់តំណែងរហូតមកទល់សព្វថ្ងៃចុះហេតុអ្វីបានជា អ្នកបួសជាសង្ឃមានស្រីក្រៅក្នុងខុសវិន័យសង្សឃហើយនោះ មន្ត្រីសង្ឃខេត្តមិនព្រមអោយចាគសិក្ខាបទបែបនេះដូច្នេះ ? ៕
