ភ្នំពេញ ៖ ឧកញ៉ាអ៊ឹងប៊ុនហូវគឺជាឧកញ៉ាម្នាក់ដេលរងគ្រោះផ្ទួនៗគ្នាពីការដកយកសិទ្ធវិនិយោគដែលទទួលបានពីរដ្ឋ។ថ្មីៗនេះតាមរយៈលិខិតជូនដុះណឹង(សជណ)របស់ទីស្តីការគណៈរដ្ឋមន្ត្រី ចុះហត្ថលេខាដោយលោកអ៊ុកសុខុនរដ្ឋលេខាធិការ បានសម្រេចមោឃភាពលើប័ណ្ណកម្មសិទ្ធិចំនួន៥ របស់ក្រុមហ៊ុន ING Holding ដែលក្រុមហ៊ុននេះកំពុងអភិវឌ្ឍន៍ នៅតំបន់បឹងជើង ផ្លូវ៦០ម៉ែត្រ ភាគខាងត្បូងរាជធានីភ្នំពេញ។
លិខិតដដែល បញ្ជាក់ពីមូលហេតុដកថា ដោយសារក្រុមហ៊ុនរបស់ឧកញ៉ាអ៊ឹងប៊ុនហូវមិនអនុវត្តការសម្រេចរបស់រាជរដ្ឋាភិបាលពាក់ព័ន្ធនឹងការស្ថាបនាហេដ្ឋារចនាសម្ព័ន្ធនៅក្នុងផ្ទៃបឹងជើងឯក ស្ថិតក្នុងខណ្ឌមានជ័យ និងខណ្ឌដង្កោ រាជធានីភ្នំពេញ និងក្រុងតាខ្មៅ ខេត្តកណ្តាល។
ការសម្រេចដកសិទ្ធនេះនឹងធ្វើឲ្យក្រុមហ៊ុន ING Holding ជួបវិបត្តិវណ្ឌកជាមិនខាន!ព្រោះដីបឹងទំហំជាង ២៥០០ហិកតានោះលោកឧកញ៉ាអ៊ឹងប៊ុនហូវកាត់លក់អស់ជាច្រើនហើយ!។សូមបញ្ជាក់ថាលោកឧកញ៉ាអ៊ឹងប៊ុនហូវអតីតរដ្ឋលេខាធិការក្រសួងសាធារណៈការនិងដឹកជញ្ជូនកាលពីអាណត្តិទី៤និងជាប្រធានក្រុងក្រុមហ៊ុអាហ្សឹត(AZ)ដែលទទួលបានសិទ្ធវិនិយោគថែទាំផ្លូវជាតិលេខ៤ត្រូវបានដកសិទ្ធវិញកាលពីរដ្ឋាភិបាលអាណត្តិទី៥។
សូមបញ្ជាក់ដែរថា៖ដីខាងលើត្រូវបានលោកឧកញ៉ាអ៊ឹងប៊ុនហូវកសាងក្រុងរណប ING City ដែលស្ថិតនៅតំបន់ភាគខាងត្បូងរាជធានីភ្នំពេញ ដែលក្នុងនោះមានផ្លូវសម្តេចតេជោ ហ៊ុន សែន ឬ ផ្លូវ ៦០ ម៉ែត្របណ្តោយប្រវែងជាង ៩គីឡូម៉ែត្រ ពុះកាត់ចំកណ្ដាល និងមានផ្លូវធំៗចំនួន ២ ទៀតដោយទី ១ ចេញពីផ្លូវជាតិលេខ ២ ឆ្ពោះទៅកាន់ផ្លូវលេខ ២៧១ និង ១ ខ្សែទៀតចេញពីម្តុំរង្វង់មូលមុខសាលាខេត្តកណ្តាល ឆ្ពោះទៅកាន់ផ្លូវលេខ ៣៧១ ដែរនោះកំពុងមានការវិវឌ្ឍទៅមុខយ៉ាងឆាប់រហ័ស ។
បច្ចុប្បន្នគេឃើញមានគម្រោងជាច្រើនកំពុងចាប់ផ្តើមដំណើរការសាងសង់នៅទីនោះដែលមានដូចជា មជ្ឈមណ្ឌលពាណិជ្ជកម្មរបស់ក្រុមហ៊ុន R&F Property ដែលកំពុងបើកការដ្ឋានសាងសង់ក្នុងតម្លៃទឹកប្រាក់ចំនួន ៧០០ លានដុល្លារ គម្រោងបុរី Woodland បុរីប៉េងហួតដែលកាលពីពេលថ្មីៗនេះ បានសម្ពោធបុកគ្រឹះសាងសង់គម្រោងផ្សារទំនើបថ្មីមួយរបស់ខ្លួនឈ្មោះ PH Diamond Place ដែលមានទុនវិនិយោគចំនួន ៦០ លានដុល្លារអាមេរិកនៅលើផ្ទៃដីជិត ៦ ហិកតា ជាដើម។ ទីនោះនាពេលនេះក៏មានស្ថាប័នធំៗមួយចំនួនកំពុងតាំងនៅរួចទៅហើយ ដូចជាសាលាអន្តរជាតិ ISPP និងសាលតាំងបង្ហាញរថយន្តម៉ាកមែសឺដេសជាដើម។
លោក ជា សុផារ៉ា រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់បានលើកឡើងថា ING City គឺជាតំបន់ដែលមានសក្ដានុពលខ្លាំងសម្រាប់ការអភិវឌ្ឍលំនៅឋាន និងអគារពាណិជ្ជកម្មចម្រុះដើម្បីពង្រីកកំណើនសេដ្ឋកិច្ចសង្គមទៅថ្ងៃអនាគត៖ «ទោះយ៉ាងណាការលូតលាស់នៃការអភិវឌ្ឍក្នុងតំបន់នេះហាក់នៅមានកម្រិតនៅឡើយ ខណៈដែលគម្រោងភាគច្រើនមានតែក្នុងគំនូររូបភាពតែមិនទាន់ឃើញសាងសង់ចេញជារូបរាងនៅឡើយនោះទេ»។
លោក ជា សុផារ៉ា បានបន្តថាតំបន់នេះគឺជាតំបន់ដែលលោកឧកញ៉ា អ៊ឹង ប៊ុនហ៊ូវ ជាអ្នករៀបចំការអភិវឌ្ឍហើយការអភិវឌ្ឍដែលលេចជាដុំកំភួននោះ គឺផ្លូវ ៦០ ម៉ែត្រហើយការអភិវឌ្ឍផ្លូវនេះទៀតសោតគឺធ្វើឡើងលក្ខណៈបដិភាគ មានន័យថាអភិវឌ្ឍឆ្លងកាត់ដីនរណា បដិភាគកន្លែងហ្នឹង ហើយការអភិវឌ្ឍនេះគឺធ្វើឡើងតាំងពីជំនាន់លោកអភិបាលរាជធានីភ្នំពេញ ប៉ា សុជាតិវង្ស មកម្ល៉េះ ដោយមានការពិភាក្សាគ្នារវាងខេត្តកណ្ដាល និងរាជធានីភ្នំពេញ។តែអាឡូវចប់ហើយ?!។
មានការនិយាយលេងសើចថាការឈានដល់ដំណាក់កាលចឹងគឺមកពីលោកឧកញ៉ាអ៊ឹងប៊ុនហូវខុសគ្រូហើយដើរជាន់ពែរកាលពីអាណត្តិទី៥?!៕