ភ្នំពេញ ៖ លោក ឃួង ស្រេង អភិបាលអាជ្ញាធររាជធានីភ្នំពេញ នៅក្នុងកិច្ចប្រជុំគណៈបញ្ជាការឯកភាពរាជធានីភ្នំពេញ កាលពីរសៀលថ្ងៃអង្គារ ៨រោច ទី២៥ ខែមិថុនា ឆ្នាំ២០១៩បានសន្យាថា នឹងបង្ក្រាបឲ្យអស់នូវគ្រឿងញៀននៅតាមក្លឹបកម្សាន្ត ខារ៉ាអូខេ ទាំងតូច ទាំងធំនៅក្នុងរាជធានីភ្នំពេញ នៅក្នុងឆ្នាំ២០១៩នេះ ។
លោក ឃួង ស្រេង បានបញ្ជាក់ថា៖ កិច្ចការពារសន្តិសុខ ជូនប្រជាពលរដ្ឋ គឺជាការងាររបស់សមត្ថកិច្ច និងអាជ្ញាធររបស់យើង ដូច្នេះទេយើងត្រូវតែរួមគ្នាធ្វើយ៉ាងណាឲ្យភូមិសង្កាត់មានសុវត្ថិភាព ។ ពាក់ព័ន្ធនឹងក្លឹប កំសាន្តនានាទោះបីតូចឬធំនៅក្នុងរាជធានីភ្នំពេញទាំងអស់ អាជ្ញាធរខណ្ឌទាំង១៤ត្រូវតែចុះត្រួតពិនិត្យ ហើយបើដឹងថា នៅក្នុងក្លឹបកម្សាន្តដំបូងមានបង្កប់ទៅដោយគ្រឿងញៀនដាច់ខាតត្រូវតែបង្ក្រាបបិទអាជីវកម្មក្លឹបទាំងនោះតែម្ដង ។
លោក ឃួង ស្រេង បានបញ្ជាក់ថា៖ រាល់ក្លឹបកំសាន្ត និង ktv ទាំងអស់ អាជ្ញាធរខណ្ឌយើងត្រូវណែនាំពួកគាត់ ឲ្យជៀសឆ្ងាយពីបញ្ហាគ្រឿងញៀននៅក្នុងក្លឹបកម្សាន្តទាំងនោះ បើពួកគាត់មិនស្ដាប់តាមការណែនាំរបស់យើងទេ យើងក្នុងនាមជាអាជ្ញាធរមូលដ្ឋានត្រូវតែបិទកាសអាជីវកម្មក្លិបរបស់ពួកគាត់ ។
លោក ស ថេត ស្នងការនគរបាលរាជធានីភ្នំពេញ បានបញ្ជាក់ថា៖ ការបង្ក្រាបគ្រឿងញៀននៅតែអនុវត្តបន្ត នៅតាមក្លឹបកម្សាន្ត នានានៅក្នុងរាជធានីភ្នំពេញ បើទោះបី នៅតាមក្លឹបកម្សាន្តទាំងនោះមានខ្នងបង្អែកធំប៉ុណ្ណា ក៏ដោយ ដោយយើងនឹងអនុវត្តតាមអនុសាសន៍របស់សម្ដេចក្រឡាហោម ស ខេង ថា នៅឆ្នាំ២០១៩ នេះគឺជាឆ្នាំដែលយើងត្រូវលុបបំបាត់ឲ្យអស់បញ្ហាគ្រឿងញៀននៅតាមបណ្ដាក្លឹបកំសាន្តខារ៉ាអូខេ នានានៅទូទាំងប្រទេស ។
សូមបញ្ជាក់ដែរថាថ្មីនគរបាលបានបង្ក្រាបក្លឹបលច្សសារីចាប់មនុស្សជាង៤០០នាក់តែជាប់សង្ស័យតែ១៧នាក់់រឿងជួញនិងប្រើគ្រឿញៀនបញ្ជុនទៅតុលាការតែសម្រាប់ថៅកែក្លឹបដែលគេមិនទាន់ឃើញសមត្តកិច្ចចាប់ខ្លួនឬតុលាការចេញដីកាឲ្យតាមចាប់ខ្លួននៅឡើយ?។