ភ្នំពេញ ៖ លោក ស្រី ម៉ាកនី ព្រះរាជអាជ្ញារងអមសាលាដំបូងរាជធានីភ្នំពេញ បានសម្រេចបញ្ជូនខ្លួនឈ្មោះ ជួន ច័ន្ទដារីដែលស្រវឹងនិងបែកថ្នាំដេញគប់ក្បាលអ្នកាកសែតព្រោះថតជនរូបនេះបើកឡានរេពេញផ្លូវនិងបញ្ច្រាសនៅចំណុចច្រមុះជ្រូកក្បាលថ្នល់ ទៅមណ្ឌលបន្សាបសារធាតុញៀនឱកាសខ្ញុំ ដើម្បីព្យាបាលតែមិនបានចាត់ការបណ្តឹងអ្នកកាសែតឡើយ។
លោក ស្រី ម៉ាកនី ជាតំណាងអយ្យការ បានប្រាប់ថា សំណុំរឿងនេះ នគរបាលបានបញ្ជូនខ្លួនជនសង្ស័យមកតុលាការ ដោយសន្និដ្ឋានថា ប្រើប្រាស់គ្រឿងញៀនតែប៉ុនណោះ។ ឯពាក្យបណ្តឹងរបស់អ្នកកាសែត គឺនគរបាលមិនបានបញ្ជូនមកតុលាការទេ។
លោក ម៉េង វិមានរតនា អធិការខណ្ឌមានជ័យ បានប្រាប់អ្នកកាសែតថា មូលហេតុដែលនគរបាលមិនបញ្ជូនបណ្តឹងរបស់អ្នកកាសែត ទៅតុលាការព្រោះតែ អ្នកកាសែតអត់មានរងរបួស ។ តែលោកអធិការថា ដោយរងចាំឆ្លងយោបល់ថ្នាក់លើសិននគរបាលនឹងបញ្ជូនបណ្តឹងទៅតាមក្រោយ ។
ជនសង្ស័យឈ្មោះ ជួន ច័ន្ទដារី ភេទប្រុស អាយុ ៣៤ឆ្នាំ ស្នាក់នៅផ្ទះលេខ៥C ផ្លូវជាតិលេខ៤ ក្នុងសង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ ត្រូវសមត្ថកិច្ច ឃាត់ខ្លួនកាលពីព្រឹកថ្ងៃទី២៣ ខែមិថុនា ឆ្នាំ២០១៩ នៅចំណុចច្រមុះជ្រូកក្បាលថ្នល់ ផ្លូវ២៧១ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញដោយសារ តែជនសង្ស័យ បើកកាមេរី ហាយប្រ៊ីជ ព័ណ៌ខ្មៅ ពាក់ស្លាកលេខ ភ្នំពេញ 2AB-7691 រេចង្កូតពេញផ្លូវ (ទំនងដូចជាស្រវឹង)បញ្ច្រាសទិស និងរេចង្កូតពេញផ្លូវ រកបុកប្រជាពលរដ្ឋអ្នកធ្វើដំណើរ។ ក្រោយពីចុះពីលើរថយន្ត ជនសង្ស័យ បាន ស្រែកឡាំប៉ា រួចរើសដែក ដុំថ្ម និងដោះស្បែកឈើង ដេញគប់សមត្ថកិច្ច និងអ្នកកាសែត តែម្តងទោះប្រពន្ធឃាត់ក៏មិនស្តាប់ដែរ៕