ខេត្តព្រះសីហនុ ៖ ភ្លៀងធ្លាក់មួយមេធំបានធ្លាក់ចុះចាប់ពីយប់ថ្ងៃទី២កក្កដារហូតមកដល់ជិតថ្ងៃត្រង់ថ្ងៃ៣កក្កដាធ្វើអោយតំបន់ទំនាបមួយចំនួននៅតាមផ្លូវឯករាជ្យ និងភូមិដ្ឋានពលរដ្ឋខ្លះទៀត ក្នុងក្រុងព្រះសីហនុមានទឹកជំនន់ជន់លិច។
មន្ត្រីផ្នែកប្រពន្ធ័លូ ទឹកក្រុងសីហនុថា៖ករណីជំនន់ទឹកភ្លៀងជន់លិចពេលមានភ្លៀងខ្លាំងបែបនេះ មិនមែនជាលើកទី១ទេ។មូលហេតុគឺ ដោយសារតែទំហំអូរឬប្រឡាយរំដោះទឹកនានាបានរួមតូច ដោយសារការសាងសង់ផ្ទះឬសំណង់ផ្សេងៗលើដីចំណីអូរ មិនមានច្បាប់អនុញ្ញាត ។សំណង់ខ្លះទៀតសាងសង់គ្មានប្រពន្ធ័លូក្រោមដីដោយចាក់ដីលុបបិទផ្លូវទឹកហូរក្នុងនោះក៏មានសំរាមរសាត់អណ្តែតបិទមាត់លូខ្លះថែមទៀតផង ទើបធ្វើអោយចរន្តទឹកហូរមិនទាន់ នាំអោយមានការជន់លិចចឹងទៅ។
មន្ត្រីនោះនិយាយការពារថារដ្ឋបាលខេត្តបានធ្វើការដោះស្រាយជាបន្តបន្ទាប់ដោយប្រើវិធានការបច្ចេកទេសកាយបើកផ្លូវទឹកហូរផង និងប្រើវិធានការផ្លូវច្បាប់ទៅលើអ្នករំលោភបំពានមួយចំនួនដែរសង្ឃឹមថាដំណើរការដោះស្រាយទប់ស្កាត់ជំនន់ទឹកភ្លៀងរបស់រដ្ឋបាលខេត្តព្រះសីហនុនឹងទទួលបានលទ្ធផលជាវិជ្ជមាននៅពេលខាងមុខនេះ។បើតាមគាត់បង្ហាញថាអាឡូវទ្រាំលិចចឹងសិនទៅ!?។
ដោយសារទឹកជន់លិចចឹងនៅវេលាម៉ោង១១:៣០នាទីព្រឹកថ្ងៃទី០៣ ខែកក្កដា ឆ្នាំ២០១៩នេះដែរ អគ្គិសនីខេត្តព្រះសីហនុ បានធើ្វការផ្អាកការផ្គត់ផ្គង់ចរន្តអគ្គិសនីបណ្តោះអាសន្ននៅខ្នែងPMT95 ដើម្បីរក្សាសុវត្ថិភាពជូនប្រជាពលរដ្ឋ។ចឹងទីតាំងដែលផ្តាច់ចរន្ត មាននៅ ភូមិ០២ ភូមិ០៣ សង្កាត់លេខ០៤ ក្រុងព្រះសីហនុ ខេត្តព្រះសីហនុ។ ក្រុមការងារបច្ចេកទេសនឹងធើ្វការភ្ជាប់ចរន្តជូនអតិថិជនតប្រើប្រាស់ឡើងវិញនៅវេលាម៉ោង ១៤:០០នាទីថ្ងៃរសៀល។
សូមបញ្ជាក់ដែរថាក្នុងការចូលកាន់តំណែងជាអភិបាលខេត្តព្រះសីហនុជំនួសលោកយន្តមីនដែលសុំដើរចេញលោកគួចំរើនបានប្តេជ្ញាធ្វើការកែលម្អហេដ្ឋារចនាសម្ពន្ធ័ក្រុងដែលបន្សល់ពីចៅហ្វាយខេត្តមុនឲ្យមានាភាពល្អប្រេសើ។ចឹងទឹកលិចនេះជាភស្តុតាងបង្ហាញពីទីតាំងដែលត្រូវដោះស្រាយជាអាទិភាពហើយ!៕
