ត្បូងឃ្មុំ ៖ មានករណីគ្រោះថ្នាក់ចរាចរណ៍ដ៏រន្ធត់មួយថ្មីទៀត បានកើតឡើងកាលពីព្រឹកថ្ងៃទី១៦ ខែកក្កដា ឆ្នាំ២០១៩ បង្កឡើងដោយរថយន្តស៊េរីទំនើបមួយគ្រឿងម៉ាករ៉ែងរ៉ូវឺ( Range Rover) ពណ៌ស ពាក់ស្លាកលេខ ភ្នំពេញ 2BG-7668 បុកគ្នាជាមួយម៉ូតូ Honda Dream ស្ថិតនៅលើផ្លូវជាតិលេខ៧ ភូមិពោធិ៍ស្រុក ឃុំកោងកាង ស្រុកពញាក្រែក ខេត្តត្បូងឃ្មុំ(មុខស្នងការដ្ឋានចាស់) បណ្ដាលធ្វើឲ្យក្មេងស្រីសិស្សសាលា ជាអ្នកបើកបរម៉ូតូម្នាក់បាន ស្លាប់បាត់បង់ជីវិត នៅពេលបញ្ចូនទៅដល់មន្ទីរពេទ្យ។
ក្រោយកើតហេតុ ម្ចាស់រថយន្ដ Range Rover បានរត់គេចខ្លួនបាត់ស្រមោលចោលរថយន្ដរបស់ខ្លួន នៅនឹងកន្លែងកើតហេតុ។ អាឡូវនេះតាមការស្រាវជ្រាវជាជំហ៊ានដំបូងតាមស្លាករថយន្តគឹបានដឹងពីអត្តសញ្ញាណម្ចាស់រថយន្តបង្កហើយ ។
រថយន្តសេរីទំនើបម៉ាក រ៉េងរ៉ូវើ (RANGE ROVER) ពណ៌ស ពាក់ស្លាកលេខ 2BG-7668 ផលិតឆ្នាំ២០១៤ ជាកម្មសិទ្ធិឈ្មោះ ឡី សំរ៉ស់ មានអាស័យដ្ឋាននៅខណ្ឌដង្កោ រាជធានីភ្នំពេញ។ សមត្ថកិច្ចកំពុងតែស្រាវជ្រាវរកម្ចាស់ដើម្បីយកមកដោះស្រាយតាមផ្លូវច្បាប់”ចាំមើលមើលល្ម៉េចវិញ?៕
