ខេត្តព្រះវិហារ ៖ រយៈពេលចុងក្រោយព្រៃឈើនៅប្រទេសកម្ពុជា បាត់បង់ជិតអស់ស្ទើរគ្រប់ទីកន្លែងទូទាំងខេត្តក្នុងព្រះរាជាណាចក្រកម្ពុជាទៅហើយ នោះក្រសួងកសិកម្មរុក្ខាប្រមាញ់ និងនេសាទ ព្រមទាំងស្ថាប័នជំនាញពាក់ព័ន្ធជាចផ្សេងទៀត នៅតាមខេត្តមួយចំនួន បានចេញសេចក្ដីប្រកាសដាក់ពិដាមានសរសេរពាក្យស្លោកដាក់នៅតាមដងផ្លូវជុំវិញភូមិ ឃុំ ស្រុក ខណ្ឌ័ ខេត្ត ក្រុងគ្រប់ទីកន្លែង ក្នុងគោលបំណងពង្រឹង និងទប់ស្កាត់ការទន្ទ្រានព្រៃឈើអោយពលរដ្ឋទូទៅបានយល់ដឹងពីខ្លឹមសារ សារៈប្រយោជន៍ និងគុណតំលៃនៃព្រៃឈើធម្មជាតិ ធ្វើយ៉ាងណាអោយប្រជាពលរដ្ឋទាំងអស់ចេះជួយថែរក្សាការពារអោយព្រៃឈើឱ្យបាននៅគង់វង្សសំរាបសត្វព្រៃរស់នៅ និងការពារកុំឱ្យកើតមាននូវគ្រោះធម្មជាតិផ្សេងៗកើតឡើងជាយថាហេតុក្នុងតំបន់ដែលខ្លួនរស់នៅ។
ដោយឡែក បែរជាលោកមេបញ្ជាការរងវរៈសេនីយ៍ឯក ខាងលើទៅជាអ្នកកំពុងប្រព្រឹត្តបទល្មើសផ្ទុយពីសេចក្តីនែនាំរបស់ក្រសួង និងហ៊ានចេញលិខិតអនុញ្ញាតអោយបុគ្គលពាក់ឯកសណ្ឋានជាទាហាន បានបង្ហាញលិខិតនេះចេញមកអោយអ្នកកាសែតបានដឹងយ៉ាងចំហរ និងបាននិយាយថា រូបលោកដឹកឈើមួយរដូវប្រាំងហើយ គ្មាននរណាម្នាក់ហ៊ានកាក់សួរនាំពីការដឹកជញ្ជូនឈើពីរូបលោកឡើយទៅវិញ។
ជាក់ស្ដែងនៅថ្ងៃទី២៦ ខែកក្កដា ឆ្នាំ២០១៦កន្លងថ្មីៗនេះ និងនៅថ្ងៃបន្ដបន្ទាប់បុគ្គល ដែលមានរូបភាពនេះបានកំពុងបន្ដដឹកឈើចេញពីព្រៃរការតែមិនត្រូវបានមន្ដ្រីពាក់ព័ន្ធនៅទីនោះអើពើឡើយគ្រាន់តែបង្ហើបអោយដឹងខ្លះៗថាគេមានច្បាប់ដឹក។ លិខិតនោះចេញពីមេញ្ជាការរង សំ ស៊ីថុល ប្រចាំខេត្តព្រះវិហារ ហើយក៏គ្មានមន្ត្រីណាហ៊ានសួរនាំអ្វីនោះទេតាំងពីដឹងដំណឹងនោះ។
ចំណែកឯអ្នកភូមិ បានបង្ហើបឱ្យបញ្ញវន្តខ្មែរដឹងថា នៅទីនោះឈ្មួញកណ្ដាលដែលគេតែងតែហៅថា ចែនីជាអ្នករកទិញឈើពីអ្នកភូមិពោធ៌៍ ភូមិប្រមេរុ ភូមិគោគកាមែន ភូមិកំពតស្ថិត ក្នុងស្រុកត្បែងមានជ័យ ខេត្តព្រះវិហារយ៉ាងគគ្រឹកគក្រែង ដោយសាអាងខ្នងមានប្ដីធ្វើអធិការរងក្រុងខេត្តព្រះវិហារ ដែលមានឈ្មោះខៀវ ព្រោះតែបែបនេះហើយបានធ្វើការរកស៊ីដឹកជញ្ជូនឈើទាំងយប់ទាំងថ្ងៃ និងមានអាជ្ញាធរនៅទីនោះរកស៊ីបទល្មើសបំផ្លាញព្រៃឈើផងដែរ។
