ព្រឹកថ្ងៃទី០២ កក្ដដា ឆ្នាំ២០១៦ ក្រុមការងារចុះពង្រឹងមូលដ្ឋាន ឃុំអន្លងវិល និងឃុំរការ ស្រុកសង្កែ ខេត្តបាត់ដំបង បានរូចរួមក្នុងកម្មវិធីដាំកូនឈើ ក្រោមអធិបតីភាពរបស់សម្តេច ក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ នៅភូមិស្រះកែវ (អូរសណ្ដាស់) ឃុំកំពង់ព្រះ ស្រុកសង្កែ ខេត្តបាត់ដំបង។
ក្នុងពិធីនេះ មានការចូលរួមពីឯកឧត្តមចាន់ សុផល អភិបាលខេត្តបាត់ដំបង មេបញ្ជាការកងរាជអាវុធហត្ថខេត្ត លោកស្នងការនគរបាលខេត្ត មន្ត្រីរាជការគ្រប់អង្គភាព និងប្រជាពលរដ្ឋ រាប់រយនាក់ក៏បានចូលរួមដាំកូនឈើនេះផងដែរ។
តាមកាអះអាងរបស់ឧត្តមសេនីយ៍ សូ ចន្ថា អនុប្រធាននាយកដ្ឋាននគរបាលចរាចរណ៍ និងសណ្ដាប់ធ្នាបសាធារណៈបានថ្លែងថា ដោយបានការទទួលការណែនាំពីសំណាក់ ឧត្តមសេនីយ៍ រុន រ័ត្នវាសនា លោកឧត្តមសេនីយ៍ទោ ទា ឡុង អមដំណើរដោយលោកវរសេនីយ៍ឯក ស៊ុយ វុឌ្ឍី និងលោកឧត្តមសេនីយ៍ សូ ចន្ថា ផ្ទាល់ ព្រមទាំងសហការីក៏បានចូលរួមកម្មវិធីនេះដែរ។
លោក ឧត្តមសេនីយ៍ សូ ចន្ថា បានឲ្យដឹងថា កូនឈើរាប់ពាន់ដើមដែលត្រូវបានដាំ គឺដាំនៅលើខ្នងទំនប់ ប្រឡាយទឹក ការដ្ឋានចិនប្រវែងប្រមាណជា៧២០០ម ចាប់ពីថ្នលជាតិលេខ៥ ឆ្ពោះទៅភូមិតាត្រៃ ជាប់បឹងទន្លេសាប។
គូរបញ្ជាក់ផងដែរថា ជារៀងរាល់ចុងសប្ដាហ៍ ក្រុមការងារចុះពង្រឹងមូលដ្ឋាន របស់ឧត្តមសេនីយ៍ឯក រុន រ័ត្នវាសនា តែងតែចុះជាប្រចាំ ក្នុងការចុះជួយឃុំរការ និងឃុំអន្លង់វិល ដើម្បីបង្កើនភាពជិតស្និទ្ធរវាងអាជ្ញាធរ និងប្រជាពលរដ្ឋលើការបម្រើរាស្ត្រឲ្យអស់ពីចិត្តពីថ្លើម៕
