សៀមរាប៖ នៅក្នុងភូមិសន់ថន ឃុំសំបួរ ស្រុកក្រឡាញ់ ខេត្តសៀមរាបមានបនល្បែងជល់មាន់បើកលេងដោយចំហរតាំងពីខែប្រាំងដល់ វស្សាតែមិនដែលឃើញមានសមត្តកិច្ចទៅហាមឃាត់ឡើយ។ ល្បែងភ្នាល់ជល់មាន់នេះចាប់បើកលេងថ្ងៃសុក្រ ដោយអ្នកញៀនល្បែងនាំគ្នា លេងចាក់លុយធំៗ ហូរកញ្ច្រៀវ ពេលចាញ់ឈ្នះម្តងៗគ្មានខ្លាចអាណាតិចឡើយ។ល្បែងភ្នាល់ជល់មាន់ដុះ ស្លែ មួយកន្លែងនៅក្នុងស្រុកក្រឡាញ់បាននិងកំពុងធ្វើឱ្យប៉ះពាល់ដល់គោលនយោបាយ ភូមិឃុំឃុំមានសុវត្ថិភាពហើយអ្នកស្រុក៌នាំគ្នាងឿងឆ្ងល់ថា ហេតុអ្វីសមត្ថកិច្ចមិនដឹងឬ មួយក៏ទុកសម្រាប់ចិញ្ចឹមឆ្នាំងបាយ?។ប្រភពពីអ្នកញៀនល្បែងម្នា ក់បានប្រាប់ថា ជើងកាង បនល្បែងនៅទីនោះ ឈ្មោះ ភ័ត ភេទប្រុស មានទីលំនៅភូមិឃុំខាងលើ។
លោកវរសេនីយ៍ទោ ចាន់ សារ៉េត អធិការដ្ឋាននគរបាលស្រុកក្រឡាញ់ បានប្រាប់ កាសែតថា ល្បែងភ្នាល់ជល់មាន់នេះ លោក បានឱ្យកម្លាំងក្រោមឱវាទដេញរត់រប៉ាត់រប៉ាយម្តងហើយ?។លោកបន្តថា ករណីភ្នាល់ជល់មាន់ថ្ងៃនេះលោកពុំបានដឹងទេ ព្រោះកន្លែងជល់នោះវានៅឆ្ងាយពីស្រុក ដូច្នេះចាំលោក ហៅមេប៉ុស្តិ៍ទាំងអស់មកព្រមាន ម្តងសិន បើប៉ុស្តិ៍ណានៅមានល្បែងស៊ីសងឬភ្នាល់ជល់មាន់ទៀតលោកនឹងរាយការណ៍ ទៅថ្នាក់លើ?។