សៀមរាប ៖ កាលពីព្រឺកម៉ោង៩ថ្ងៃទី៥ខែកក្កដា ២០១៩នៅចំណុចស្ពានពោធិ ភូមិព្រៃជ្រូកឃុំព្រៃជ្រូក ស្រុកពួកខេត្តសៀមរាបមានករណីគ្រោះថ្នាក់ចរាចរឡានក្រុងបើកបុកឡានកែច្នៃរហូតធ្លាក់ម៉ាស៊ីនធ្វើឲ្យមនុស្សបីនាក់រងរបួស។
តាមអ្នកឃើញហេតុការណ៍និយាយថាឡានច្នៃដឹកទឹកកក នេះ បើកពីទិសខាងកើតទៅទិសខាងលិច ចំណែកឡានក្រុងក្រុមហ៊ុនអូឡាំពិកពាក់ស្លាកលេខ ភ្នំពេញ 3E ៤៣៤១បានមក បុកឡានច្នៃពីក្រោយ មួយទំហ៊ឹង បណ្ដាលឲ្យឡានច្នៃដឹកទឹកកក មូយក្រឡាប់ពីបីត្រឡប់ ចូលក្នុងស្រែចំង៉ាយពីផ្លូវជិត១០ម៉ែត្រ ដាច់ម៉ាស៊ីនខ្ទៀតចេញពីទួឡាន ទឹកកកនិងសំបកឡាន ដាច់រប៉ាតរប៉ាយ ។ ចំណែកឡានក្រុងគ្រាន់តែខ្ទេចអស់ខាងមុខមួយចំហៀង ។ មនុស្សជិះក្នុងឡានក្រុងមិនមានរបួសនោះទេ មិនយូប៉ុន្មាន បានហៅឡានមកសាង ។
ចំណែងប៉ូលិសប្រាប់ថា មានមនុស្សរបួសធ្ងន់ បីនាក់។ ឯអ្នកឃើញហេតុការណ៍ថា អ្នករបួសមើលទៅដូចជាមិនរស់ទេ!។ អ្នកស្រុកប្រាប់ថា ឡានក្រុងបំណង ឡើងវ៉ាឡានទឹកកក តែចៃដន្យមានឡានមកពីមុខ ក៏សុខចិត្តបុកឡានទឹកកក វិញទៅ ។
លោក ធឿន ថៅកែឡានដឹកទឹកកក ផ្ទះនៅស្រុកពួកប្រាប់ថា កម្មករពីរនាក់ ទីមួយអាយុជាង២០ឆ្នាំ ទីពីអាយុជាង៣០ឆ្នាំ ភេទប្រុសទាំងពីរ។ ចំណែក្មេងប្រុសម្នាក់កូនអ្នកភូមិនៅជិតហ្នឹង ឡើងជិះឡានមកជាមួយ លោកមិនដឹងថាអ្នករងគ្រោះ យ៉ាងណានោះទេ ពីព្រោះអីឡានពេទ្យ ដឹកយកទៅសង្គ្រោះមកមិនទាន់ ។
