ភ្នំពេញ៖ ក្រោយពីបានឡើងកាន់ជាតំណែង ជាអភិបាលខេត្តព្រះសហនុ នៅព្រឹកថ្ងៃទី៣០ ខែមិថុនា ឆ្នាំ២០១៩ លោក គួច ចំរើន បានប្រកាសប្តេជ្ញាចិត្តធ្វើការអភិវឌ្ឍន៍ឆ្នេរសមុទ្រ ឲ្យមានសោភណ្ឌភាពស្រស់ស្អាត ដើម្បីទាក់ទាញអ្នកទេសចរជាតិ និងអន្តរជាតិ មកទស្សនាខេត្តព្រះសីហនុ កាន់តែច្រើនឡើង ជាពិសេសដាក់អ្នកសំអាតឆ្នេរ និងសួនច្បារឲ្យជាប់ជាប្រចាំ។
ក្នុងឱកាសដឹកនាំមន្ត្រីក្រោមឳវាទ ចុះពិនិត្យឆ្នេរឯករាជ្យ លោក គួច ចំរើន បានបង្ហាញ ពីការរីករាយ និងសប្បាយចិត្ត លោកគួចចំរើនទទួលបានពលរដ្ឋ ដែលទៅទស្សនាកំសាន្តនៅតំបន់ឆ្នេរ ស្វាគមន៍និងខ្លះ សុំថតរូប ជាមួយក្នុងកាយវិការស្និតស្នាល។
ក្នុងឱកាសនោះ លោកបានបង្ហាញ ការប្តេជ្ញាចិត្តថា នឹងកែលំអរតំបន់ឆ្នេរទាំងអស់ នៅព្រះសីហនុ ឲ្យមានសោភព្ឌភាព ស្រស់ស្អាត ដោយក្រាលឥដ្ឋការ៉ូឡា សម្រាប់ពលរដ្ឋធ្វើដំណើរដោយងាយស្រួល រៀបចំសណ្តាប់ធ្នាប់ អនាម័យ និង បរស្ថានផងដែរ។
ដោយឡែក នៅពេលរសៀលថ្ងៃទី៣០ ខែមិថុនា ឆ្នាំ២០១៩វិញ លោកស្រី អ៊ូរ ធីតាពៅ គួចចំរើន បានចុះសួរសុខទុក្ខ កម្មករសំណង់ម្នាក់ មានឈ្មោះ សួន ណាត ភេទប្រុស អាយុ ១៨ឆ្នាំ មានស្រុកំណើតឃុំតាំងខ្យា ស្រុកភ្នំស្រួច ខេត្តកំពង់ស្ពឺ មកធ្វើការប្រមាណ ជាង២ខែ នៅការដ្ឋានជិតរង្វង់មូលតោពីរ កំពុងដើរសម្អាត បានរអិលជើងធ្លាក់ពីជាន់ទី២ មកលើខ្សាច់ បច្ចុប្បន្នកំពុងសម្រាក ព្យាបាល នៅមន្ទីរសម្រាកព្យាបាល រស្មីបាយ័ន និងបានសួរសុខទុក្ខ ជូនពរអ្នកជំងឺផ្សេងៗទៀត ផងដែរ ៕
