ភ្នំពេញ ៖អគ្គស្នងការនគរបាលជាតិនិងស្ថានទូអាមេរិកនៅថ្ងៃទី៩ កក្កដានេះ ចុះហត្ថលេខាលើអនុស្សរណៈ នៃការយោគយល់គ្នា ប្រយោជន៍ពង្រឹងកិច្ចការ សន្តិសុខ ស្ថានទូតអាមេរិក ប្រចាំកម្ពុជា។
អនុស្សារណៈនេះចុះហត្ថលេខាដោយនាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ និងលោក Timithy Pittman ប្រធានសន្តិសុខប្រចាំ តំបន់ របស់ស្ថានទូតអាមេរិក ។នេះបើតាមគេហទំព័រផ្លូវការ របស់នគរបាលជាតិកម្ពុជា។
លោកនាយឧត្តមសេនីយ៍ សន្តិបណ្ឌិត នេត សាវឿន ត្រូវបានដកស្រង់សម្តីថា “រំលឹកអំពីកិច្ចសហប្រតិបត្តិការល្អរវាងនគរបាលជាតិកម្ពុជា និងស្ថានបេសកកម្មការទូតសហរដ្ឋអាមេរិកប្រចាំកម្ពុជា ទាំងមុននិងក្រោយការចុះអនុស្សរណៈកន្លងមក” ។
លោកនេត សាវឿន ត្រូវបានដកស្រង់សម្តីបន្ថែមថា “ជម្រុញរកកិច្ចសហប្រតិបត្តិការល្អរវាងគ្នានេះ ជាបន្តថែមទៀត ជាពិសេសការផ្តល់ព័ត៌មាន រវាងគ្នាតាមរយៈ Hotline ពាក់ព័ន្ធរាល់ចំណុចសង្ស័យនានា ឬព័ត៌មានផ្សេងៗដែលបំរើផលប្រយោជន៍ នៃកិច្ចការពារសន្តិសុខ” ជាការកត់សម្គាល់ មិនថាស្ថានទូតអាមេរិកនោះទេ បណ្តាស្ថានទូតបរទេសទាំងឡាយ បូករួមទាំងនិវេសនដ្ឋានទូតទាំងអស់នៅកម្ពុជា ត្រូវបានការពារសន្តិសុខយ៉ាងល្អ និងធានានូវសុវត្ថិភាព ក្នុងពេលបំពេញភារកិច្ចផងដែរ។
មានការកត់សម្គាលថាការចុះហត្ថលេខាបានធ្វើឡើងនៅពេលដែលឯកអគ្គរដ្ឋទូថ្មីសហរដ្ឋអាមេរិកប្រចាំកម្ពុជានឹងមកដល់កម្ពុជាក្នុងអំឡុងខែសីហាខាងមុខនេះ។ តែយ៉ាងណា ផែនការនេះអាចនឹងរាំងខ្ទប់មិនឲ្យមានការរត់ចូលស្ថានទូតដើម្បីគេចខ្លួនពីអ្នកនយោបាយណាមួយផងដែរ៕
