បន្ទាយមានជ័យ ៖ ពលរដ្ឋនៅក្នងភូមិគោរដ្ឋានសង្កាត់អូរអំបិលក្រុងសិរីសោភណ័បានសម្តែងក្តីកង្វល់ចំពោះភូមិឃុំមានសុវត្ថិភាពរបស់ពួកគាត់យ៉ាងខ្លាំងព្រោះថាកាលពីវេលាម៉ោង១០ថ្ងៃទី០ខែកក្កដា២០១៩គេឮសូស្នូគ្រាប់កាំភ្លើង៦គ្រាប់បាញ់ចេញលាន់ឮពេញផ្ទៃមូលដ្ឋាន បង្កអោយភិតភ័យទាំងកណ្តាលយប់តែសមត្តកិច្ចឃ្សុយរកមុខអាអ្នកបាញ់មិនឃើញ ។
អ្នកភូមិថាសម្លេងគ្រាប់ដែលពួកគាត់បានឭនោះគឺចំនួន០៦គ្រាប់ នៅមុខផ្ទះមេបញ្ជាការរងកងរាជអាវុធហត្ថខេត្តបន្ទាយមានជ័យតែម្តងហេតុអីថារកមិនឃើញ?។ ពួកនិយាយឌឺថាបើសមត្ថកិច្ចមានចេតនាចង់រកអោយឃើញនូវមុខសញ្ញានៃខ្មាន់កាំភ្លើងនោះមិនជាពិបាកទេ ព្រោះថាបាញ់នៅផ្ទះពួកលោកធំនោះសុទ្ធសឹងតែមានកាម៉េរ៉ាសុវត្ថភាពទំនើបៗដែលបំពាក់នៅតាមមុខផ្ទះឬរបងផ្ទះតើ? ។
អ្នកភូមិនៅន្លែងកើតហេតុបានអោយដឹងបន្ថែមមកថា ផ្ទះដែលមានការផ្ទុះអាវុធនោះគឺជាភូមិគ្រឹះរបស់លោកមេបញ្ជាការរងកងរាជ អាវុធហត្ថខេត្តបន្ទាយមានជ័យ ទទួលបន្ទុកប្រឆាំងនិងបង្ក្រាបគ្រឿងញៀនលោកវរសេនីយ៍ឯក ស ប៊ុនសឿង ។
តាមប្រជាពលរដ្ឋអោយដឹងថា៖ក្រោយកើតហេតុគឺទាល់តែ ព្រឹកឡើងម៉ោង៨ថ្ងៃទី៣ខែកក្កដា តើគេឃើញមានកម្លាំងប៉ូលិសព្រហ្មទណ្ឌនៃស្នងការដ្ឋានខេត្តបន្ទាយមានជ័យដឹកនាំដោយលោកខៀវសឹង្ហបានចុះទៅស្រង់ទិន្ន័យនៅកន្លែងកើតហេតុខាងលើដែរតែ ត្រូវបានកម្លាំងអាវុធហត្ថមួយក្រុមរួមទាំងលោកយ៉ាន់ សុវណ្ណ ផងមករារាំងមិនឲ្យស្រាវជ្រាវក៏កើតជាបញ្ហាប្រឈមមុខដាក់គ្នា។ប្រការនេះធ្វើអោយមជ្ឈដ្ឋានពលរដ្ឋកើតក្តីងឿងឆ្ងល់ និងសង្ស័យថា សមត្ថកិច្ចមិនចេះធ្វើការដើម្បីរួមគ្នាតាមចាប់ជនល្មើសដែលប្រើប្រាស់អាវុធបាញ់បោះសេរីអណាធិបតេយ្យនៅចំមុខផ្ទះមេប្រដាប់អាវុធនោះទៀតផង ។
លោកខៀវ សឹង្ហ បានបំភ្លឺប្រាប់អ្នកសារព័ត៌មានថា នៅពេលលោកកំពុងដឹកនាំកម្លាំង ចុះស្រាវជ្រាវ នៅកន្លែងកើតហេតុ ស្រាប់តែលោកយ៉ាន់ សុវណ្ណ មករារាំង មិនអោយសមត្ថកិច្ចគាត់ ធ្វើការស្រាវជ្រាវ នៅមុខផ្ទះលោក សប៊ុនសឿង មេរងអាវុធហត្ថខេត្តបន្ទាយមានជ័យនោះទេ រហូតមានការតឹងសសៃក ស្ទើរតែឈានដល់ការប្រើកំលាំងបាយដាក់គ្នា ភ្ញាក់ផ្អើលដល់ប្រជាពលរដ្ឋនៅក្បែរតំបន់នោះ។
សេចក្តីរាយការណ៏បានអោយដឹងថា ក្រោយពីមានការសម្របសម្រួលគ្នាកម្លាំងប៉ូលិសនៃស្នងការខេត្ត បានរកឃើញសំបកគ្រាប់ចំនួន៣គ្រាប់ជាប្រភេទអាវុធធុនខ្លីសេរីទំនើប ។វត្ថុតាងដែលកម្លាំងប៉ូលិសចាប់យកនោះអាចនឹងកំណត់បានមុខសញ្ញាបានយ៉ាងច្បាស់ ប៉ុន្តែបញ្ហាត្រង់ថា តើគេរកឬមិនរកតែប៉ុណ្ណោះវាស្រេចលើការេសម្រេចរបស់មេគណៈបញ្ជាការឯកភាពខេត្តគឺលោកអ៊ុំរាត្រីដែលជាចៅហ្វាយខេត្ត ។
ទោះជាយ៉ាងនេះក្តី ពលរដ្ឋនៅតែជឿជាក់ថា ចំពោះប្រសាសន៍ របស់សម្តេចតេជោ ហ៊ុនសែនថា មិនមែនជារឿងត្រូវលេងសើចនោះទេ គឺម៉ាត់ណាម៉ាត់នឹង ព្រោះថាកន្លងទៅ ក្មួយប្រុសរបស់សម្ដេច គឺលោកឧត្តមសេនីយ៏ហ៊ុនជា ដែលល្បីជើងខ្លាំងបាញ់បោះនោះក៏ត្រូវបានសំណាញ់ច្បាប់នៃកម្ពុជា អាចទាញអោយទទួលទោសទណ្ឌបាន។ ចុះគ្រាន់រឿងខ្មាន់កាំភ្លើងថ្លើមធំនៅខេត្តបន្ទាយមានជ័យ រឿងអីដែលថាសមត្ថកិច្ចលោកពិបាកវេចខ្ចប់នោះគួតែ មិនអាចទៅរួចទេ ព្រោះវាជាច្បាប់ ? ។
គេនៅចាំបានថានៅក្នុងកិច្ចប្រជុំពេញអង្គគណរដ្ឋមន្ត្រីកាលពីពេលថ្មីៗកន្លងនេះសម្តេចតេជហ៊ុនសែននាយករដ្ឋមន្ត្រីបានប្រកាសថាអ្នកណាបាញ់បោះសេរីត្រូវតែចាប់ដាក់គុកដេញចោលពីតួនាទី!។
