ភ្នំពេញ ៖ កាលពីនៅយប់ថ្ងៃទី ២៩ខែ មិថុនា ឆ្នាំ២០១៩ វេលាម៉ោងប្រហែល ២១ ៣០នាទី សាកសពមួយ ត្រូវបានគេប្រទះឃើញ ឆេះខ្លោចខ្ទេចចំណាំលែងបានស្ថិតនៅត្រង់ចំណុចដីឡូតិ៍លោកឧកញ៉ា លីយុងផាត់ ផ្លូវលំខាងជើងប្រហែល៥០០ម៉ែត្រពីផ្លូវវិមានឈ្នះៗស្ថិតក្នុងភូមិបាក់ខែងលើ សង្កាត់បាក់ខែង ខណ្ឌជ្រោយចង្វា រ។
មកដល់ព្រឹកថ្ងៃទី៣០ ខែមិថុនា ឆ្នាំ២០១៩បើតាមសេចក្តីរាយការណ៍បឋមបានឱ្យដឹងថា សពជនរងគ្រោះជាស្ត្រីម្នផ្ទៃពោះ៨ខែ ត្រូវឃាតករដៃឆៅនោះសម្លាប់ដោយរឹត.កនៅកន្លែងផ្សេងដែលត្រូវគេសង្ស័យថា ជាស្ត្រីជនជាតិចិន រួចច្រកនៅក្នុងវ៉ាលីសដឹកតាមរថយន្តយកទៅដុតចោលក្នុងដីឡូតិ៍ដែលកន្លែងកើតហេតុនោះតែម្តង ។នៅ នៅជុំវិញកន្លែងកើតហេតុគំនរផេះផង់ក្រោយពីការដុតសពស្ត្រីរងគ្រោះ គឺមានឃើញមានស្នាមជើងកង់វ៉ាលីស រួមទាំងឧបរកណ៍មួយចំនួនទៀត ដែលជាជនសង្ស័យជាឃាតករដែលសម្លាប់ជនរងគ្រោះ រួចដាក់ក្នុងវ៉ាលីសនោះយកទៅដុតចោលតែម្តង ។
គេ នៅមិនទាន់ស្គាល់អត្តសញ្ញាណស្ត្រីរងគ្រោះនៅឡើយទេ គ្រាន់តែដឹងថា ស្ត្រីរងគ្រោះខាងលើមានអាយុប្រមាណជា១៦ឆ្នាំទៅ១៩ឆ្នាំ ថែមទាំងស្ត្រីរងគ្រោះផ្ទៃពោះទៀតផង ប្រមាណជា៧ទៅ៨ខែមកហើយ ។ ស្ត្រីរងគ្រោះ និងឃាតករជាមនុស្សស្គាល់គ្នាក៏ថាបាន ហើយគេដាក់ការសង្ស័យថា ស្ត្រីរងគ្រោះរូបនោះជាជនជាតិចិន ព្រោះនៅកន្លែងកើតហេតុបន្សល់រូបពណ៌ទឹកមាស គឺរូបដូចកង្កែបរបស់ជនជាតិចិនដែលគេនិយមប្រើ ទុកនៅកន្លែងកើតហេតុ ៕