សូមបញ្ជាក់ផងដែរថា ឈើទាំងនោះគឺបានមកពីការកាប់ អារ ត្រូវបានដឹកជញ្ជូនចេញពីព្រៃរការ ជាព្រៃដែលជនជាតិភាគតិចតែងរក្សានិងគោរពអប៉ិយជំនឿខាងសាសនារបស់អ្នកភូមិពោធ៌៍ប្រមេរុ ឥឡូវត្រូវបានឈ្មួញរកស៊ីឈើសហការជាមួយអាជ្ញាធរនៅទីនោះធ្វើការកាប់ អារដឹកជញ្ជូនចេញពីព្រៃរការទាំងយប់ទាំងថ្ងៃជិតអស់ហើយ។
អ្នកភូមិជនជាតិភាគតិចតែងលើកឡើងថាអ្នកភូមិកំណើតរស់នៅទីនេះមិនសូវហ៊ានកាប់ អារឈើនៅព្រៃរការនោះទេដោយយល់ថាមានអារុកអារាក់រក្សាក្រុមគ្រួសារពួកគាត់។ ភាគច្រើនមានតែមនុស្សដែលមកពីខេត្តផ្សេងៗមកស្នាក់នៅដើម្បីចូលទៅកាប់ អារឈើរួចដឹកចេញមកលក់អោយឈ្មួញហើយឈ្មួញទាំងនោះរងចាំទិញពីអ្នកចូលទៅកាប់ អារតែម្ដងឬដឹកទៅលក់ដោយដោយខ្លួនឯង។
ឈ្មួញត្រូវចាំទិញឈើមានឈ្មោះ ចាប ហៅវែនតា ឬហៅឈ្មោះមួយថ្មីទៀតថាបុរសកោសក់តែមិនកោចិត្តក្នុងមួយយប់ដឹក៤ ៥រថយន្តសាំយ៉ង់ដែលប្រមូលពីអ្នកទៅកាប់ អារពីក្នុងព្រៃរការយកមកលក់អោយឈ្មួញឈ្មោះចាបហៅវែងតាដឹកពីស្រុកត្បែងមានជ័យយកទៅសាងឬដាក់លក់នៅព្រំប្រទល់ខេត្តសៀមរាបនៅម្ដុំភូមិអូរប្រាំព្យាម អង្តែន១៦ចំងាយពីព្រំប្រទល់ខេត្តព្រះវិហារ១គីឡូត៌៍កន្លះស្ថិតក្នុងស្រុកស្វាយលើខេត្តសៀមរាប។
បើនិយាយពីសមត្ថកិច្ចនៅទីនោះវិញកំពុងរកស៊ីដោយលួចលាក់និងកាងឈើពីក្រុមអ្នកដឹកដោយបង្គាប់ថាដឹកអោយសមត្ថកិច្ចសុំមិនបញ្ចេញឈ្មោះ។ចំណែកអ្នកកាសែតដែលបានឆ្លងកាត់ខេត្តព្រះវិហារវិញនោះសមត្ថកិច្ចនៅប្រចាំទីនោះចាត់ទុកថាមកដាក់កុងត្រូលជជុះតាមដងផ្លូវទៅវិញនិងចេញបញ្ជាអោយសមត្ថកិច្ចថ្នាក់ស្រុក ថ្នាក់ខេត្តមកសួរនាំពីហេតុផលផ្សេងៗថាជារឿងមិល្អនិងបង្គាប់អោយចេញពីដែនរបស់ខ្លួនគ្រប់គ្រង។
ទាក់ទិនពីបញ្ហានេះដែរមានបុរសភ្លេចកំនើតមួយក្ដាប់តូចនៅក្នុងខេត្តព្រះវិហារបានជួយជ្រោមជ្រែងបទល្មើសក្នុងខេត្តឬអាចថាបានមានចំណែកទទួលលាភសក្ការៈពីឈ្មួញទាំងនោះរួចជាស្រាច់ហើយដែរ ក៏បានសហការជាមួយសមត្ថកិច្ចដើម្បីបំភ័យដល់អ្នកកាសែតដែលបានឆ្លងកាត់ហើយនិយាយថាមិនគួរមកទីនេះទេ។
មានពត៌មានអ្វីបន្ថែមពីករណីខាងលើអ្នកយកពត៌មានយើង នឹងយកមកជំរាបជូនសាធារណៈជនឱ្យបានដឹងបន្ត សូមរង់ចាំមើលការផ្សាយនៅលេខក្រោយៗទៀត៕