កណ្ដាល ៖ ទីតាំងកែច្នៃ និងតម្លើងរថយន្តធុនធំគ្មានច្បាប់មួយកន្លែងស្ថិតក្នុងភូមិដំណាក់កកោះ ឃុំសំរោងលើ ស្រុកអង្គស្នួល ខេត្តកណ្ដាល ត្រូវបានកម្លាំងសមត្តកិច្ចចំរុះមាននគរបាលគយរាជអាជ្ញាខេត្តកណ្តាលចុះបង្ក្រាបកាលពីថ្ងៃទី០១ ខែកក្កដា ឆ្នាំ២០១៩ ។
មន្ត្រីនគរបាលការិយាល័យប្រឆាំងបទល្មើសសេដ្ឋកិច្ច នៃស្នងការដ្ឋាននគរបាលខេត្តកណ្តាល បានឲ្យដឹងថា ជនសង្ស័យជាម្ចាស់ទីតាំងរថយន្តកែច្នៃ ខាងលើនេះ មានឈ្មោះ សុខ បញ្ញា ភេទប្រុស អាយុ២១ឆ្នាំ មានទីលំនៅបច្ចុប្បន្នផ្ទះជួលភូមិដំណាក់កកោះ ឃុំសំរោងលើ ស្រុកអង្គស្នួល ខេត្តកណ្ដាល។សមត្ថកិច្ចបានដកហូតបានវត្ថុតាង រួមមាន រថយន្តម៉ាក NISSAN DiESAlL ៦គ្រឿង ទំងន់៥តោន រថយន្តចង្កូតស្ដាំ (គ្មានពន្ធ) ក្នុងនោះ មានពណ៌ទឹកប្រាក់ ២គ្រឿង និងពណ៌ស ៤គ្រឿង តំឡើងទ្រុងរួច ៣គ្រឿង និងមិនទាន់តំឡើងទ្រុង ៣គ្រឿង។
ចំពោះរថយន្តទាំង៦គ្រឿងនេះគឺជាប្រភេទរថយន្តដឹកធម្មតាកែច្នៃទៅជារថយន្តបែនសម្រាប់ដឹកដី ហើយមានម្ចាស់រៀងៗខ្លួន។ រថយន្តកែច្នៃគ្មានបង់ពន្ធខាងលើ សមត្ថកិច្ចដកហូត និងកសាងសំណុំរឿងចាត់ការតាមផ្លូវច្បាប់៕
