ខេត្តសៀមរាប ៖ កាលពីវេលាម៉ោង ១០ និង ២០នាទី យប់ថ្ងៃទី ៣០ ខែកក្កដា ឆ្នាំ២០១៦ នៅតាម បណ្តោយ ផ្លូវ សម្តេច ជាស៊ីម ស្ថិតក្នុង ភូមិ ខ្នារ សង្កាត់ជ្រាវ ក្រុង – ខេត្តសៀមរាប មានការបាញ់បោះ សេរី ដែលបង្ក ឡើងដោយ មន្ត្រីអាវុធហត្ថក្រុង បានធ្វើឲ្យភ្ញាក់ផ្អើលដល់ ប្រជាពលរដ្ឋ ទាំងយប់ ! មន្ត្រីអាវុធហត្ថរូបនោះត្រូវ គេបានស្គាល់ ឈ្មោះ ស៊ន់ គឹមហុង ជាមន្ត្រី កងរាជអាវុធហត្ថ ក្រុងសៀមរាប ។នេះបើតាមមន្ត្រីសង្កាត់ជ្រាវ បានឲ្យដឹង។
ក្នុងករណីបាញ់បោះសេរីដោយអាងខ្លួនជាសមត្តកិច្ចនេះបានធ្វើឲ្យ ប្រជាពលរដ្ឋ មានភ័យខ្លាច ដោយគាត់គិតថា នៅថ្ងៃណាមួយ បុគ្គលនេះ អាចនិងយក កាំងភ្លើង ដើរបាញ់ប្រជាពលរដ្ឋ ក៏ថាបាន។ពួកគាត់ បានស្នើរសុំ ឲ្យលោក មេបញ្ជាការប៉េអឹមខេត្ត និង មេបញ្ជាការប៉េអឹមក្រុង មើលកូនចៅផង កុំបណ្តោយឲ្យ យកកាំភ្លើង មកបាញ់បោះសេរីដូចស្រុកអត់ច្បាប់ បង្ករឲ្យមានការ ភ័យខ្លាច ដល់ពួកគាត់ ក៍ដូចជា ភ្ញៀវទេសចរណ៍ចឹងនោះ ។
សូមបញ្ជាក់ថា រាជរដ្ឋាភិបាល បានដាក់ចេញ នៅគោលនយោបាយ ភូមិឃុំមាន សុវត្ថិភាព ក្នុង មូលដ្ឋាន ជាគោលដៅបំបាត់ ឲ្យអស់ រាល់សក្មភាព ដែលល្មើសច្បាប់បងធំបងតូចគ្រឿងញៀនល្បែងស៊ីសងគឺ ដើម្បី សេចក្តីសុខរបស់ប្រជាពលរដ្ឋចុះ ហេតុអ្វីបានជា បុគ្គល រូបនេះដែលជាសមត្តកិច្ចប៉េអឹមផងបែរ ហ៊ាន កង្ករភាព អាណាធិបតេយ្យ ក្នុងក្រុង ទេសចរណ៏ទៅវីញ ! តើលោក អភិបាលខេត្តក្នុងនាមជាប្រធានគណៈបញ្ជាការឯកាភាពខេត្ត បានដឹងពីរឿងនេះទេ ! ។ព្រោះគេមិបានឃើញថ្នាក់លើរបស់គេមានវិធានការណ៍អ្វីចំពោះជនល្មើស នោះឡើយ។
មហាជនរិះគន់ថា៖ កន្លងមក មន្ត្រី អាវុធហត្ថតែងតែ ចាប់បុគ្គល ដែលល្មើស ច្បាប់ ! មិនថា ! ប៉ូលីស ឫ កងទ័ព គឺ អនុវត្តភ្លាមៗ ចុះ មន្ត្រីរបស់ខ្លួន ប្រព្រឹត្ត ឧសតើ មានចំណាត់ការដែរ ឫអត់ ពួកគាត់ សង្ឃឹមថា៖ លោកមេបញ្ជាការ ក៍ដូច ជា អភិបាលខេត្ត ចាត់ការ ជននេះទៅតាមផ្លូវច្បាប់ ដូចគេឯងផង ។
អ្នកព័ត៌មាន បានព្យាយាម ទាក់ទងទៅ មេបញ្ជាការ អាវុធហត្ថក្រុង និង មេបញ្ជាការអាវុធហត្ថ ខេត្ត តាមទូរស័ព្ទ ដើម្បីសុំការ បំភ្លឺ ប៉ុន្តែលោកធំទទាំងពីរ ទាំងពីរ មិនទទួល ៕
