បាត់ដំបង ៖ បើយោងតាមសំដី របស់បងប្អូនអ្នកបើកបរម៉ូតូម្នាក់ បានប្រាប់អ្នកសារព័ត៌មានថា៖ក្រុមមន្ត្រីគយនិង ប៉េអឹមដែលនៅប្រចាំការផ្លូវជាតិលេខ៥ ដាក់ទីតាំងឈរជើងនៅផ្តុំភូមិអូរតាគីក្នុងខេត្តបាត់ដំបង បានបើកឡានប្រដេញកៀទំលាក់ផ្លូវ ដោយសង្ស័យថាម៉ូតូគេចពន្ធដែលធ្វើអោយអ្នកបើកម៉ូតូ ដួលធ្លាក់ពីលើផ្លូវជាតិ រងរបួសជាច្រើនកន្លែងនិងប្រេះឆ្អឹងជំនីហើយគេចបាត់។
ហេតុការណ៍នេះ បានកើតឡើងឡើងកាលពីថ្ងៃទី២៣ខែមិថុនា ឆ្នាំ២០១៩ នៅម្តុំភូមិអូរតាគីខេត្តបាត់ដំបង វេលាម៉ោង១និង៤០នាទីថ្ងៃត្រង់តែសមត្តកិច្ចព្យាយាមលាកបាំងនិងគេចវេសមិនទទួលខុសត្រូវ។ជនរងគ្រោះរស់នៅថ្មគោល ខេត្តបាត់ដំបង។ ដោយថ្ងៃនោះជនរងគ្រោះបានជិះម៉ូតូទៅលេងក្នុងខេត្តបាត់ដំបង។ ស្រាប់តែទៅដល់កន្លែងកើតហេតុខាងលើ មានឡានម៉ាក់ហាយឡិនឌើពណ៍ស របស់គយនិងប៉េអិម ដែលប្រចាំនៅម្តុំភូមិអូរតាគីចំនួន២គ្រឿង បានដេញកៀងនិងបុកម៉ូតូរហូតដួលធ្លាក់ពីលើម៉ូតូ ធ្វើអោយអ្នកជិះម៉ូតូសន្លប់បាត់ស្មារតី មានរបួសជាច្រើនកន្លែង ខ្ទាំក្នុងប្រេះឆ្អឹងជំនី និងខូចម៉ូតូយ៉ាងដំណំ។
ប្រជាពលរដ្ឋនៅតំបន់នោះ បាននិយាយថាបន្ទប់ពីឃើញប្អូនដួលសន្លប់ ឡានក្រុមមន្ត្រីគយ មិនបានជួយលើកជនរងគ្រោះអ្វីទេ ដោយគ្រាន់តែឃើញពួកគាត់ក៏ បើកឡានរត់គេចបាត់អស់។
ជនរងគ្រោះបន្តថា ខ្លួនកុំតែបានពលរដ្ឋនៅកន្លែងនោះ ជួយលើកជួយសង្គ្រោះមិនដឹងជាយ៉ាងណានោះទេ?។បន្ទាប់ពីបានដឹងខ្លួនទើបប្អូនទៅអោយពេទ្យព្យាល។ដោយថ្លៃព្យាបាលអស់ប្រមាណជាង៥០០ដុល្លារអាមេរិក និងថ្លៃធ្វើម៉ូតូអស់ជាង១០០០ដុល្លារអាមេរិក ។(ម៉ូតូម៉ាកPCX)
លោកវុធ មេគយចល័យ គ្រប់គ្រងផ្លូវជាតិលេខ៥ មិនអាចសុំធ្វើការស្រាយបំភ្លឺករណីខាងលើ នេះបានទេ ដោយទូរស័ព្ទមិនអាចទំនាក់ទំនងបាន ។ លោកដែនមន្ត្រីគយប្រចាំនៅហុងឡុង(អូរតាគី)បានបំភ្លឺថារឿងដោយមិនទទួលខុសត្រូវពីភាពគ្មានសីលធម៍និងច្បាប់ថា៖លោកមិនបាននៅកន្លែងកើតហេតុទេ ហើយលោកអត់បានដឹងដែរ ខាងស្ថាប័នគយ គេមានកូនឡានសម្រាប់ឃាត់និងដេញបទល្មើស ចឹងហើយ តែមិនមែនដេញបុកនោះទេ ប្រសិនបើមានគួរតែឈប់អោយ គេត្រួតពិនិត្យត្រឹមត្រូវ ។
អ្នករិះគន់បាននិយាយថា ករណីខាងលើគឺជាបទល្មើសព្រហ្មទណ្ឌ ពិតហើយកើតជាមានញឹកញយណាស់ សម្រាប់ក្រុមមន្ត្រីគយនិងសមត្ថកិច្ច ដែលតែងតែប្រព្រឹត្តដូចករណីខាងលើ មកលើអ្នករកស៊ីតូចតាចគ្មានខ្នងបង្អែក ។គួរតែមានវិធីណា ដែលល្អជាងនេះហើយ ជៀសវាង ការគ្រោះថ្នាក់ដូចនេះ មិនគួរណាធ្វើដូចដេញចាប់សម្លាប់ចោរប្លន់អញ្ចឹងទេ៕
